Хабарҳо
Масъулини шаҳри Гулистон аз аҳолӣ даъват намуданд, ки​ қоидаҳои беҳдоштиву санитариро риоя намоянд - 04.06.2020 14:33
Раҷаббой Аҳмадзода тарбиятгирандагони Мактаб-интернати Мақомоти иҷроияи ҳокимияти давлатии вилояти Суғдро аёдат намуд - 01.06.2020 18:41
Паёми табрикии Раиси вилоят ба муносибати Рӯзи байналмилалии муҳити зист - 04.06.2020 11:55
НИҚОБ ПӮШЕД, ФОСИЛАИ БАЙНИ ЯКДИГАРРО РИОЯ НАМОЕД! Муроҷиатномаи Ситоди ҷумҳуриявӣ оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии сирояти коронавируси COVID-19 дар Ҷумҳурии Тоҷикистон - 04.06.2020 11:47
Бозори марказии «Панҷшанбе» ва атрофи он безарар гардонида шуд - 04.06.2020 11:45
Сокинони шаҳри Бӯстон имкон доранд​ маҳлули​ хлорро ба таври ройгон​ дастрас намоянд - 04.06.2020 11:42
САВГАНД БА ВАТАН: Чорабинӣ дар қисми ҳарбии Кумитаи ҳолатҳои фавқулода дар вилояти Суғд - 04.06.2020 10:36
Шиносоии Раиси вилоят бо ҷараёни бунёдкориҳо дар Ҷамоати деҳоти Хистеварз - 01.06.2020 15:59
Шиносоии Раиси вилоят бо рафти сохтмони Беморхонаи сироятии Ҷамоати деҳоти Хистеварз - 01.06.2020 16:01
Шиносоӣ бо сохтмони майдони Парчами давлатии Ҷумҳурии Тоҷикистон - 01.06.2020 16:02

Мусавӣ рафтори Хоманаиро ба рафтори Ризошоҳи Паҳлавӣ ташбеҳ кард

( 0 Овоз )

Мирҳусайни Мусавӣ, пешвои мухолифони давлат дар Эрон Оятуллоҳ Алии Хоманаӣ, раҳбари олии ин кишварро ба шоҳи собиқи кишвар монанд кардааст, ки соли 1979 баъди саркӯби бераҳмонаи тазоҳургарон ва ҳангоми Инқилоби Исломӣ сарнагун шуд.

Баёнияҳои Мусавӣ дар ин бора ба думболи саркӯби тазоҳуроти моҳи гузашта дар шаҳрҳои Эрон рӯзи 30-уми ноябр дар вебсайти “Калима” нашр шудааст. Созмони Афви Байналмилал мегӯяд, ҳангоми саркӯби тазоҳурот дар Эрон камаш 161 нафар кушта шудаанд.

Хоманаӣ, ки баландтарин мақоми Эронро дорад, тазоҳурот ва беназмиҳо ҳангоми онро “тавтиаи бисёр хатарнок” номидааст ва ҳукумати Эрон гуфтааст, ки тазоҳурот кори дасти “арозилу авбошест”, ки бо мухолифони хориҷ дар кишвар ва душманони қадимии Эрон ба мисли Амрико, Исроил ва Арабистони Саудӣ аст.

Дидбони Ҳуқуқи Башар, як созмони мӯътабари ҳомии ҳуқуқ гуфт, ки Теҳрон миқёси саркӯб ва иқдомоти истибдодгаронааш дар рӯзҳои нооромиро “барқасдона пинҳон медорад”. Тазоҳурот дар Эрон баъд аз боло бурдани қимати бензин шуруъ шуд ва сипас ба эътироз ба зидди ҳукумат мубаддал гашт ва дар шаҳрҳо густариш ёфт.

Мирҳусайни Мусавӣ дар баёнияааш саркӯби тазоҳургаронро ба “куштори майдони Жола дар соли 1978 монанда кардааст. Дар он сол сарбозони Муҳаммадризо Паҳлавӣ, шоҳи Эрон, ки аз тарафи Ғарб ҳимоят мешуд, тазоҳургаронро куштанд ва баъди ин эътирози густурдаи мардум ба ҳукумати шоҳ хотима дод.

Ӯ гуфтааст: “Одамкушони соли 1978 намояндагони як режими ғайридинӣ буданд ва маъмурон ва тирандозони ноябри соли 2019 намояндагони ҳукумати динӣ. Онҷо фармондеҳи кулли қувваҳо шоҳ буд ва имрӯз инҷо валии фақиҳ бо ихтиёроти мутлақ.”

Мирҳусайни Мусавӣ аз ҳукумат хостааст, “мутавваҷеҳи аксуламалҳои куштор дар майдони Жола” дар соли 1978 бошанд. Мусавӣ ва Меҳдӣ Каррубӣ соли 2009 дар интихоботи раёсати ҷумҳурӣ ширкат карданд, вале аз Маҳмуди Аҳмадинажод, раиси ҷумҳури муҳофизакору тундрав шикаст хурданд.

Баъд аз ин мардуми зиёде дар Эрон тазоҳурот карда ва гуфтанд, ки дар интихобот тақаллубкорӣ сурат гирифтааст. Мирҳусайни Мусавӣ, ҳамсараш Зуҳро Раҳнавард ва Меҳдӣ Каррубӣ аз соли 2011 ба ин тараф дар ҳабси хонагӣ ҳастанд. Онҳоро баъди даъвати мардум ба тазоҳурот ба нишони ҳимоят аз Баҳори Арабӣ ба ҳабси хонагӣ маҳкум карданд.

Шарҳ додан


Защитный код
Нав кардан

ШУМО ДАР: Навиди Суғд Мусавӣ рафтори Хоманаиро ба рафтори Ризошоҳи Паҳлавӣ ташбеҳ кард