Хабарҳо
Паёми табрикии Раиси вилоят Раҷаббой Аҳмадзода бахшида ба Рӯзи Ваҳдати миллӣ - 25.06.2018 15:55
Пешвои миллат Эмомалӣ Раҳмон сокинони Шаҳристонро даъват намуданд, ки дӯстию ҳамкориро бо Ӯзбекистон густариш бахшанд - 25.06.2018 15:07
Маросими ифтитоҳи Меҳмонхонаи замонавии “Киропол” дар хиёбони Истиқлоли шаҳри Истаравшан - 25.06.2018 09:28
Оғози корҳои сохтмонӣ барои бунёди Маҷмааи миллии соҳибкории 16 — ошёнаи «Роҳи абрешим» дар шаҳри Истаравшан - 25.06.2018 08:43
Ифтитоҳи Маркази савдо ва хизматрасонии «Фаровон» дар хиёбони Исмоили Сомонии шаҳри Истаравшан - 25.06.2018 08:30
Муроҷиати иттиҳоди точикони Қазокистон ба кишварҳо ва сохторҳои Аврупо роҷеъ ба мусоҳибаи раиси ҳизби террористии наҳзати ислом - 25.06.2018 08:48
Иштироки Пешвои миллат Эмомалӣ Раҳмон дар маросими ифтитоҳи Парчами давлатии Тоҷикистон дар шаҳри Истаравшан - 25.06.2018 08:19
Иштироки Пешвои миллат Эмомалӣ Раҳмон дар маросими ифтитоҳи Нишони давлатии Тоҷикистон дар шаҳри Истаравшан - 25.06.2018 08:18
Оғози сафари кории Пешвои миллат Эмомалӣ Раҳмон ба шаҳри Истаравшани вилояти Суғд - 25.06.2018 07:01
Суханронии Пешвои миллат Эмомалӣ Раҳмон дар мулоқот бо сокинони ноҳияи Шаҳристон - 24.06.2018 13:00

Консерти муштараки санъаткорони ноҳияҳои Рӯшон, Ванҷ, Мурғоб ва шаҳри Исфара

( 0 Овоз )

Санаи 23 август иштирокчиёни ҳафтаи фарҳанги Вилояти Мухтори Куҳистони Бадахшон дар вилояти Суғд, намояндагони ноҳияҳои Рӯшон, Ванҷ ва Мурғоб таҳти сарварии муовини раиси Вилояти Мухтори Куҳистони Бадахшон Абдулназар Абдулназарзода ба шаҳри Исфара ташриф оварданд.

Дар даромадгоҳи шаҳр меҳмононро раиси шаҳри Исфара Расулзода Дилшод Ҷабборӣ ва сокинони шаҳр гарму самимӣ истиқбол намуданд.

Иштирокчиёни ҳафтаи фарҳанги ВМКБ дар вилояти Суғд сараввал дар Боғи фарҳангию фароғатии маркази шаҳр дар зери муҷассамаи шоири маъруфи тоҷик Сайфи Исфарангӣ гулу гулдастаҳо гузошта, гулбоғи ҳамноми шоирро тамошо карданд.

Тибқи барномаи ҳафтаи фарҳангӣ меҳмонони бадахшонӣ дар шаҳри Исфара аз ҶДММ “Файзи Навгилем”, корхонаи “Баракат”, варзишгоҳи маркази шаҳр, майдони ба номи Исмоили Сомонӣ ва осоишгоҳи “Зумрад” боздид намуданд.

Сипас, дар Кохи фарҳанги шаҳр бо иштироки санъаткорони ноҳияҳои Рӯшон, Ванҷ, Мурғоб ва ҳунармандони шаҳри Исфара барномаи муштараки фарҳангӣ баргузор гардид.

Шаҳрдори Исфара Дилшод Расулзода ҳамзамон бо хайрамақдамгӯйии меҳмонон ташкилу баргузории Ҳафтаи фарҳанги Вилояти Мухтори Куҳистони Бадахшон дар вилояти Суғдро тадбири арзишманде арзёбӣ намуд, ки натанҳо ҷиҳати баланд бардоштани сатҳи маърифату маънавиёти мардум, балки дар ташаккули арзишҳои ахлоқиву маънавии ҷомеа, балки ҳамчунон тақвиятбахшии риштаи дӯстӣ ва ваҳдату ягонагии мардуми тоҷик нақши муассир хоҳад дошт.

Бино бар суханони ширкатдорони маҳфил таассуроти мардуми Исфара аз тамошои барномаҳои намоишӣ ва ҳунарии фарҳангиёни навоҳии Рӯшон, Ванҷу Мурғоб неку бебозгашт аст.

Аз ҷониби дигар аҳли фарҳанги Бадахшон изҳор доштанд, ки барои онҳо низ тамошои мавзеъҳои таърихӣ ва фарҳангии шаҳри Исфара, инчунин тариқи меҳмоннавозии мардуми он хушоянд буд ва ҳар яки онон аз Исфара хотираҳои нек бо худ мебаранд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Консерти муштараки санъаткорони ноҳияҳои Рӯшон, Ванҷ, Мурғоб ва шаҳри Исфара