Хабарҳо
КАБИРӢ ВА СУИСТИФОДА АЗ ВАЗЪИЯТ - 31.05.2020 11:07
КАБИРӢ ВА СУИСТИФОДА АЗ ВАЗЪИЯТ - 31.05.2020 11:07
Ҷаббор Расулов: Оилаи аз бемории сирояти фавтида аёдат карда шуд - 30.05.2020 22:57
Сафари кории Раиси вилоят Раҷаббой Аҳмадзода ба ноҳияи Ҷаббор Расулов - 30.05.2020 22:41
Мулоқоти Пешвои миллат Эмомалӣ Раҳмон бо роҳбарону фаъолон ва сокинони вилояти Хатлон - 30.05.2020 18:27
Табрикоти Раиси вилоят бахшида ба муносибати 1-июн Рӯзи байналмилалии ҳифзи кӯдакон - 31.05.2020 10:17
Паёми шодбодии Раиси вилоят бахшида ба Рӯзи кимиёгарон - 30.05.2020 10:19
Хуҷанд: Раҷаббой Аҳмадзода аз рафти бунёди хонаи истиқоматии нуҳошёна ва маҷмааи хизматрасонӣ дар маҳаллаи Мевағул шинос гардид - 28.05.2020 20:48
Раҷаббой Аҳмадзода сарҳадчиёнро бо Иди касбиашон табрик ва туҳфаҳо тақдим намуд - 28.05.2020 20:54
«Хуҷанд-Агро» ба ширкатҳои «Gallina Blanca» «Доширак», "Маги" ва як қатор тарабхонаи Аврупо маҳсулот содирот мекунад - 29.05.2020 08:56

"Тоҷикистон гӯшае аз биҳишти рӯи замин аст!" – баргузории конфронси илмӣ-назариявӣ дар шаҳри Бӯстон

( 0 Овоз )

26 ноябр дар толори Мактаби Президентӣ дар шаҳри Бӯстон таҳти унвони "Тоҷикистон гӯшае аз биҳишти рӯи замин аст!" конфронси илмӣ-назариявӣ доир гардид.

Дар конфронс раиси шаҳри Бӯстон Раъно Ҳошимзода, муовини якуми раиси Кумитаи рушди сайёҳии назди Ҳукумати Ҷумҳурии Тоҷикистон Ҳабибулло Амирбекзода ва мудири шуъбаи рушди сайёҳии Мақомоти иҷроияи ҳокимияти давлатии вилояти Суғд Абдумаҷид Раҳимов, хизматчиёни давлатӣ, устодони Донишкадаи куҳӣ-металлургии Тоҷикистон, намонядагони соҳаҳои маориф, тандурустӣ, фарҳанг, роҳбарони воҳидҳои сохторӣ, соҳибкорон, ҳунармандон ва фаъолони шаҳр иштирок намуданд.

Раиси шаҳри Бӯстон Раъно Ҳошимзода зимни суханронии худ зикр намуд, ки дар замони соҳибистиқлолии кишрвар таҳти роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба масъалаи рушди деҳот, сайёҳӣ ва ҳунарҳои мардумӣ таваҷҷуҳи хоса зоҳир гардида истодааст. Қабули Стратегияи рушди сайёҳии Ҷумҳурии Тоҷикистон барои то соли 2030, Барномаи рушди сайёҳӣ барои солҳои 2018-2020 дар Ҷумҳурии Тоҷикистон, таъсиси ниҳоди давлатӣ-Кумитаи рушди сайёҳии назди Ҳукумати Ҷумҳурии Тоҷикистон, эълон гардидани соли 2018 "Соли рушди сайёҳӣ ва ҳунарҳои мардумӣ", солҳои 2019-2021 "Солҳои рушди деҳот, сайёҳӣ ва ҳунарҳои мардумӣ" ва дигар тадбирҳо худ далели он аст, ки Ҳукумати мамлакат барои таъмини рушди соҳа аз тамоми имкониятҳо истифода менамояд.

Муовини якуми раиси Кумитаи рушди сайёҳии назди Ҳукумати Ҷумҳурии Тоҷикистон Ҳабилло Амирбекзода зимни суханронии хеш аз дастгирии давлатии соҳа ёдовар гардида, иброз дошт, ки айни замон дар Тоҷикистон 200 ширкати сайёҳӣ фаъолият намуда, соли гузашта 1 миллиону 155 ҳазор ва дар нуҳ моҳи соли ҷорӣ 950 ҳазор сайёҳон ба Тоҷикистон ташриф оварданд.

Мудири шуъбаи рушди сайёҳии Мақомоти иҷроияи ҳокимияти давлатии вилояти Суғд Абдумаҷид Раҳимов оид ба рушди соҳаи сайёҳӣ дар вилоят маълумот дода, аз бунёди иншооти муҳими соҳа ёдовар шуд.

Муовини ректори Донишкадаи куҳӣ-металлургии Тоҷикистон оид ба илм, инноватсия ва робитаҳои байналмилалӣ Замониддин Насриддинов оид ба омода намудани кадрҳои соҳаи сайёҳӣ дар мамлакат ва бахусус кадрҳои соҳаи туризми экологӣ ва куҳнавардӣ баёни андеша намуда, оид ба пешрафти соҳа ба масъулин пешниҳодоти хешро манзур намуд.

Дар интиҳо раиси шаҳри Бӯстон Раъно Ҳошимзода бо изҳори қаноатмандӣ таъкид дошт, ки фаъолон ва сокинони шаҳри Бӯстон ҷиҳати татбиқи муваффақонаи дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва боз ҳам фароҳам намудани шароит ва фазои мусоиди қабули меҳмонон аз тамоми имкониятҳо истифода хоҳанд намуд.

Хадамоти матбуоти
Раиси вилояти Суғд


Шарҳ додан


Защитный код
Нав кардан

ШУМО ДАР: Навиди Суғд "Тоҷикистон гӯшае аз биҳишти рӯи замин аст!" – баргузории конфронси илмӣ-назариявӣ дар шаҳри Бӯстон