Хабарҳо
Паёми табрикии Раиси вилоят Раҷаббой Аҳмадзода бахшида ба Рӯзи Ваҳдати миллӣ - 25.06.2018 15:55
Пешвои миллат Эмомалӣ Раҳмон сокинони Шаҳристонро даъват намуданд, ки дӯстию ҳамкориро бо Ӯзбекистон густариш бахшанд - 25.06.2018 15:07
Маросими ифтитоҳи Меҳмонхонаи замонавии “Киропол” дар хиёбони Истиқлоли шаҳри Истаравшан - 25.06.2018 09:28
Оғози корҳои сохтмонӣ барои бунёди Маҷмааи миллии соҳибкории 16 — ошёнаи «Роҳи абрешим» дар шаҳри Истаравшан - 25.06.2018 08:43
Ифтитоҳи Маркази савдо ва хизматрасонии «Фаровон» дар хиёбони Исмоили Сомонии шаҳри Истаравшан - 25.06.2018 08:30
Муроҷиати иттиҳоди точикони Қазокистон ба кишварҳо ва сохторҳои Аврупо роҷеъ ба мусоҳибаи раиси ҳизби террористии наҳзати ислом - 25.06.2018 08:48
Иштироки Пешвои миллат Эмомалӣ Раҳмон дар маросими ифтитоҳи Парчами давлатии Тоҷикистон дар шаҳри Истаравшан - 25.06.2018 08:19
Иштироки Пешвои миллат Эмомалӣ Раҳмон дар маросими ифтитоҳи Нишони давлатии Тоҷикистон дар шаҳри Истаравшан - 25.06.2018 08:18
Оғози сафари кории Пешвои миллат Эмомалӣ Раҳмон ба шаҳри Истаравшани вилояти Суғд - 25.06.2018 07:01
Суханронии Пешвои миллат Эмомалӣ Раҳмон дар мулоқот бо сокинони ноҳияи Шаҳристон - 24.06.2018 13:00

Мулоқоту вохӯриҳои аҳли фарҳанги ВМКБ бо сокинони шаҳри Конибодом

( 0 Овоз )

Дар доираи Ҳафтаи фарҳанги Вилояти Мухтори Кӯҳистони Бадахшон дар вилояти Суғд як гуруҳи калони меҳмонон ба шаҳри Конибодом ташриф оварданд.

Меҳмононро дар даромадгоҳи шаҳри Конибодом роҳбарияти шаҳр,  роҳбарони ташкилоту муассисаҳо ва аҳли фарҳанг бо гулу гулдаста ва нону ширинӣ пешвоз гирифтанд.

Баъди маросими истиқбол меҳмонон дар ду гуруҳ дар чорабиниҳо ширкат варзиданд. Дар маҳфили муштараки ҷавонони Бадахшон ва Конибодом, ки дар тарабхонаи «Олимиён» баргузор шуд, нахуст меҳмонон аз намоиши ҳунарҳои дастии ҷавонони шаҳр дидан карда, ба ҳунари ҷавонон баҳои баланд доданд. Баъдан бо иштироки меҳмонон мулоқот баргузор шуд.

Дидору мулоқоти адибони ВМКБ ва Конибодом ба маҳфили адаб ва  ҳунари суханварӣ табдил ёфт. Сарвари коллеҷи омӯзгории шаҳри Конибодом Ҳалимҷон Зоиров адибону рӯзноманигорони бадахшониро хайрамақдам гуфт ва изҳор дошт, ки маҳфили мазкур бо мақсади шиносии адибони Конибодому ВМКБ баргузор мешавад.

Дар маҳфил адибон дар васфи Ватан, дӯстӣ, сулҳу ваҳдат шеърҳои нави худро  қироат карданд. Ҳунармандони машҳури ВМКБ ва санъаткорони шаҳри Конибодом хотири иштирокчиёни маҳфилро бо  сурудҳои диловез шод гардонданд.

Сипас фарҳангиёни ВМКБ дар нимаи дуюми рӯз намоишномаи театрии худро дар Кохи фарҳанги шаҳри Конибодом ба намоиш гузоштанд, ки онро ҳаводорони санъат хуш пазируфтанд.

Меҳмонон дар идомаи сафар аз осорхонаи таърихию кишваршиносии ба номи Мирраҷаб Додхоҳ ва дигар мавзеъҳои таърихии Конибодом дидан карда, бо мардум мулоқотҳо доир намуданд.

Рӯзҳои фарҳанги ВМКБ дар шаҳри Конибодом басо самимиву хотирмон ва барои ҳарду ҷониб судманд анҷом ёфта, барои дӯстиву ҳамдилӣ ва садоқат миёни мардуми Суғд ва ВМКБ заминаи мусоид фароҳам овард.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Мулоқоту вохӯриҳои аҳли фарҳанги ВМКБ бо сокинони шаҳри Конибодом