Хабарҳо
Дар Панҷакент бинои нави Хадамоти шиносномавию бақайдгирӣ ба истифода дода шуд - 21.02.2020 13:19
11 март Рӯзи матбуоти тоҷик ҷашн гирифта мешавад - 21.02.2020 13:18
Дар деҳоти Исфара ба ҳалли масъалаҳои иҷтимоии аҳолӣ таваҷҷуҳи зарурӣ зоҳир мегардад - 21.02.2020 11:28
Ба ифтихори Рӯзи Артиши миллӣ дар ДДҲБСТ ҷамъомади идона баргузор гардид - 21.02.2020 11:19
Ғолибони даври вилоятии озмуни ҳарбӣ - варзишии «Ватанпарвар» муайян гардиданд - 21.02.2020 10:48
Бо мақсади дарёфти истеъдодҳо озмуни ихтироъкорон ва навоварони ҷавони вилояти Суғд гузаронида мешавад - 20.02.2020 13:26
Ба барандаи Шоҳҷоизаи Фестивали вилоятии “Атласу адрас” 5 000 сомонӣ мукофотпулӣ дода хоҳад шуд - 20.02.2020 13:25
24 апрел - Рӯзи ёдбуди бартарафкунандагони садамаи Неругоҳи барқи атомии Чернобил - 20.02.2020 13:23
8 март дар вилояти Суғд Рӯзи Модар ҷашн гирифта мешавад - 20.02.2020 13:19
Соли равон озмуни вилоятии “Донишҷӯи сол - 2020” доир мегардад - 19.02.2020 14:01

Таҷлили Рӯзи милитсияи тоҷик дар ноҳияи Айнӣ

( 0 Овоз )

7-уми ноябр дар ноҳияи Айнӣ бо иштироки роҳбарони мақомоти қудратӣ, роҳбарони ташкилоту муассисаҳо, кормандони мақомоти корҳои дохилии ноҳия ва собиқадорони соҳа ба муносибати Рӯзи милитсияи тоҷик чорабинии тантанавӣ баргузор гардид.

Кормандони милитсияро бо ин санаи фархунда нахуст раиси ноҳия Муродзода Муқим Қаюм таҳният гуфта, зикр намуд, ки мақомоти милитсия яке аз сохторҳои бузургу бонуфузи ҳифзи ҳуқуқ ба ҳисоб рафта, аз нахустин лаҳзаҳои ташкилёбӣ то имрӯз ҳамчун нерӯи муҳофизи тартиботи ҷамъиятӣ дар мубориза бар зидди ҷинояткорӣ ва ҳифзи ҳуқуқу озодиҳои шаҳрвандон саҳмгузор мебошад.

Зикр карда шуд, ки мақомоти милитсия дар лаҳзаҳои сангини таърихи кишвар аз имтиҳоноти ҷиддӣ гузашта, барои таъмини амну суботи ҷомеа талош варзидааст. Маҳз дар натиҷаи заҳмату талошҳои шабонарӯзии кормандони милитсия ва фаъолияти мунтазами онҳо бо дигар мақомоти ҳифзи ҳуқуқ осудагиву суботи кишвар ва тинҷиву амнияти шаҳрвандон таъмин гашта, пеши роҳи содиршавии ҳазорон ҷиноят гирифта шуд, ашхоси ҷонояткор ошкору дастгир ва ба ҷавобгарии ҷиноятӣ кашида шуданд.

Сипас, прокурори ноҳияи Айнӣ Арбобзода Муҳаммад Хоҷа ва сардори ШВКД ҶТ дар ноҳияи Айнӣ, подполковники милитсия Одиназода Саидатҳам Сироҷ ба сухан баромада, кормандони Шуъбаи Вазорати корҳои дохилӣ дар ноҳия ва собиқадорони меҳнатро бахшида ба Рӯзи милитсияи тоҷик табрик намуданд.

Дар интиҳои чорабинӣ барои гузоштани саҳми арзанда дар пойдории амну суботи ҷомеа ва ҳифзи дастовардҳои даврони соҳибстиқлолии мамлакат, дифоъ аз манфиатҳои давлату миллат, ҳифзу ҳуқуқу озодиҳои инсон ва бахшида ба Рӯзи кормандони милитсияи тоҷик ба як қатор кормандони шӯъбаи корҳои дохилӣ ифтихорномаву мукофотҳо тақдим гардид.

Хадамоти матбуоти
Раиси вилояти Суғд


Шарҳ додан


ШУМО ДАР: Навиди Суғд Таҷлили Рӯзи милитсияи тоҷик дар ноҳияи Айнӣ