Хабарҳо
Шарҳи Фармони Президенти Ҷумҳурии Тоҷикистон «Дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии хизматчиёни давлатӣ, кормандони муассисаю ташкилотҳои буҷетӣ, андозаи нафақа ва стипендия» - 05.08.2020 09:46
Фармони Президенти Ҷумҳурии Тоҷикистон дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии хизматчиёни давлатӣ, кормандони ташкилоту муассисаҳои буҷетӣ, андозаи нафақа ва стипендия - 05.08.2020 09:42
Ҷаласаи Шўрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид - 04.08.2020 14:26
Барои идомаи сохтмони хати оби нӯшокӣ дар шаҳраки Шӯроб дар марҳилаи аввал 1,2 миллион сомонӣ ҷудо гардидааст - 04.08.2020 09:54
6 август дар Душанбе ҷаласаи дуюми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум доир мешавад - 04.08.2020 09:50
Хуҷанд: Тақдими 150 адад либосҳои мактабӣ ба хонандагони ятиму камбизоат - 04.08.2020 09:45
Оғози корҳои таъмиру мумфаршкунии 1,5 километр роҳ дар Ҷамоати деҳоти Ворух - 04.08.2020 09:41
Наимова Раҷамо модари Сангова Сумая духтаре, ки Кури Юнус фиребаш дод - 03.08.2020 23:23
Дар ноҳияи Спитамен корхонаи коркади шир бунёд ва 50 нафар бо ҷойи корӣ таъмин мегарданд - 03.08.2020 15:11
Таҷрибаи оилаи Эмомовҳо дар самти захираи маҳсулот шоистаи пайравӣ аст - 03.08.2020 15:09

Дар машварати кории Раиси вилоят вазъи соҳаи моҳипарварӣ баррасӣ шуд

( 0 Овоз )

25 сентябр дар толори хурди Мақомоти иҷроияи ҳокимияти давлатии вилоят машварати кории Раиси вилояти Суғд Раҷаббой Аҳмадзода баргузор гардид, ки дар он вазъи соҳаи моҳипарварӣ мавриди таҳлил қарор гирифт.

Раиси вилоят Раҷаббой Аҳмадзода машварати кориро ифтитоҳ намуда, иброз дошт, ки дар асоси дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилоят ба рушди соҳаи моҳипарварӣ таваҷҷуҳи махсус зоҳир мегардад. Қайд карда шуд, ки дар вилоят 27 хоҷагии моҳипарвар бо масоҳати 158,7 гектар фаъолият дошта, барои афзун намудани истеҳсоли гӯшти моҳӣ тадбирҳои зарурӣ амалӣ гардида истодааст.

Сипас, доир ба вазъи соҳаи моҳипарварӣ гузориши муовини Раиси вилоят Рустам Каримзода шунида шуд. Муовини Раиси вилоят зимни ироаи гузориши худ таъкид кард, ки аз ҷониби Ҳукумати Ҷумҳурии Тоҷикистон барои рушди соҳаи моҳипарварӣ як қатор имтиёзҳо пешбинӣ гардидааст, ки ин омил ба рушди моҳипарварӣ мусоидат менамояд.

Зикр гардид, ки Мақомоти иҷроияи ҳокимияти давлатии вилоят барои рушди соҳа аз имкониятҳо самаранок истифода намуда, соли равон аз Федератсияи Россия 11,5 миллион кирминамоҳии пешонағафс, амури сафед ва сазанро ворид намуд. Кирминамоҳиҳо барои парвариш ва нигоҳубин ба хоҷагиҳои моҳипарварӣ тақсим гардидааст.

Дар вилоят дар асоси барномаҳои давлатӣ соли равон истеҳсоли 295 тонна гӯшти моҳӣ дар назар дошта шуда, ба ҳолати якуми сентябр 113,3 тонна гӯшти моҳӣ истеҳсол карда шудааст.

Таҳлили вазъи соҳа нишон медиҳад, ки на дар ҳамаи шаҳру ноҳияҳо бобати истифодаи самараноки қитъаҳои замини барои хоҷагиҳои моҳипарварӣ ҷудогардида тадбирҳои зарурӣ роҳандозӣ гардидаанд. Масъалаи истифодаи самараноки замин дар навоҳии Ашту Бобоҷон Ғафуров, Спитамен ва шаҳри Панҷакент беҳбудиро тақозо менамояд. Масъулини шаҳру ноҳияҳои Гулистон, Истаравшан, Ҷаббор Расулов, Айнӣ низ бояд баҳри рушди соҳаи моҳипарварӣ таваҷҷуҳи хоса зоҳир намоянд.

Дар шаҳру ноҳияҳои Исфара, Шаҳристон, Куҳистони Мастчоҳ ва Зафаробод бошад бобати ташкили хоҷагиҳои моҳипарварӣ корбарӣ ҷараён дорад.

Раиси вилоят пас аз таҳлилу баррасии вазъи мавҷуда ба муовини соҳавии Раиси вилоят, масъулини соҳаи кишоварзӣ ва хоҷагиҳои моҳипарварӣ дастур дод, ки бобати зиёд намудани хоҷагиҳои моҳипарварӣ, истифодаи самараноки заминҳои бо ин мақсад ҷудошуда, зиёд намудани ҳаҷми истеҳсоли гӯшти моҳӣ чораҷӯӣ намоянд.

Хадамоти матбуоти
Раиси вилояти Суғд





Шарҳ додан


Защитный код
Нав кардан

ШУМО ДАР: Навиди Суғд Дар машварати кории Раиси вилоят вазъи соҳаи моҳипарварӣ баррасӣ шуд