Хабарҳо
КАБИРӢ ВА СУИСТИФОДА АЗ ВАЗЪИЯТ - 31.05.2020 11:07
КАБИРӢ ВА СУИСТИФОДА АЗ ВАЗЪИЯТ - 31.05.2020 11:07
Ҷаббор Расулов: Оилаи аз бемории сирояти фавтида аёдат карда шуд - 30.05.2020 22:57
Сафари кории Раиси вилоят Раҷаббой Аҳмадзода ба ноҳияи Ҷаббор Расулов - 30.05.2020 22:41
Мулоқоти Пешвои миллат Эмомалӣ Раҳмон бо роҳбарону фаъолон ва сокинони вилояти Хатлон - 30.05.2020 18:27
Табрикоти Раиси вилоят бахшида ба муносибати 1-июн Рӯзи байналмилалии ҳифзи кӯдакон - 31.05.2020 10:17
Паёми шодбодии Раиси вилоят бахшида ба Рӯзи кимиёгарон - 30.05.2020 10:19
Хуҷанд: Раҷаббой Аҳмадзода аз рафти бунёди хонаи истиқоматии нуҳошёна ва маҷмааи хизматрасонӣ дар маҳаллаи Мевағул шинос гардид - 28.05.2020 20:48
Раҷаббой Аҳмадзода сарҳадчиёнро бо Иди касбиашон табрик ва туҳфаҳо тақдим намуд - 28.05.2020 20:54
«Хуҷанд-Агро» ба ширкатҳои «Gallina Blanca» «Доширак», "Маги" ва як қатор тарабхонаи Аврупо маҳсулот содирот мекунад - 29.05.2020 08:56

Шоҳҷоизаи даври вилоятии озмуни ҷумҳуриявии “Фурӯғи субҳи доноӣ...” насиби Моҳрӯ Қурбонзода гардид

( 0 Овоз )

Дар вилояти Суғд даври вилоятии озмуни ҷумҳуриявии “Фурӯғи субҳи доноӣ...” ҷамъбаст гардида, 13 нафар ғолиби озмун аз рӯйи ишғоли ҷойҳо дар чаҳор номинатсия ва Шоҳҷоиза бо мукофотҳои пулии Мақомоти иҷроияи ҳокимияти давлатии вилояти Суғд сарфароз гардонида шуданд.

90 нафар ғолибони даври дуюми озмун, ки ба даври вилоятӣ роҳ ёфтанд, аз санаи 21-уми ноябр то 23-юми нобяр дар толори Муассисаи давлатии Кохи фарҳанги “Суғдиён”-и шаҳри Хуҷанд дар ҳузури ҳайати бонуфузи ҳакамон барои ба даст овардани пирӯзии навбатӣ донишу маҳорати худро нишон доданд. Донишу маҳорати довталабон аз рӯи меъёрҳои шарҳи мухтасари асар, маълумот оид ба қаҳрамонони асосӣ ва баёни лаҳзаҳои ҷолиби асар, озодбаёнӣ ва санъати суханварӣ, ҳунари ровигӣ ва наққолӣ, қобилияти луғатдонӣ ва тавзеҳи он, дарки дурусти мазмуну муҳтавои асар, таассурот аз хондани осор санҷида ва баҳогузорӣ карда шуд.

Дар натиҷа Шоҳҷоизаи озмун ва 15 000 сомониро Қурбонзода Моҳрӯ – магистранти курси дуюми Донишгоҳи давлатии Хуҷанд ба номи академик Бобоҷон Ғафуров аз ноҳияи Ашт соҳиб гардид.

