Хабарҳо
Мулоқоти иҷрокунандаи вазифаи Раиси вилоят бо кормандони соҳаи маориф - 23.02.2018 16:18
Иштироки Пешвои миллат Эмомалӣ Раҳмон дар ҷамъомади тантанавӣ ба ифтихори 25 — солагии таъсисёбии Қувваҳои мусаллаҳи Ҷумҳурии Тоҷикистон - 23.02.2018 14:40
Мулоқоти Раҷаббой Аҳмадзода бо директори генералии Корхонаи муштараки “Зарафшон” - 23.02.2018 13:53
Тақдими мукофотҳои давлатӣ ва рутбаҳои навбатӣ ба хизматчиёни ҳарбӣ - 22.02.2018 09:57
Пешвои миллат як қатор қонунҳоро ба имзо расонданд - 22.02.2018 11:51
Конибодом. Раҷаббой Аҳмадзода иштирокчиёни Ҷанги Бузурги Ватаниро аёдат намуд - 22.02.2018 14:49
Баргузории ҷамъомади тантанавӣ бахшида ба 25-солагии таъсисёбии Қувваҳои мусаллаҳи Ҷумҳурии Тоҷикистон - 22.02.2018 14:59
Мулоқоти иҷрокунандаи вазифаи Раиси вилоят бо интихобкунандагон - 22.02.2018 14:10
Барои дарёфти Ҷоизаи журналистони вилоят ба номи Ҳоҷӣ Содиқ - 22.02.2018 13:53
Мулоқоти Раҷаббой Аҳмадзода бо роҳбари Бонки аврупоии таҷдид ва рушд дар Тоҷикистон Айтен Рустамова - 22.02.2018 11:30

“Пайғоми ҷавонони Суғд” - лагери маърифативу солимгардонии ҷавонони фаъоли вилоят

( 2 Овоз )

Асосгузори сулҳу Ваҳдати миллӣ, Пешвои миллат, мўҳтарам Эмомалӣ Раҳмон зимни ироаи Паёми хеш ба Маҷлиси Олии Ҷумҳурии Тоҷикистон соли 2017-ро “Соли ҷавонон” эълон карданд. Ин иқдоми нек ва бамаврид аз таваҷҷўҳи хоса ва ғамхориҳои пайвастаи Пешвои миллат нисбат ба ҷавонон шаҳодат медиҳад.

Бо иқдом ва дастгирии бевоситаи Раиси вилоят Абдураҳмон Қодирӣ барои 250 нафар ҷавонони фаъоли вилоят аз санаи 4 то 9-уми феврали соли 2017 дар Истироҳатгоҳи солимгардонии кўдакон, наврасон ва ҷавонони ба номи “20-солагии Истиқлолияти давлатии Ҷумҳурии Тоҷикистон” таҳти унвони “Пайғоми ҷавонони Суғд” лагери маърифативу солимгардонии ҷавонони фаъоли вилоят ташкил карда шуд.

Дар маросими ифтитоҳии лагери мазкур муовини Раиси вилояти Суғд Назира Ғаффорӣ  перомуни Паёми Асосгузори сулҳу Ваҳдати миллӣ – Пешвои миллат, мўҳтарам Эмомалӣ Раҳмон бо ҷавонони фаъол  мулоқот намуд.

Дар лагери маърифативу солимгардонии ҷавонон маҳфилҳои мубоҳисавӣ, намоиши филмҳо, муаррифии асари Пешвои миллат “Чеҳраҳои мондагор”, мизи мудаввар, бозии интеллектуалӣ – варзишии “Дўстӣ”, барномаи фарҳангӣ  гузаронида шуданд.

Дар давоми 6 рўз маҳфили мубоҳисавӣ таҳти унвони «Маърифати оила ва оиладорӣ» гузаронида шуда, сардори Раёсати кор бо занон ва оила Н. Мирзозода, муовини сардори Раёсат М.Мавлонова, сардори шўъбаи ташкилии хизматрасонии тиббӣ ба модару кўдаки Раёсати тандурустии вилоят И. Акмалҳўҷаева, собиқадори меҳнат, аъзои Шўрои фаъолзанони вилоят  М. Бузурукова  мудири шўъбаи кор бо занон ва оили ҲХДТ дар шаҳри Хуҷанд М. Негматова, раиси бахши вилоятии ҳизби Коммунисти Тоҷикистон Қ. Мирзоева,  намояндагони Маркази солимгардонии репродуктивии вилоят Р. Меҳмонова ва   М. Усмонова доир ба ин мавзӯъ суханронӣ ва баромад намуданд.

Санаи 8-уми феврали соли равон бо ҷалби намояндагони се насл таҳти унвони «Адаб сармояи зиндагист» ток-шоу баргузор гардида,  оид ба рафти иҷрои Қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросимҳо дар Ҷумҳурии Тоҷикистон» мубодилаи афкор намуданд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд “Пайғоми ҷавонони Суғд” - лагери маърифативу солимгардонии ҷавонони фаъоли вилоят