Хабарҳо
Баргузории ҷаласаи сайёри мушовараи Вазорати маориф ва илми Ҷумҳурии Тоҷикистон - 22.05.2018 13:54
Маросими супоридани стипендияҳои Раиси вилоят ба донишҷӯён, магистрантон ва аспирантон - 22.05.2018 13:49
Ба иштирокчиёни Ҳафтаи худидоракунӣ Гувоҳномаҳо супорида шуд - 22.05.2018 13:41
Ғолибияти дастаи вилояти Суғд дар сессияи Академияи хурди илмҳои Ҷумҳурии Тоҷикистон - 22.05.2018 09:37
Хобгоҳи қисми ҳарбии 08362 баъди навсозӣ мавриди истифода қарор гирифт - 22.05.2018 09:32
Машварати корӣ дар ҳузури Пешвои миллат Эмомалӣ Раҳмон - 21.05.2018 13:41
Боздиди Раиси вилоят аз Боғи фарҳангӣ-фароғатии “Наврӯзгоҳ” - 21.05.2018 13:28
Мулоқоти Раиси вилоят бо роҳбари гуруҳи ҳамоҳангсози Бонки ҷаҳонӣ Кардула Расточи - 21.05.2018 11:20
Амалиёти “Кӯкнор-2018” дар ду марҳила гузаронида мешавад - 21.05.2018 10:17
Таъсиси Ситоди вилоятии “Тобистон - 2018” - 21.05.2018 10:16

Беш аз 500 нафар хонандагони макотиби миёна бо шароити таҳсил дар Донишкадаи иқтисод ва савдо шинос шуданд

( 0 Овоз )

Дар Донишкадаи иқтисод ва савдои ДДТТ дар шаҳри Хуҷанд Рӯзи дарҳои кушод баргузор гардид ва беш аз 500 нафар хатмкунандагони муассисаҳои таҳсилоти миёнаи умумии шаҳру навоҳии Хуҷанд, Бобоҷон Ғафуров, Гулистон, Бӯстон, Ҷаббор Расулов, Спитамен ва Истиқлол бо шароити таҳсил дар донишкада аз наздик шинос шуданд.

Хатмкунандагони макотиби миёна бо имконият ва шароити таҳсилу илмомӯзӣ ошно шуда, аз толорҳои лексионии замонавӣ, синфхонаҳои лингафонӣ, компютерӣ ва интернет, толори фитнес ва варзишии замонавӣ, маркази таълими забонҳои хориҷӣ, китобхонаҳои анъанавӣ ва электронӣ дидан карда, ҳамчунин, дар дарсҳои профессорон ва омӯзгорони ботаҷриба ширкат варзиданд. Хонандагони муассисаҳои таҳсилоти миёна, ҳамзамон, бо дастовардҳои илмӣ, таълимӣ, варзишӣ ва байналмилалии донишкада шиносоӣ пайдо намуда, дар дарсҳои гурӯҳҳои таҳсилашон бо забони англисӣ иштирок карданд.

Дар толори калони бинои таълимии асосии донишкада бо хатмкунандагон мулоқот баргузор гардид. Дар мулоқот директори донишкада дотсент Рауф Олимӣ суханронӣ карда, хонандагонро ба муассиса хайрамақдам гуфт. Тариқи слайд ба онҳо факултаҳо, кафедраҳо, ихтисосҳо ва дастоварду имконияти таҳсил дар донишкада намоиш дода шуд, ки хатмкунандагон имкон пайдо карданд, то ба аъзои раёсат суолҳо пешниҳод намуда, посухҳои мушаххас шунаванд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Беш аз 500 нафар хонандагони макотиби миёна бо шароити таҳсил дар Донишкадаи иқтисод ва савдо шинос шуданд