Хабарҳо
Мулоқоти толибилмони литсейи хонандагони болаёқати шаҳри Хуҷанд бо муҳассилини макотиби миёна - 12.12.2017 09:39
Боздиди Президенти Ҷумҳурии Тоҷикистон Эмомалӣ Раҳмон аз мавзеъҳои таърихию қадимаи Шоҳигарии Ҳошимии Урдун - 11.12.2017 15:34
Иҷлосияи сенздаҳуми Маҷлиси вакилони халқи вилояти Суғд, даъвати панҷум 26 декабр баргузор мешавад - 11.12.2017 13:34
Мулоқоти раисони ноҳияҳои Айнӣ ва Куҳистони Мастчоҳ бо донишҷӯён - 11.12.2017 13:21
Раиси шаҳри Панҷакент Ислом Зиёзода бо донишҷӯён мулоқот намуд - 11.12.2017 13:20
Мулоқоти Пешвои миллат Эмомалӣ Раҳмон бо Сарвазири Шоҳигарии Ҳошимии Урдун Ҳонӣ Фавзӣ ал — Мулкӣ - 11.12.2017 11:40
Мулоқоту музокироти сатҳи олии Тоҷикистону Урдун - 11.12.2017 11:38
Эмомалӣ Раҳмон — Шаҳрванди фахрии шаҳри Аммони Шоҳигарии Ҳошимии Урдун - 11.12.2017 11:36
РАТС ШОС всегда открыта для сотрудничества в интересах консолидации международных усилий по борьбе c терроризмом - 11.12.2017 10:04
Раиси шаҳри Исфара ба 45 донишҷӯ кумакпулӣ тақдим кард - 08.12.2017 12:20

Баргузории семинари бозомӯзӣ барои кишоварзон дар Конибодом

( 0 Овоз )

Имрӯзҳо бо иқдом ва ташаббуси Раиси вилояти Суғд Абдураҳмон Қодирӣ бо мақсади баланд бардоштани маданияти заминдории роҳбарони хоҷагиҳои деҳқонӣ, афзун намудани ҳаҷми истеҳсоли маҳсулоти рақобатпазир ва мусоидат намудан дар таъмини амнияти озуқаворӣ бозомӯзии мутахассисони ҷамоатҳо ва роҳбарони хоҷагиҳои деҳқонӣ бо иштироки олимони ҷумҳурӣ  семинарҳои бозомӯзӣ баргузор гардида истодааст.

Чунин семинари бозомӯзӣ дар толори калони мақомоти иҷроияи ҳокимияти давлатии шаҳри Конибодом низ баргузор шуд, ки дар он сардори Сарраёсати кишоварзии вилояти Суғд Бобозода Хайрулло, директори Маркази такмили ихтисоси кормандони комплекси агросаноатӣ, мудири кафедраи боғпарварию токпарварии Донишгоҳи аграрии Тоҷикистон, доктори илмҳои кишоварзӣ Сайидалӣ Гулов, муовини сардори раёсати растанипарварии Вазорати кишоварзии Ҷумҳурии Тоҷикистон Солиев Шамсиддин, мушовири Сарраёсати кишоварзии вилояти Суғд Домуллоев Бобоҷон ва муовини раиси кооперативи «Сароб» Раҳимов Рустамҷон иштирок доштанд.

Дар семинар зикр гардид, ки Асосгузори сулҳу Ваҳдати миллӣ – Пешвои миллат мӯҳтарам Эмомалӣ Раҳмон дар Паёми  имсолаи худ ба Маҷлиси Олии кишвар таъкид намуданд, ки дар соҳаи кишоварзӣ тавассути гузаронидани ислоҳот ва таҷдиди хоҷагиҳо, амалӣ намудани барномаҳои рушди соҳа, азхуд кардани заминҳои нав, беҳтар гардонидани ҳолати мелиоративии заминҳо ва ба гардиши кишоварзӣ ворид намудани онҳо, инчунин, бо роҳи зиёд кардани майдони боғу токзор фаровонии маҳсулоти кишоварзӣ таъмин карда шуд.

Тавре таъкид шуд, бо дарназардошти захираву иқтидорҳои мавҷуда барои бамаротиб афзоиш додани истеҳсоли маҳсулоти соҳа ҳанӯз имкониятҳои зиёд мавҷуданд ва ҳадаф аз баргузории семинар низ мусоидат ҷиҳати беҳтар намудани вазъи соҳаи кишоварзӣ мебошад.

Директори Маркази такмили ихтисоси кормандони комплекси агросаноатӣ, мудири кафедраи боғпарварию токпарварии Донишгоҳи аграрии Тоҷикистон, доктори илмҳои кишоварзӣ Гулов Саидалӣ, муовини сардори раёсати растанипарварии Вазорати кишоварзии Ҷумҳурии Тоҷикистон Солиев Шамсиддин, сардори Сарраёсати кишоварзии вилояти Суғд Хайрулло Бобоҷонзода, муовини раиси кооперативи «Сароб» Раҳимов Рустамҷон ва намояндаи ширкати «Нексикол» Мақсудҷон Отабеков оид ба роҳу усулҳои фоидаовари кишти зироатҳои кишоварзӣ, тарзи нигоҳубин ва башаклдарории дарахтони мевадиҳанда ва дигар масъалаҳои мубрами соҳаи кишоварзӣ ба роҳбарони хоҷагиҳои деҳқонӣ тавсияҳо доданд.

Хадамоти матбуоти
Раиси вилояти Суғд


Шарҳ додан


Защитный код
Нав кардан

ШУМО ДАР: Навиди Суғд Баргузории семинари бозомӯзӣ барои кишоварзон дар Конибодом