Хабарҳо
Заметки по поводу конференции Исламской партии Таджикистана в Дортмунде - 20.07.2018 23:23
Ба таваҷҷуҳи шаҳрвандон! - 20.07.2018 15:42
Ҷамъбасти фаъолияти соҳаҳои иқтисодиву иҷтимоии вилоят дар нимсолаи аввали соли 2018 - 20.07.2018 15:22
Мулоқоти Маҳмадсаид Шоҳиён бо фаъолони шаҳри Бӯстон - 20.07.2018 13:30
ТӮЙЕ, КИ БА МОТАМ ТАБДИЛ ЁФТ (Қайдҳо дар бораи конфронси ТТЭ наҳзати ислом дар Дортмунд) - 20.07.2018 11:34
Варзишгарони вилояти Суғд дар мусобиқоти байналмилалӣ сазовори 14 медали тилло, 10 медали нуқра ва 15 медали биринҷӣ гардиданд - 20.07.2018 10:28
Суғд: Нақшаи даромадҳои буҷети давлатӣ ба андозаи 107,0 фоиз таъмин гардид - 20.07.2018 10:09
Ба ғолибони Фестивал-озмуни вилоятии ҳунарҳои мардумӣ дар маҷмӯъ 60 000 сомонӣ мукофотпулӣ тақдим мешавад - 20.07.2018 09:41
Оғози мумфаршкунии кӯчаи ба номи Усмон Қосимов ва гузоштани санги асос ба бунёди зеристгоҳи барқии "Темурмалик" дар шаҳри Хуҷанд - 19.07.2018 18:56
Вусъати корҳои созандагӣ ба истиқболи ҷашни бузурги миллӣ - 19.07.2018 15:33

Дар доираи ҳафтаи фарҳанги ВМКБ дар шаҳри Панҷакент чорабиниҳои гуногун баргузор шуд

( 0 Овоз )

Дар доираи дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон оид ба таҳкими дӯстиву ваҳдат ва ҳуввияти ватандӯстии сокинони мамлакат санаи 21 августи соли равон гурӯҳи калони иштирокчиёни  ҳафтаи фарҳанги Вилояти Мухтори Кӯҳистони Бадахшон ба шаҳри Панҷакент ташриф оварданд.

Меҳмононро дар даромадгоҳи шаҳр раиси шаҳри Панҷакент Ислом Зиёзода, роҳбарони ташкилоту муассисаҳо, аҳли фарҳанг бо гулу гулдаста, нону ширинӣ ва зери садои марғуладори сурнаю карнай пешвоз гирифтанд.

Баъди маросими ботантанаи истиқбол меҳмонон ба зодгоҳи асосгузори адабиёти классикии тоҷику форс Абӯабдуллоҳи Рӯдакӣ омада, мақбараи шоирро зиёрат карданд . Ба фарҳангиёни бадахшонӣ тамошои  маҷмааи фарҳангии назди мақбара,  намунаҳои осори шоир  ва аксу мусаввараҳо шодибахшу хотирмон буд.

Барномаи рӯзи дуюми сафари фарҳангиёни бадахшонӣ ба Панҷакент аз намоишномаи театрии санъаткорони вилоят дар Кохи фарҳанги Панҷакент оғоз ёфт, ки онро ҳаводорони санъат хуш пазируфтанд.

Дар маҳфили муштараки ҷавонон Бадахшон ва Панҷакент, ки дар толори хурди Кохи фарҳанги шаҳр баргузор шуд, сухан аз ғамхориҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба ҷавонони кишвар, самимияту сипосгузорӣ ҷиҳати эълон кардани Соли ҷавонон, нақши ҷавонон дар рушди иқтисодию иҷтимоӣ рафт.

