Хабарҳо
Шаҳрдори Хуҷанд ба 100 нафар идрорпулӣ тақдим кард - 23.05.2018 09:36
Шаҳрдори Исфара: Ҷавонон дар рушду ободии сарзамини аҷдодии хеш саҳми арзанда мегузоранд - 23.05.2018 09:33
Раҳпаймоии идонаи ҷавонон дар ноҳияи Ашт - 23.05.2018 09:31
Таҷлили Рӯзи ҷавонон дар шаҳри Бӯстон - 23.05.2018 08:51
Баргузории ҷаласаи сайёри мушовараи Вазорати маориф ва илми Ҷумҳурии Тоҷикистон - 22.05.2018 13:54
Маросими супоридани стипендияҳои Раиси вилоят ба донишҷӯён, магистрантон ва аспирантон - 22.05.2018 13:49
Ба иштирокчиёни Ҳафтаи худидоракунӣ Гувоҳномаҳо супорида шуд - 22.05.2018 13:41
Ғолибияти дастаи вилояти Суғд дар сессияи Академияи хурди илмҳои Ҷумҳурии Тоҷикистон - 22.05.2018 09:37
Хобгоҳи қисми ҳарбии 08362 баъди навсозӣ мавриди истифода қарор гирифт - 22.05.2018 09:32
Машварати корӣ дар ҳузури Пешвои миллат Эмомалӣ Раҳмон - 21.05.2018 13:41

Директори “Суғдсинамо”: Филми “Тангно” моҳи сентябри соли равон ба намоиш гузошта мешавад

( 0 Овоз )

Имрӯз, 1 марти соли 2017 ба таъсиси Муассисаи давлатии “Суғдсинамо” ба номи Комил Ёрматов ду соли пур шуд ва дар ин муддат аз ҷониби аҳли эҷоди ин киностудия панҷ филми ҳунарӣ ба навор гирифта шуд.

Муҳиддини Музаффар, директори “Суғдсинамо”, ки имрӯз дар ҳузури журналистон доир ба фаъолияти дусолаи ин киностудия сӯҳбат мекард, гуфт, ки эҷоди фазои филмофарӣ дар вилояти Суғд дар замони соҳибистиқлолӣ бесобиқа аст. Вай аз дастгириҳои роҳбарияти Мақомоти иҷроияи ҳокимияти давлатии вилояти Суғд низ ёдовар шуд ва изҳори умед кард, ки филмофарӣ чун як соҳаи ояндадору даромаднок дар оянда рушд хоҳад кард. Ба андешаи ин коргардони ҷавони тоҷик, ки чандин филмҳои ҳунариро барои тамошобини тоҷик таҳия намудааст, дар самти рушди кинои миллӣ дар вилоят қадамҳои нахустин гузошта шуданд ва умед аст мактаби филмофарӣ ва ҳам тарбияи ҳунармандону бозингарони филм ташаккул ёбад.

Дилошӯб Орифзода, продюссери киностудияи “Суғдсинамо” бар ин назар аст, ки “Суғдсинамо” давоми ду соли фаъолият боварии тамошобинро ба даст овардааст. Ӯ ба истиқболи гарми тамошобинон аз филмҳои эҷоднамуди “Суғдсинамо” ишорат кард ва гуфт, ки барои тамошои филмҳои миллӣ таваҷҷӯҳи ҷомеа бештар гардидааст. Продюссери “Суғдсинамо” дар такя ба мушоҳидаҳои гурӯҳи эҷодӣ гуфт, ки ба тамошои филми “12 соли интизорӣ” теъдоди бесобиқаи бинандагон ҳузур пайдо кардаанд.

Зимнан, аз ҷониби ин киностудия то имрӯз филмҳои “Паймон”, “Коса”, “12 соли интизорӣ”, филми ҳуҷҷатии “Духтари Сайҳун” ва “Тангно” ба навор гирифта шудааст. Филми “Тангно” ҳанӯз дар тадвину таҳия қарор дорад ва интизор меравад, ки он моҳи сентябри соли равон ба намоиш гузошта шавад. Филми “Коса”-и киностудияи “Суғдсинамо” дар фестивалҳои байналмилалӣ дар Лондони Британияи Кабир, Қазони Россия ва ҳам шаҳри Душанбе иштирок ва соҳиби ҷоизаҳои вижа гардидааст.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Директори “Суғдсинамо”: Филми “Тангно” моҳи сентябри соли равон ба намоиш гузошта мешавад