Хабарҳо
САВГАНД БА ВАТАН: Чорабинӣ дар қисми ҳарбии Кумитаи ҳолатҳои фавқулода дар вилояти Суғд - 04.06.2020 10:36
Шиносоии Раиси вилоят бо ҷараёни бунёдкориҳо дар Ҷамоати деҳоти Хистеварз - 01.06.2020 15:59
Шиносоии Раиси вилоят бо рафти сохтмони Беморхонаи сироятии Ҷамоати деҳоти Хистеварз - 01.06.2020 16:01
Шиносоӣ бо сохтмони майдони Парчами давлатии Ҷумҳурии Тоҷикистон - 01.06.2020 16:02
Шиносоии Раҷаббой Аҳмадзода бо тарзи истифодабарии заминҳои наздиҳавлигӣ дар ноҳияи Бобоҷон Ғафуров - 01.06.2020 17:08
Ба куҳҳои ноҳияи Шаҳристон 23 сар оҳуи муфлони аврупоӣ оварда шуд - 03.06.2020 17:28
Мулоқоти Раиси вилоят бо кормандони соҳаи тандурустии ноҳияи Шаҳристон - 03.06.2020 13:46
Дар Ҷамъияти саҳомии пўшидаи "Оби Зулол" хатҳои нави истеҳсолӣ фаъол мешавад - 03.06.2020 12:58
Боздиди Раиси вилоят Раҷаббой Аҳмадзода аз хоҷагии деҳқонии «Шердил» - 03.06.2020 12:56
Сафари кории Раиси вилоят ба Ҷамоати деҳоти Далёни болои ноҳияи Деваштич - 03.06.2020 12:55

Мастчоҳ. Дар рӯзҳои таҷлил аз Истиқлолияти давлатӣ хонандагони деҳаи Сангчашма соҳиби мактаби нав шуданд

( 0 Овоз )

Дирӯз дар деҳаи дурдасти Сангчашмаи Ҷамоати деҳоти Навбаҳори ноҳияи Мастчоҳ мактаби наву замонавӣ мавриди баҳрабардорӣ қарор гирифт, ки армуғони шоиста барои хонандагони деҳаи мазкур дар рӯзҳои таҷлил аз 28-солагии Истиқлолияти давлатии Ҷумҳурии Тоҷикистон мебошад.

Тавре аз мақомоти иҷроияи ҳокимияти давлатии ноҳия иттилоъ доданд, ин боргоҳи маърифат, ки муассисаи таҳсилоти миёнаи умумии №19 мебошад, барои 240 ҷойи нишаст дар ду баст пешбинӣ шуда, дар муддати кӯтоҳ аз ҳисоби маблағҳои буҷети ноҳия бо харҷи 800 ҳазор сомонӣ сохта ба истофода дода шуд.

Дар маросими ифтитоҳи иншооти мазкур раиси ноҳия Ғайрат Азиззода ва сардори Саридораи геологияи назди Ҳукумати Ҷумҳурии Тоҷикистон, роҳбари гурӯҳи корӣ оид ба таҷлили ҷашни 30-солагии Истиқлолияти давлатии Ҷумҳурии Тоҷикистон дар ноҳия Илҳомҷон Оймаҳмадзода иштирок намуданд.

Раиси ноҳияи Мастчоҳ Ғайрат Азиззода хонандагону омӯзгорон ва аҳли деҳаи Сангчашмаро ба муносибати ифтитоҳи мактаби замонавӣ ва ҷашни Истиқлолияти давлатӣ табрик намуда, таъкид кард, ки дар ин рӯзҳои пурфайзи таҷлили ҷашни фархундаи 28-солагии Истиқлолияи давлатӣ мавриди баҳрбардорӣ қарор гирифтани бинои нави муассисаи таълимӣ дар деҳаи зебою тароватбахши Сангчашмаи Ҷамоати деҳоти Навбаҳор гувоҳи барҷастаи ғамхорию пуштибониҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати мамлакат нисбати соҳаи мактабу маориф мебошад.

Дар навбати худ роҳбарият ва омӯзгорону хонандагони муассисаи таҳсилоти миёнаи умумии №19 барои чунин ғамхорӣ, яъне бунёди мактаби наву замонавӣ ба Пешвои миллат муҳтарам Эмомалӣ Раҳмон изҳори сипос намуданд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Мастчоҳ. Дар рӯзҳои таҷлил аз Истиқлолияти давлатӣ хонандагони деҳаи Сангчашма соҳиби мактаби нав шуданд