Дар номинатсияи “Аз ёд кардану хондани осори адибони классики тоҷик” шахсони зерин ғолиб дониста шуданд:

Ҷойи якум – Осими Оқил – мудири кафедраи коркарди конҳои канданиҳои фоиданоки Муассисаи давлатии таълимии «Донишкадаи кӯҳӣ-металлургии Тоҷикистон» дар шаҳри Бӯстон – 10 000 сомонӣ

Ҷойи дуюм – Бобоев Ҳадятулло – омӯзгори фанни забон ва адабиёти тоҷики Донишкадаи омӯзгории Тоҷикистон дар шаҳри Панҷакент– 7 000 сомонӣ

Ҷойи сеюм – Заҳурзода Азизахон –хонандаи синфи Х Муассисаи таҳсилоти миёнаи умумии №6 ба номи Боймурод Шомуродови ноҳияи Мастчоҳ– 5 000 сомонӣ.

Дар номинатсияи “Аз ёд кардану хондани осори адабиёти муосири тоҷик” шахсони зерин ғолиб дониста шуданд:

Ҷойи якум – Норова Рухшона – хонандаи синфи VII Муассисаи таҳсилоти миёнаи умумии №34 шаҳри Панҷакент – 10 000 сомонӣ

Ҷойи дуюм – Ёқубов Фаридун – хонандаи синфи IХ Гимназияи №2 шаҳри Истаравшан – 7 000 сомонӣ

Ҷойи сеюм – Мамадҷонова Фарангис – хабарнигори рӯзномаи «Шуҳрати Ашт» – 5 000 сомонӣ.

Дар номинатсияи “Аз ёд кардану хондани ашъори бачагона ва афсонаву ривоятҳои халқи тоҷик” шахсони зерин ғолиб дониста шуданд:

Ҷойи якум – Зебунисои Азизиён – хонандаи синфи VI Гимназияи №2 ноҳияи Деваштич – 10 000 сомонӣ

Ҷойи дуюм – Қӯзибоева Лайло – хонандаи синфи IV Муассисаи таҳсилоти миёнаи умумии №8 шаҳри Хуҷанд – 7 000 сомонӣ

Ҷойи сеюм – Шарофиддинова Таййибаҳ – хонандаи синфи IХ Муассисаи давлатии таълимии «Мактаби Президентӣ барои хонандагони болаёқат дар шаҳри Бӯстони вилояти Суғд» – 5 000 сомонӣ.

Дар номинатсияи “Аз ёд кардану хондани осори адабиёти ҷаҳон” шахсони зерин ғолиб дониста шуданд:

Ҷойи якум – Алибеков Асламбек – хонандаи синфи ХI Муассисаи таҳсилоти миёнаи умумии №6 шаҳри Панҷакент – 10 000 сомонӣ

Ҷойи дуюм – Восидзода Манижа – донишҷӯи курси III факултети филологияи руси Муассисаи давлатии таълимии «Донишгоҳи давлатии Хуҷанд ба номи академик Бобоҷон Ғафуров» – 7 000 сомонӣ

Ҷойи сеюм –Гулнозаи Шукрулло – хонандаи синфи Х Муассисаи таҳсилоти миёнаи умумии №31 ноҳияи Айнӣ – 5 000 сомонӣ.

Ёдовар мешавем, ки озмуни “Фурӯғи субҳи доноӣ...” ба ифтихори ҷашни 30-солагии Истиқлолияти давлатӣ таҳти сарпарастии Президенти Ҷумҳурии Тоҷикистон муҳтарам Эмомалӣ Раҳмон миёни қишрҳои мухталифи ҷомеа, аз ҷумла хонандагону донишҷӯёни ҳамаи зинаҳои таҳсилот ва шаҳрвандони кишвар роҳандозӣ гардида, ҳадафи аслии он баланд бардоштани завқи китобхонӣ, тақвияти ҳофизаи фарҳангӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ мебошад.

Хадамоти матбуоти
Раиси вилояти Суғд





Шарҳ додан


Защитный код
Нав кардан

ШУМО ДАР: Навиди Суғд Шоҳҷоизаи даври вилоятии озмуни ҷумҳуриявии “Фурӯғи субҳи доноӣ...” насиби Моҳрӯ Қурбонзода гардид