Хабарҳо
Пешвои миллат Эмомалӣ Раҳмон ба фаъолияти коргоҳи нави дӯзандагии ҶДММ «Нассоҷии Хуҷанд» оғоз бахшиданд - 16.09.2020 09:29
Президенти мамлакат Эмомалӣ Раҳмон бинои 9-ошёнаи истиқоматӣ барои кормандони Раёсати КДАМ дар вилояти Суғдро мавриди баҳрабардорӣ қарор доданд - 16.09.2020 09:32
Пешвои миллат Эмомалӣ Раҳмон Маркази байналмилалии тиҷоратии «Сомон-Плаза»-ро дар шаҳри Хуҷанд ба истифода доданд - 16.09.2020 10:02
Президенти мамлакат Эмомалӣ Раҳмон аз «Хона-музей»-и Нозимҷон Усмонов дар ноҳияи Бобоҷон Ғафуров дидан карданд - 16.09.2020 11:08
Пешвои миллат Эмомалӣ Раҳмон дар ноҳияи Ҷаббор Расулов аз хоҷагии деҳқонии «Деҳқони нав» ва намоиши маҳсулоти кишоварзӣ боздид намуда, ба ҷамъоварии пахта оғоз бахшиданд - 16.09.2020 11:18
Сарвари давлат Эмомалӣ Раҳмон ба корҳои сохтмонӣ дар корхонаи истеҳсоли шиша ва зарфҳои шишагӣ дар ноҳияи Ҷаббор Расулов оғоз бахшиданд - 16.09.2020 11:29
Президенти мамлакат Эмомалӣ Раҳмон ба кишти такрорӣ дар заминҳои ҶСК «Парандапарвар»-и ноҳияи Ҷаббор Расулов оғоз бахшиданд - 16.09.2020 13:56
Ҷаласаи навбатии Ситоди вилоятӣ оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии бемории сироятии коронавируси COVID-19 - 17.09.2020 12:09
Президенти мамлакат Эмомалӣ Раҳмон дар шаҳри Ҳисор Боғи фарҳангӣ-фароғатии зимистона ифтитоҳ карда, ба ятимони кулл туҳфаҳо тақдим намуданд - 18.09.2020 15:27
Сарвари давлат Эмомалӣ Раҳмон бо роҳбарону фаъолон ва сокинони шаҳри Ҳисор мулоқот карданд - 18.09.2020 15:24

Бо иштироки роҳбарони Федератсияи иттифоқҳои касабаи Тоҷикистон ва Ӯзбекистон семинари минтақавӣ баргузор шуд ​

( 0 Овоз )


Рӯзи 23 сентябр дар толори конфронси меҳмонхонаи «Суғдиён»-и шаҳри Хуҷанд бо иштироки роҳбарони Федератсияи иттифоқҳои касабаи ҷумҳуриҳои Тоҷикистон ва Ӯзбекистон дар мавзӯи «Стандартҳои байналхалқии меҳнат дар таҳкими қобилияти муқовиматпазирии ҷомеа ба буҳронҳо ва татбиқи ҳадафҳои меҳнати арзанда» семинари минтақавӣ баргузор шуд.

Дар семинарраиси Федератсияи иттифоқҳои касабаи мустақили Тоҷикистон Қодири Қосим, муовини Раиси вилояти Суғд Анвар Яъқубӣ, раиси Федератсияи иттифоқҳои касабаи мустақили Ӯзбекистон Қудратулло Рафиқов, мудири бахши Аврупоӣ - Осиёи Марказии ташкилоти байналхалқии меҳнат (МОТ) Сергеюс Гловатскас ва кормандони воситаҳои ахбори омма ширкат варзиданд.

Дар оғози кори семинар раиси Федератсияи иттифоқҳои касабаи мустақили Тоҷикистон Қодири Қосим ҳадафи баргузории онро шарҳ дода, тазаккур дод, ки пас аз боз шудани гузаргоҳҳои сарҳадии Тоҷикистону Ӯзбекистон ва барқарор шудани муносибатҳо рушди босуръати ҳамкориҳоидуҷонибамушоҳида мешавад. Доир шудани семинари байналхалқӣ дар Тоҷикистон ва ширкати намояндагони Ҷумҳурии Ӯзбекистон низ далели ин гуфтаҳо буда, бар манфиати кор хоҳад буд.

Зимни суханронии худ муовини Раиси вилояти Суғд Анвар Яъқубӣ аз густариши робитаҳои Тоҷикистону Ӯзбекистон ёдоварӣ карда, иброз дошт, ки бо сиёсати хирадмандона ва дурбинонаи сарварони ду кишвари ба ҳам дӯсту ҳамсоя дар ҳамаи бахшҳо ҳамкориҳо ба роҳ монда шудааст. Баргузории семинари мазкур вобаста ба масъалаҳои меҳнат дар сатҳи минтақа аввалин буда, барои намояндагони ҳарду ҷониб таҷрибаи хубе хоҳад буд.

-Дар вилояти Суғд ҷиҳати фароҳам овардани шароити мусоиди корӣ барои кормандон, афзудани ҷойи холии корӣ, дастгирию ҳавасмандгардонии коргарон, ҳифзи ҳуқуқу озодиҳои аҳолии қобили меҳнат чораҳои зарурӣ андешида мешаванд, – афзуд ӯ.

Дар ҷараёни кори семинар вобаста ба таҷлили 100-солагии Ташкилоти байналхалқии меҳнат (МОТ) ва натиҷаҳои Конфронси умумиҷаҳонӣ доир ба ин сана, қабули қарордоду конвенсияҳо оид ба ҳимояи ҳуқуқи кормандон маърӯзаҳо ироа гардид. Инчунин, масъалаҳои нақши иттифоқҳои касаба дар таъмини барномаҳои давлатӣ доир ба меҳнати арзанда, таҷрибаи иттифоқҳои касабаи ҷумҳуриҳои Тоҷикистон ва Ӯзбекистон низ мавриди таҳлил қарор дода шуданд.

Ташаббуси мазкур метавонад ба фаъолони Иттифоқи касабаи Ҷумҳурии Тоҷикистон ва Ҷумҳурии Ӯзбекистон барои ноил шудан ба ҳадафҳои рушди устувор дар самти татбиқи ҳадафҳои меҳнати арзанда мусоидат намояд. Семинар то 25 сентябр идома меёбад.

Хадамоти матбуоти

Раиси вилояти Суғд


Шарҳ додан


Защитный код
Нав кардан

ШУМО ДАР: Навиди Суғд Бо иштироки роҳбарони Федератсияи иттифоқҳои касабаи Тоҷикистон ва Ӯзбекистон семинари минтақавӣ баргузор шуд ​