Хабарҳо
Боздиди Пешвои миллат аз намоишгоҳи маҳсулоти саноатӣ ва мулоқот бо сохтмончиёни вилояти Суғд - 17.11.2017 16:25
Ифтитоҳи Маҷмааи миллии «Маркази оши палов» ва тақдими туҳфаҳои идона ба 160 нафар ятими кулл - 17.11.2017 14:09
Китоби “Пешвои миллат ва сиёсати забон” муаррифӣ шуд - 17.11.2017 12:44
Суханронии Пешвои миллат Эмомалӣ Раҳмон ба муносибати ифтитоҳи мактаби таҳсилоти миёнаи умумӣ дар маҳаллаи Темурмалики шаҳри Хуҷанд - 17.11.2017 11:41
Ифтитоҳи Мактаби Президентӣ барои хонандагони болаёқат дар шаҳри Хуҷанд - 17.11.2017 11:40
Эмомалӣ Раҳмон – эҳёгари давлати навини тоҷикон - 17.11.2017 11:16
Конибодом. Баргузории конфронси илмӣ-адабӣ бахшида ба 25-солагии Иҷлосияи XVI Шӯрои Олии Ҷумҳурии Тоҷикистон - 17.11.2017 11:10
Ба ифтихори Рӯзи Президент дар шаҳри Исфара чорабинӣ доир шуд - 17.11.2017 11:06
Таҷлили 25-солагии Иҷлосияи XVI Шӯрои Олии Ҷумҳурии Тоҷикистон дар ноҳияи Ашт - 17.11.2017 11:05
Мулоқот бо фаъолон ва сокинони шаҳри Истиқлол - 16.11.2017 11:39

Таасуроти иштирокчиёни ҳафтаи фарҳангии ВМКБ дар вилояти Суғд

( 0 Овоз )

Тавре ки иттилоъ дода будем, Ҳафтаи фарҳанги Вилояти Мухтори Кӯҳистони Бадахшон дар вилояти Суғд 21 августи соли равон оғоз гардид. Меҳмононро дар даромадгоҳи нақби «Истиқлол»-и ноҳияи Айнӣ муовини якуми Раиси вилоят Раҳматзода Рустам Мирзо, муовини Раиси вилоят Назира Fаффорӣ ва намояндагони шаҳру навоҳии вилоят бо гулу гулдаста, карнаю сурнай ва нону ширинӣ пешвоз гирифтанд.

Сипас, меҳмонон ба деҳаи Зоосуни ноҳияи Айнӣ раҳсипор гардида, дар пояи Муҷассамаи шоир Нақибхон Туғрали Аҳрорӣ гулчамбар гузошта, аз Хона - мӯзейи ин шоири номдор дидан намуданд ва таассуроти хешро баён намуданд.

Азима Шодмонбекова – хонандаи мактаби таҳсилоти миёнаи умумии №6-уми шаҳри Хоруғ:

-Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон супориш дода буданд, ки дар соли 2017-ум Рӯзҳои фарҳанги Вилояти Мухтори Кӯҳистони Бадахшон дар вилояти Суғд баргузор карда шавад. Хушбахтона, ин супориш амалӣ гардид ва имрӯз зиёда аз 800 нафар намояндагони касбу кори гуногун аз Вилояти Мухтори Кӯҳистони Бадахшон вориди вилояти Суғд гардидем.

Дар роҳ мо мушоҳида намудем, ки давоми соҳибистиқлолии кишвар - Тоҷикистони азизи мо хеле зебову обод гардидааст. Роҳҳои обод, нақбҳо, иншоотҳои замонавӣ ва дигар ободкориҳое, ки мо дар роҳ дидем, бори дигар аз оромиву осудагӣ ва тараққиёт дар Тоҷикистони азизи мо гувоҳӣ медиҳанд.

Хурсандиовар он аст, ки бори аввал ба ноҳияи Айнӣ ташриф овардам ва аз Муҷассамаи шоир Нақибхон Туғрали Аҳрорӣ ва Хона - мӯзейи ин шоири оташинсухан дидан намудам, ки хеле писандам омад. Он дар сатҳи баланд сохта шуда, дар он нақшу нигори миллӣ таҷассум ёфтааст. Бо ҳаёт ва рӯзгори гузаштаи ин шоири маъруф аз наздик шинос шуда, таассуроти зиёде бардоштам 

Таҳмина Назархудоева –сокини Вилояти Мухтори Кӯҳистони Бадахшон, донишҷӯӣ Донишгоҳи давлатии Хуҷанд ба номи академик Бобоҷон Ғафуров:

- Мо имрӯз хеле хурсанд ҳастем, ки дар чунин як чорабинии бошукӯҳ иштирок дорем ва дар ин сафар мо аз мавзеъҳои таърихии ноҳияи Айнӣ дидан кардем.  Аз ҷумла муҷассамаи шоир Нақибхон Туғрали Аҳрорӣ ва Хона - мӯзейи ин шоири шинохтаи тоҷик таассуроти бой бахшиданд. Мардуми ин минтақа меҳмондӯсту меҳмоннавоз, моро хеле хуб пешвоз гирифтанд. Мо, мардуми Бадахшон миннатдории худро ба Пешвои муаззами миллат мерасонем, ки чунин як рӯзҳои фарҳангиро эҳё карданд, мо бо ин васила тавонистем, байни ҳамдигар дӯстиву рафоқат пайдо намоем, аз суханони ҳамдигар илҳоми тоза гирем. Чунонки мегӯянд, меҳр дар чашм аст.

Сипас, аз тарафи аҳли фарҳанги вилояти Суғд дар Қасри фарҳанги навбунёди ноҳияи Айнӣ барномаи басо рангини фарҳангиву фароғатӣ таҳти унвони «Хуш омадед, меҳмонони Бадахшон» баргузор гардид. Пеш аз оғози чорабинӣ муовини якуми Раиси вилояти Суғд  Раҳматзода Рустам Мирзо ва муовини якуми Раиси Вилояти Мухтори Кӯҳистони Бадахшон Нуралӣ Риоев баромад намуда таъкид доштанд, ки мақсад аз ташкили чунин як чорабинӣ ин боз ҳам мустаҳкам сохтани риштаҳои дӯстӣ миёни сокинони Тоҷикистони соҳибистиқлол ба шумор меравад.

Барномаи фарҳангие, ки пешкаши ҳозирин карда шуд, аз шеъру таронаҳои дилнишин, рақсҳои ҷолиб ва саҳнаҳои дилхушкунанда иборат буд ва дӯстии минтақаҳои кишварро тараннум менамуд.

Ника Баранова – омӯзгор аз ноҳияи Ишкошим:

-Мақсади асосии ташрифи мо дар он аст, ки дӯстиву рафоқати байни вилояти Суғд ва  Вилояти Мухтори Кӯҳистони Бадахшон боз ҳам мустаҳкам гардида, дар оянда боз рафтуомади мардуми  ин вилоятҳо зиёд шавад. Мо аз қабул ва меҳмоннавозии мардуми ноҳияи Айнӣ  ва умуман вилояти Суғд хеле хушнудем ва миннатдории худро ба мардуми Суғдзамини бостонӣ мерасонем.

Шарҳ додан


Защитный код
Нав кардан

ШУМО ДАР: Навиди Суғд Таасуроти иштирокчиёни ҳафтаи фарҳангии ВМКБ дар вилояти Суғд