Хабарҳо
Основной телохранитель: Из командиров в созидатели беседа с бывшим командиром Хакимом Каландаровым - 14.12.2017 16:58
Ҳисоботи Раиси вилояти Суғд Абдураҳмон Қодирӣ доир ба натиҷаҳои рушди иҷтимоию иқтисодии вилоят дар ёздаҳ моҳи соли 2017 - 14.12.2017 14:30
Парлумон Созишномаи грантӣ оид ба беҳтар гардонидани низоми обтаъминкунии шаҳри Хуҷандро ба тасвиб расонид - 14.12.2017 09:22
Роҳбарони донишкадаву донишгоҳҳои вилоят бо хатмкунандагони як қатор шаҳру ноҳияҳо мулоқот намуданд - 14.12.2017 09:19
МУҲОФИЗИ АСОСӢ: аз қумондонӣ ба ободгарӣ. Сӯҳбат бо собиқ қумондон Ҳаким Қаландаров - 14.12.2017 08:56
Комил Салимзода ба донишҷӯёни камбизоат 3000 сомонӣ кумакпулӣ тақдим кард - 13.12.2017 09:05
Мулоқоти раиси ноҳияи Деваштич Рустам Ҷӯразода бо донишҷӯён - 12.12.2017 16:44
Назарзода Қудратулло Бобо сардори РВКД дар вилояти Суғд таъин гардид - 12.12.2017 15:00
Фармони Президенти Ҷумҳурии Тоҷикистон дар бораи таъин ва озод намудани судяҳо - 12.12.2017 14:59
Дар шаҳри Хуҷанд арчаи солинавӣ қомат афрохт - 12.12.2017 14:58

«Рӯзнома аз нигоҳи ҷавонон» - мизи мудаввар бахшида ба Рӯзи матбуоти тоҷик

( 0 Овоз )

Дар доираи таҷлили Рӯзи матбуоти тоҷик дар коллеҷи технологии ба номи Абдулаҳад Қаҳҳорови шаҳри Конибодом таҳти унвони “Рӯзнома аз нигоҳи ҷавонон” мизи мудаввар доир гардид.

Дар мизи мудаввар котиби матбуотии раиси шаҳр Парвина Абдуллоева,  раиси созмони шаҳрии Иттифоқи журналистони Тоҷикистон, сармуҳаррири рӯзномаи маҳаллии «Садои Конибодом» Абдусаттор Содиқов, муовини раиси шӯрои собиқадорони шаҳр Исмоилҷон Юсупов, рӯзноманигори озод Зайниддин Орифӣ ширкат варзиданд.

Намояндаи мақомоти иҷроияи ҳокимияти давлатии шаҳр Парвина Абдуллоева иброз дошт, ки мақомоти  маҳаллии ҳокимияти давлатӣ баргузории силсилаи чорабиниҳоро бахшида ба Рӯзи матбуоти тоҷик, ки ҳамасола санаи 11 март дар қаламрави кишвар таҷлил мегардад, доир намуда истодааст. Ӯ баргузор намудани вохӯриву мулоқоти озоди ҷавононро бо кормандони васоити ахбори оммаи маҳаллӣ, аз ҷумла, бо ҳайати эҷодии рӯзномаи «Садои Конибодом» махсусан дар «Соли ҷавонон» лозиму саривақтӣ шуморида, таъкид намуд, ки чунин имконият на ҳама вақт ба ҷавонон даст медиҳад ва бояд аз ин фурсат пурсамар истифода баранд.

Сипас сармуҳаррири рӯзномаи «Садои Конибодом» Абдусаттор Содиқов перомуни таърихи рӯзнома ҳарф зад. Вай ҳамзамон ҷавононро бо чанд нусха шумораҳои аввали рӯзнома ошно кард, ки таҳти номҳои «Болшевики Конибодом», «Роҳи Сталин» ва «Машъали Коммунизм» рӯи чоп омадаанд.

Рӯзноманигор Зайниддин Орифӣ, муовини раиси шӯрои собиқадорони ҷангу меҳнати шаҳр Исмоилҷон Юсупов, собиқадори матбуот Қумриҷон Ғаниева аз вижагиҳои фаъолият дар соҳаи матбуот, ҳамкорӣ бо идораи рӯзномаи «Садои Конибодом», инъикоси ҳаёти халқ, бахусус, собиқадорони ҷангу меҳнат дар шумораҳои рӯзнома ҳарф заданд.

Ҷавонон дар доираи мавзӯи «Рӯзнома аз нигоҳи ҷавонон» андешаронӣ намуда, ҷиҳати боз ҳам беҳтар намудани сифати рӯзнома пешниҳодҳо  карданд, ки аксарият аз ҷониби сармуҳаррири рӯзнома пазируфта шуданд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд «Рӯзнома аз нигоҳи ҷавонон» - мизи мудаввар бахшида ба Рӯзи матбуоти тоҷик