Хабарҳо
Шаҳрдори Хуҷанд ба 100 нафар идрорпулӣ тақдим кард - 23.05.2018 09:36
Шаҳрдори Исфара: Ҷавонон дар рушду ободии сарзамини аҷдодии хеш саҳми арзанда мегузоранд - 23.05.2018 09:33
Раҳпаймоии идонаи ҷавонон дар ноҳияи Ашт - 23.05.2018 09:31
Таҷлили Рӯзи ҷавонон дар шаҳри Бӯстон - 23.05.2018 08:51
Баргузории ҷаласаи сайёри мушовараи Вазорати маориф ва илми Ҷумҳурии Тоҷикистон - 22.05.2018 13:54
Маросими супоридани стипендияҳои Раиси вилоят ба донишҷӯён, магистрантон ва аспирантон - 22.05.2018 13:49
Ба иштирокчиёни Ҳафтаи худидоракунӣ Гувоҳномаҳо супорида шуд - 22.05.2018 13:41
Ғолибияти дастаи вилояти Суғд дар сессияи Академияи хурди илмҳои Ҷумҳурии Тоҷикистон - 22.05.2018 09:37
Хобгоҳи қисми ҳарбии 08362 баъди навсозӣ мавриди истифода қарор гирифт - 22.05.2018 09:32
Машварати корӣ дар ҳузури Пешвои миллат Эмомалӣ Раҳмон - 21.05.2018 13:41

Спитамен: Шӯрои ноҳиявии Ҳаракати ҷамъиятии Ваҳдати миллӣ ва эҳёи Тоҷикистон 7202 нафар аъзо дорад

( 0 Овоз )

Дар толори хурди мақомоти иҷроияи ҳокимияти давлатии ноҳияи Спитамен  ҷаласаи Шӯрои ҷамъиятӣ ва Ҳаракати ҷамъиятии ваҳдати миллӣ ва эҳёи Тоҷикистон дар ноҳия баргузор гардид, ки дар он ҳайати Шӯрои ҷамъиятӣ ва аъзоёни кумитаи иҷроияи ноҳиявии Ҳаракати ваҳдати миллӣ, раисони иттиҳодияҳои ҷамъиятӣ ва созмонҳои ноҳиявии аҳзоби сиёсӣ ширкат намуданд.

Дар ҷаласа натиҷаи фаъолияти Шӯрои ноҳиявии Ҳаракати ҷамъиятии Ваҳдати миллӣ ва эҳёи Тоҷикистон дар соли 2016 ва вазифаҳо барои соли 2017 баррасӣ гардиданд.

Муовини раиси ноҳия Диларбо Раҳимӣ оид ба фаъолияти Шӯрои ноҳиявии Ҳаракати ҷамъиятии Ваҳдати миллӣ ва эҳёи Тоҷикистон гузориш дода, қайд намуд, ки айни ҳол дар ноҳия 47 ташкилотҳои ибтидоии Ҳаракати ҷамъиятии ваҳдати миллӣ ва эҳёи Тоҷикистон амал менамоянд, ки он аз 7202 нафар аъзоён иборат мебошад.

Зикр гардид, ки дар ҳамаи ҷамоатҳои шаҳраку деҳоти ноҳия, ҷомеаҳои меҳнатӣ ва дар муассисаҳои таҳсилоти миёнаи умумӣ  дар мавзӯъи «Ваҳдат саодати миллат», «Асосгузори сулҳу Ваҳдати миллӣ – Пешвои миллат, мӯҳтарам Эмомалӣ Раҳмон – эҳёгари давлати миллӣ», «Пешвои миллат – меъмори ваҳдат», «Бисту панҷ соли пуршараф дар роҳи Истиқлолият», «Тағйиру иловаҳо ба Конститутсия – оғози марҳилаи нав дар таҳкими ваҳдати миллӣ» сӯҳбату мулоқотҳо доир гардиданд.

Баъдан раиси иттифоқи касабаи кормандони соҳаи кишоварзӣ А.Абдусамадов, раиси Ҷамоати деҳоти Т.Ӯлҷабоев Собирҷон Саидзода, мудири бахши фарҳанги ноҳия Темур Саидов ба музокира баромада, аз фаъолияти Шӯрои ноҳиявии Ҳаракати ҷамъиятии Ваҳдати миллӣ ва эҳёи Тоҷикистон дар соли 2016 изҳори қаноатмандӣ намуданд.

Ҷаласа бо вазифагузориҳо барои соли 2017 ба итмом расид

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Спитамен: Шӯрои ноҳиявии Ҳаракати ҷамъиятии Ваҳдати миллӣ ва эҳёи Тоҷикистон 7202 нафар аъзо дорад