Хабарҳо
Пешвои миллат Эмомалӣ Раҳмон бо сокинону фаъолони ноҳияи Нуробод мулоқот намуданд - 24.06.2019 22:55
Президенти мамлакат Эмомалӣ Раҳмон дар ноҳияи Нуробод майдончаи футболбозиро ифтитоҳ карданд - 24.06.2019 22:53
Сарвари давлат дар ифтитоҳи марҳилаи якум ва оғози корҳо дар марҳилаи дуюми роҳи марказии шаҳраки Дарбанди ноҳияи Нуробод иштирок намуданд - 24.06.2019 22:50
Сарвари давлат Эмомалӣ Раҳмон дар ноҳияи Нуробод маркази хизматрасониро ифтитоҳ ва ба ятимон туҳфаҳо тақдим намуданд - 24.06.2019 22:48
Пешвои миллат Эмомалӣ Раҳмон бо фаъолону сокинони ноҳияи Сангвор мулоқот намуданд - 24.06.2019 22:37
Шиносоии Сарвазири Ҷумҳурии Тоҷикистон Қоҳир Расулзода бо рафти барқарорсозии оқибатҳои офати табиӣ дар Конибодом - 24.06.2019 17:36
Пешвои миллат Эмомалӣ Раҳмон бо сафари корӣ ба ноҳияи Нуробод ташриф оварданд - 24.06.2019 14:59
Президенти мамлакат Эмомалӣ Раҳмон дар ноҳияи Сангвор Парчами давлатии Тоҷикистонро дар вазъияти тантанавӣ барафрохтанд - 24.06.2019 12:48
Сарвари давлат Эмомалӣ Раҳмон дар маросими ифтитоҳи маркази тиҷоратӣ ва тақдими туҳфаҳо ба шахсони ниёзманд дар ноҳияи Сангвор иштирок намуданд - 24.06.2019 12:44
Боздиди Пешвои миллат Эмомалӣ Раҳмон аз намоиши маҳсулоти кишоварзӣ дар ноҳияи Сангвор - 24.06.2019 12:40

Дилафрӯз Сангинова директори Донишкадаи политехникӣ таъин шуд

( 0 Овоз )
Дилафрӯз Сангинова директории Донишкадаи политехникӣ таъин шуд

Дар асоси пешниҳоди ректори Донишгоҳи техникии Тоҷикистон ба номи академик Муҳаммад Осимӣ Ҳайдар Одинаев ва фармони Вазири маориф ва илми Ҷумҳурии Тоҷикистон Нуриддин Саид аз 17 апрели соли 2015 таҳти рақами 898 номзади илмҳои техникӣ Дилафрӯз Сангинова, ки қаблан дар вазифаи муовини директор оид ба таълими Донишкадаи политехники Донишгоҳи техникии Тоҷикистон дар шаҳри Хуҷанд фаъолият дошт, директори Донишкадаи политехникии Донишгоҳи техникии Тоҷикистон таъин карда шуд.

Ҳамзамон бо пешниҳоди сарвари ҳамин донишгоҳ ва фармоиши вазири маориф ва илми Ҷумҳурии Тоҷикистон таҳти рақами 899 аз 17 апрели соли равон номзади илмҳои физика ва математика Хуршед Мақсудов ба вазифаи муовини директори донишкада оид ба таълим таъин гардид.

Ба ин муносибат рӯзи гузашта дар маҷлисгоҳи донишкада бо иштироки ректори Донишгоҳи техникии Тоҷикистон Ҳайдар Одинаев, роҳбари дастгоҳи Раиси вилояти Суғд Ғафур Зоиров,  сардори раёсати маорифи вилоят Осим Каримзода, ректори Донишгоҳи давлатии Хуҷанд Анвар Мақсудов ва устодону шогирдони донишкада маросими муаррифии сарвари нави донишкада доир гардид.

Роҳбари дастгоҳи Раиси вилояти Суғд Ғафур Зоиров табрикоти Раиси вилоят Абдураҳмон Қодириро ба самъи ҳозирин расонда, аз ҷумла қайд, ки имрӯз воқеан ҳам донишкадаи мазкур макони тарбияи кадрҳои баландихтисос буда, бо таъин шудани кадри ҷавону болаёқат минбаъд низ чун муассисаи пешрав фаъолият хоҳад бурд.

Дар фарҷом директори тозаинтихоб Дилафрӯз Сангинова барои эътимоду боварӣ ба Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳурии Тоҷикистон Абдураҳмон Қодирӣ, Вазорати маориф ва илми Ҷумҳурии Тоҷикистон,  раёсати Донишгоҳи техникии Тоҷикистон изҳори сипос намуда, афзуд, ки мувафаққиятҳои донишкада аз якдиливу сарҷамъии кулли кормандонаш ба даст омадааст.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Дилафрӯз Сангинова директори Донишкадаи политехникӣ таъин шуд