Хабарҳо
Мастчоҳ: Дар 19805 гектар кишти баҳорӣ гузаронида мешавад - 27.03.2017 10:15
Ифтитоҳи толори навбунёд дар мактаби №8 – и ноҳияи Ашт - 27.03.2017 10:14
Хатнасури хайриявии 30 нафар кӯдакони оилаҳои ниёзманд дар Мастчоҳу Конибодом - 27.03.2017 10:10
Ифтитоҳи як қатор иншооти нав дар фурудгоҳи байналмилалии Хуҷанд ва анҷоми сафари корӣ дар вилояти Суғд - 25.03.2017 19:33
Наврӯзӣ дар боғи Ваҳдати ноҳияи Бобоҷон Ғафуров - 25.03.2017 16:17
Иштирок дар барномаи консертӣ дар Кохи фарҳанги «Суғдиён» - 25.03.2017 11:48
Оғози корҳои обёрӣ ва азхудкунии заминҳои нав дар мавзеи Сомғори шаҳраки Сайҳуни ноҳияи Бобоҷон Ғафуров - 25.03.2017 11:38
Оғози кишти пахта дар хоҷагии ба номи Турсунбой Қӯшатови Ҷамоати деҳоти «Исмоил»- и ноҳияи Бобоҷон Ғафуров - 25.03.2017 08:45
Машварати корӣ бо роҳбарону фаъолони вилояти Суғд - 24.03.2017 19:33
Шиносоӣ бо рафти корҳои азнавсозӣ дар Ҷамъияти саҳҳомии кушодаи Осоишгоҳи “Зумрад” - 24.03.2017 12:27

“Занон баробари мардон дар як саф қарор дошта, барои ҳимояи марзу буми Ватани аҷдодии хеш омодаанд”

( 0 Овоз )

Дар толори Муассисаи давлатии Маҷмааи фарҳангию таърихии «Қалъаи Хуҷанд» бахшида ба 24 – умин солгарди Рўзи таъсисёбии Артиши миллии Ҷумҳурии Тоҷикистон чорабинӣ таҳти унвони «Артиш – сипари мамлакат, кафили амният ва зиндагии осоиштаи мардум» баргузор гардид.

Дар он намояндагони Комиссариати ҳарбии вилояти Суғд, сарбозон, кормандони қисми низомии 3501-и Вазорати корҳои дохилии Ҷумҳурии Тоҷикистон дар вилоят ва ҳамчунин, ҷанговарони интернатсионалист иштирок намуданд.

Чорабиниро Иброҳим Иброҳимов - Омири кулли Маҷмааи фарҳангию таърихии «Қалъаи Хуҷанд» ифтитоҳ намуда, ҳамагонро бо ҷашни Артиши миллии кишвар муборакбод кард.

Муовини Комиссари ҳарбии вилоят, полковник Музаффар Ихтиёров зикр дошт, ки Қувваҳои Мусаллаҳи Ҷумҳурии Тоҷикистон сипари боэътимоди давлат аст. Қувваҳои Мусаллаҳ замоне таъсис ёфтааст, ки фазои кишвар ноором буд. Ба ҳамаи ин нигоҳ накарда, нахустин паради ҳарбӣ 23-юми феврали соли 1993 баргузор гардид. Имрўз бо шуҷоати ҷавонмардони кишвар сафи хизматчиёни артиш торафт зиёд гардида, барои ҳимояи марзу буми кишвар омодаанд.

- Хизмат дар сафи Қувваҳои Мусаллаҳ шараф аст, - қайд намуд зимни суханронӣ капитани Раёсати қўшунҳои дохилии қисми ҳарбии 3501 Гулчеҳра Олимҷонзода - Артиши миллӣ яке аз рукнҳои асосии давлат ба ҳисоб меравад. Имрўз занони тоҷик низ барои оромии Ватани азизи хеш дар қисмҳои низомӣ фаъолият намуда истодаанд. Занон баробари мардон дар як саф қарор дошта, барои ҳимояи марзу буми Ватани аҷдодии хеш омодаанд.

Дар фарҷоми чорабинӣ афсарон бо суруд ва шеърҳои ватанпарастонаи хеш табъи ҳозиринро болида намуданд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд “Занон баробари мардон дар як саф қарор дошта, барои ҳимояи марзу буми Ватани аҷдодии хеш омодаанд”