Хабарҳо
Оғози мумфаршкунии роҳи Ғончӣ-Овчӣ дар ноҳияи Деваштич - 23.06.2017 11:07
Зиёдаравию исрофкорӣ амали мо нест! - 23.06.2017 09:41
Иди саиди Фитр рӯзи душанбеи 26 июн таҷлил мешавад - 23.06.2017 09:37
Супориши Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон - 22.06.2017 14:40
Дар доираи ярмаркаи байналхалқии савдо "Суғд-2017" конфронси «Суғд-мероси фарҳангӣ ва таърихии тамаддунҳои гуногун» баргузор шуд - 22.06.2017 13:50
Даврон Зоҳидзода муовини якуми раиси ноҳияи Спитамен таъин гардид - 22.06.2017 09:56
Мулоқоти адибони ваҳдатсаро бо сокинони ноҳияи Спитамен - 22.06.2017 09:54
Баргузории ярмарка таҳти унвони "Интихоби мутахассисони арзанда". 44 хатмкунанда соҳиби ҷойи кор шуданд - 22.06.2017 09:47
Баррасии вазъи иҷроиши Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» - 22.06.2017 09:44
Дар арафаи Иди Фитр ва Рӯзи Ваҳдати миллӣ эҳтиёҷмандон аёдат шуданд - 22.06.2017 09:42

Исфара. Сарбозону афсарони беҳтарин бо сипосномаҳо сарфароз гардонида шуданд

( 0 Овоз )

Дар Кохи фарҳанги шаҳри Исфара ба муносибати 24-солагии таъсисёбии Қувваҳои Мусаллаҳи Ҷумҳурии Тоҷикистон ҷамъомади бошукӯҳ баргузор гардид.

Раиси шаҳр Расулзода Дилшод Ҷабборӣ иштирокдорони тантана, сарбозону афсарон ва кулли мардуми шарифи Исфараро бо ин санаи муҳим самимона табрик карда, аз нақши пурарзиши ҳомиёни Ватан дар ҳифзи сулҳу субот ва марзу буми кишвар ёдовар гашт.

Аз ҷумла таъкид гардид, ки Қувваҳои Мусаллаҳи Ҷумҳурии Тоҷикистон тайи 24 соли мавҷудият рӯзҳои сахту сангинро пушти сар карда, аз озмоишҳои шадиди ин солҳо гузаштанд ва имрӯз ба нерӯи қудратманди низомӣ, муҳофизи сулҳу субот ва фазои орому осудаи кишвар табдил ёфтаанд ва барои ҳифзи боэътимоди марзу буми Ватани азиз содиқона хидмат намуда истодаанд. Дар натиҷаи ғамхорию дастгириҳои пайвастаи Асосгузори сулҳу Ваҳдати миллӣ-Пешвои миллат, муҳтарам Эмомалӣ Раҳмон Қувваҳои Мусаллаҳи кишвар соҳиби инфрасохтори замонавӣ, техникаву таҷҳизоти муосири ҳарбӣ ва кадрҳои миллии афсарии дорои тахассуси олӣ мебошанд.

Раиси шаҳр ҳамзамон изҳори боварӣ намуд, ки афсарону сарбозони далери Қувваҳои Мусаллаҳ ба савганди ҳарбӣ ҳамеша содиқ монда, рисолати фарзандии худро дар назди Ватан-Модар, халқу давлати хеш бо сарбаландӣ адо мекунанд ва дар таъмини сулҳу суботи устувор, амнияти давлат ва мардум, таҳкими Ваҳдати миллӣ, ки пешрафту тараққиёти кишварамон бевосита аз онҳо вобаста мебошад, нақши барҷаста ва бузург мегузоранд.

Сипас зери оҳанги ҳарбии мутантан раиси шаҳри Исфара Расулзода Дилшод Ҷабборӣ ба беҳтарин сарбозону афсарон ва фаъолон Сипоснома ва тӯҳфаҳои хотиравии Мақомоти иҷроияи ҳокимияти давлатии шаҳрро супорид.

Барномаи консертии муштараки сарбозони қисмҳои ҳарбӣ ва ҳунарпешагони бахши фарҳанги шаҳр анҷомбахши чорабинӣ гардид.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Исфара. Сарбозону афсарони беҳтарин бо сипосномаҳо сарфароз гардонида шуданд