Хабарҳо
Паёми табрикии Раиси вилоят Раҷаббой Аҳмадзода бахшида ба Рӯзи Ваҳдати миллӣ - 25.06.2018 15:55
Пешвои миллат Эмомалӣ Раҳмон сокинони Шаҳристонро даъват намуданд, ки дӯстию ҳамкориро бо Ӯзбекистон густариш бахшанд - 25.06.2018 15:07
Маросими ифтитоҳи Меҳмонхонаи замонавии “Киропол” дар хиёбони Истиқлоли шаҳри Истаравшан - 25.06.2018 09:28
Оғози корҳои сохтмонӣ барои бунёди Маҷмааи миллии соҳибкории 16 — ошёнаи «Роҳи абрешим» дар шаҳри Истаравшан - 25.06.2018 08:43
Ифтитоҳи Маркази савдо ва хизматрасонии «Фаровон» дар хиёбони Исмоили Сомонии шаҳри Истаравшан - 25.06.2018 08:30
Муроҷиати иттиҳоди точикони Қазокистон ба кишварҳо ва сохторҳои Аврупо роҷеъ ба мусоҳибаи раиси ҳизби террористии наҳзати ислом - 25.06.2018 08:48
Иштироки Пешвои миллат Эмомалӣ Раҳмон дар маросими ифтитоҳи Парчами давлатии Тоҷикистон дар шаҳри Истаравшан - 25.06.2018 08:19
Иштироки Пешвои миллат Эмомалӣ Раҳмон дар маросими ифтитоҳи Нишони давлатии Тоҷикистон дар шаҳри Истаравшан - 25.06.2018 08:18
Оғози сафари кории Пешвои миллат Эмомалӣ Раҳмон ба шаҳри Истаравшани вилояти Суғд - 25.06.2018 07:01
Суханронии Пешвои миллат Эмомалӣ Раҳмон дар мулоқот бо сокинони ноҳияи Шаҳристон - 24.06.2018 13:00

Иштироки донишмандони тоҷик дар ҳамоиши байналмилалии «Мирзо Бедил ва мероси ў»

( 1 Овоз )

Бо ибтикори Анҷумани равобити фарҳангии Ҳинд (ISSR) дар донишгоҳи Панҷоб, воқеъ дар шаҳри Чандигарҳи кишвари Ҳиндустон ҳамоиши байналмилалии «Мирзо Бедил ва мероси ў» доир гардид, ки дар кори он бедилпажўҳон аз кишварҳои мухталифи дунё, аз ҷумла Тоҷикистону Ўзбекистон, Афғонистону Эрон ва худи Ҳинд ширкат варзиданд.

Тоҷикистонро дар ин ҳамоиш вакили Маҷлиси намояндагони Маҷлиси Олии Ҷумҳурии Тоҷикистон, доктори илмҳои фалсафа, профессор Насиба Содиқова ва сардори Раёсати илм ва инноватсияи ДДХ ба номи академик Бобоҷон Ғафуров, номзади илмҳои филологӣ Нуралӣ Нурзод намояндагӣ намуданд.

Бино ба иттилои Нуралӣ Нурзод дар ҷаласаи ифтитоҳии ҳамоиш вазири корҳои хориҷии Ҳиндустон М.Ҷ. Акбар, муовини раиси  Анҷумани равобити фарҳангии Ҳинд Намрата Кумар, ректори Донишгоҳи Панҷоб профессор Арун Кумар суханронӣ намуда, Бедилро яке аз ифтихороти на танҳо форсизабонон, балки мардуми Ҳинд унвон намуданд, ки воқеан мероси адабии ў имрўз ҳам ба таҳқиқу баррасии амиқтар ва ҳам тарҷума ниёз дорад.

Дар доираи баргузории ин ҳамоиши байналмилалӣ як барномаи консертӣ бар асоси ашъори Бедил таҳти унвони «Тарзи Бедил» ва ҳамзамон намоишнома бар пояи рўзгор ва осори суханвар бо номи «Достони Бедил» бо забонҳои тоҷикӣ ва урду таҳия ва ба намоиш гузошта шуд.

Давоми солҳои охир дар қаламрави бедилшиносӣ воқеан як таваҷҷӯҳи густарда эҳсос мешавад ва давоми панҷ моҳи охир дар Ҳиндустон ду маротиба ҳамоиши байналмилалии бедилшиносӣ, яке дар Донишгоҳи Лакҳнав ва дигаре дар ҳамин донишгоҳи Панҷоб доир гардид.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Иштироки донишмандони тоҷик дар ҳамоиши байналмилалии «Мирзо Бедил ва мероси ў»