Дидору мулоқоти адибони ВМКБ ва Панҷакент, ки дар толори МТМУ №71 баргузор шуд, ба маҳфили адаб ва  ҳунари суханварӣ табдил ёфт. Муовини раиси шаҳри Панҷакент З.Азимӣ адибону рӯзноманигорони бадахшониро ба диёри устоди шоирон Абӯабдуллоҳи Рӯдакӣ хайрамақдам гуфт ва изҳор дошт, ки ҳадаф аз баргузории маҳфил шиносоию  ошноии наздиктар аз адибони  Бадахшону Зарафшон аст. Адибони Зарафшону Бадахшон бо эҷодиёти бою рангоранг- шеъру достон, қиссаю ҳикояҳои худ дар рушди  адабиёти имрӯзаи тоҷик саҳми намоён мегузоранд. Дар асарҳои адибон ва навиштаҳои рӯзноманигорон дастовардҳои Тоҷикистони азизамон, ғояҳои бузурги сулҳу ваҳдат, дӯстию бародарии халқҳои кишварамон, тасвири идеалҳои олии ҷасурию мардонагӣ, матонату фитрати азалии тоҷикон   мақоми асосӣ  ва рангу бӯи хоса доранд.

Раиси шӯъбаи вилоятии Иттифоқи нависандагони Тоҷикистон дар ВМКБ Лаълҷубаи Мирзоҳасан ба мардуми Панҷакент барои пазироии гарму ҷӯшон изҳори сипос кард. ӯ гуфт, ки аз хоки Зарафшон Одамушшуаро устод Абӯабдуллоҳи Рӯдакӣ бархостаанд ва аз пушти килкашон шеър фаввора зад  ва ба ҷаҳониён мактабхонаи панду ҳикмат гардид.  Мо фахр мекунем, ки  вилояти Суғд адибоне чун устод Лоиқ Шералӣ, Фарзона ва Озарахшро ба майдони адабиёти тоҷик овардааст.

Котиби масъули бахши панҷакентии иттифоқи нависандагони Тоҷикистон Давлатшоҳи Тоҳирӣ сухани шодбошӣ гуфт.Шоирон Саодати Саидаъзам, Абдураҳмони Сулаймон, Исмоил Зарифӣ, Шаҳодат, Бобаки Суғдӣ дар васфи Ватан, дӯстӣ, сулҳу ваҳдат шеърҳои нави худро  қироат карданд. Ҳунармандони машҳури ВМКБ ва шаҳри Панҷакент хотири иштирокчиёни маҳфилро бо савту сурудҳои диловез шод гардонданд.

Меҳмонон аз хона- музейи Шоири халқии Тоҷикистон Лоиқ Шералӣ дар зодгоҳи шоир деҳаи Мазори Шариф, ҳафриёти Саразми 5500 сола, ки ба Феҳристи мероси ёдгории умумиҷаҳонии ЮНЕСКО шомил аст, музейи таърихию кишваршиносии ба номи Абӯабдуллоҳи Рӯдакӣ ва дигар мавзеъҳои зебою таърихии Панҷакент дидан карданд ва бо мардум  мулоқотҳо доир намуданд.

Бегоҳирӯзӣ тамошобинони сершумор дар майдони Истиқлоли шаҳри Панҷакент барномаи бою рангини санъаткорони Бадахшонро  бо шавқу рағбати зиёд тамошо карданд.

Шомгоҳон дар боғи фарҳанг ва истироҳати ба номи Камоли Хуҷандии шаҳр шоми дӯстӣ баргузор шуд. Раиси шаҳри Панҷакент Ислом Зиёзода, раиси кумитаи иҷроияи ҲҲДТ дар ВМКБ Ҷонибеки Қозибек дар назди ҳозирин суханҳои шодбошӣ гуфтанд. Мизбонону  меҳмонон ба ҳамдигар тӯҳфаҳои хотиравӣ ҳадя намуданд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Дар доираи ҳафтаи фарҳанги ВМКБ дар шаҳри Панҷакент чорабиниҳои гуногун баргузор шуд