Хабарҳо
Бозии миёни дастаҳои "Хуҷанд" ва "Динамо" бо ҳисоби 2:2 ба анҷом расид - 21.04.2018 12:34
Дар Самарқанд ҳайати намояндагони вилояти Суғдро гарму самимӣ истиқбол намуданд - 21.04.2018 08:06
Ятимон дар нимароҳ намемонанд - 21.04.2018 08:00
Идомаи боздиди Раиси вилоят аз корхонаҳои саноатии маркази вилоят - 20.04.2018 14:10
Аз 20 то 22 апрел Рӯзҳои фарҳанги вилояти Суғд дар вилояти Самарқанди Ҷумҳурии Ӯзбекистон баргузор мешавад - 20.04.2018 11:19
Рӯзи ягонаи ахбор: «Рушди сайёҳӣ – омили рушди ҷомеа» - 20.04.2018 09:18
Баргузории даври вилоятии Олимпиада оид ба тарғиби ҳаракати олимпӣ - 20.04.2018 09:16
Фестивали ҷумҳуриявии “Ҳафтаи китоби кӯдакону наврасони Тоҷикистон” дар ноҳияи Бобоҷон Ғафуров - 20.04.2018 09:14
Ифтитоҳи дидбонгоҳҳои сарҳадии “Пунук” ва “Меҳробод” дар ноҳияи Ашт - 20.04.2018 09:12
Истаравшан. Дар шаш корхонаи хурди истеҳсолии навтаъсис наздик 60 нафар бо ҷойи кор таъмин шуданд - 19.04.2018 14:07

Идомаи мулоқоти роҳбарони муассисаҳои олии вилоят бо хатмкунандагони мактабҳои миёна

( 0 Овоз )

Имрӯз, 10 феврали соли ҷорӣ дар толори калони Мақомоти иҷроияи ҳокимияти давлатии ноҳияи Ашт вохӯрии ректорони донишгоҳҳои олии вилояти Суғд бо хатмкунандагони муассисаҳои таълимии ноҳия доир гардид.

Дар вохӯрӣ ректорони ДДХ ба номи академик Бобоҷон Ғафуров Анвар Мақсудӣ, ДДҲБСТ  Ҷамшед Ҷӯразода, ДКМ Мухтор Фозилзода, директори Донишкадаи иқтисод ва савдои Донишгоҳи давлатии тиҷорати Тоҷикистон Олимӣ Рауф Латифзода ва директори Донишкадаи политехникии ДТТ дар шаҳри Хуҷанд Дилафрӯз Сангинова оид ба  самтҳои асосии фаъолияти муассисаи таълимии худ ба хонандагон маълумот ироа намуданд.  Дар мулоқот инчунин Мирзотоҳир  Набиев, намоянда аз Мақомоти иҷроияи ҳокимияти давлатии вилояти Суғд низ иштирок намуд.

Мирдадо Зариф Мирмуҳаммадӣ, иҷрокунандаи вазифаи раиси ноҳия ба чорабинӣ ҳусни ифтитоҳ бахшида иброз дошт: “Ба таҳсил ҷалб кардани хонандагон ва саводнок намудани онҳо яке аз ҳадафҳои пешгирифтаи Ҳукумати мамлакат мебошад, ки сол то сол дар ин самт корҳои тарғиботӣ ҷоннок  гардида истодааст. Довталабон ҳангоми дохил шудан ба муассисаҳои олӣ бояд касби ояндаи худро дуруст интихоб намоянд ва аз ҳама он шароите, ки Ҳукумати кишвар барои таҳсил фароҳам овардааст самаранок истифода баранд”.

Дар вохӯрӣ аз 73 муассисаи таъилимии ноҳия зиёда аз 300 нафар хатмкунандагон иштирок намуда, аз роҳбарони донишгоҳҳои олӣ ба саволҳои худ посухҳои мушаххас гирифтанд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Идомаи мулоқоти роҳбарони муассисаҳои олии вилоят бо хатмкунандагони мактабҳои миёна