Хабарҳо
Пешвои миллат Эмомалӣ Раҳмон бинои нави Факултаи фаъолияти фаврӣ — ҷустуҷӯии Академияи Вазорати корҳои дохилии Ҷумҳурии Тоҷикистонро мавриди истифода қарор доданд - 22.11.2019 16:25
Сарвари давлат Эмомалӣ Раҳмон корхонаи дӯзандагии Раёсати таъминоти моддӣ-техникии Вазорати корҳои дохилии Ҷумҳурии Тоҷикистонро ифтитоҳ намуданд - 22.11.2019 16:24
Президенти мамлакат Эмомалӣ Раҳмон бинои Дастаи махсуси зудамали Раёсати мубориза бар зидди ҷиноятҳои муташаккили Вазорати корҳои дохилии Ҷумҳурии Тоҷикистонро ифтитоҳ намуданд - 22.11.2019 16:23
Пешвои миллат Эмомалӣ Раҳмон Муассисаи таҳсилоти томактабии хусусии «Табассуми офтобак»-ро дар ноҳияи Синои шаҳри Душанбе мавриди истифода қарор доданд - 22.11.2019 16:22
Паёми табрикии Раиси вилоят Раҷаббой Аҳмадзода ба муносибати Рӯзи Парчами давлатии Ҷумҳурии Тоҷикистон - 22.11.2019 14:13
Дар гузаргоҳҳои сарҳадии «Фотеҳобод»-и ноҳияи Мастчоҳ ва «Саразм»-и шаҳри Панҷакент нуқтаҳои нави хизматрасонии милитсияи сайёҳӣ ба истифода дода шуд - 22.11.2019 11:00
«Муҳоҷират ва сирояти Вируси норасоии масунияти одам (ВНМО)» - баргузории мизи мудаввар дар Истаравшан - 22.11.2019 10:55
Дар нишасти 177-умини маҳфили илмиву адабии “Ганҷи сухан” аз Абдулманнон Насриддин ёдоварӣ карданд - 22.11.2019 10:44
ТОҶИКИСТОН ДУЮМИН КИШВАРИ АМНТАРИНИ ҶАҲОН ДОНИСТА ШУД! Пажӯҳиши Маркази таҳлилии амрикоӣ Gallup - 22.11.2019 10:33
Дар доираи ҷамъбасти озмуни «Беҳтарин шеъри бачагона» ба 10 нафар кӯдакони маъюб туҳфаҳо тақдим шуд - 22.11.2019 08:49

Ифтитоҳи бинои таълимӣ ва синфхонаҳои иловагӣ дар шаҳри Конибодом

( 0 Овоз )
  • Пешина
  • 1 of 6
  • Минбаъда

2 сентябри соли 2019 Раиси вилояти Суғд Раҷаббой Аҳмадзода бо мақсади шиносоӣ бо ҷараёни корҳои ободониву созандагӣ, ифтитоҳи як қатор иншооти гуногун ва гузаронидани қабули шаҳрвандон ба шаҳри Конибодом сафари корӣ анҷом дод.

Зимни сафар Раиси вилоят сараввал дар маросими ифтитоҳи бинои муассисаи таҳсилоти миёнаи умумии рақами 47 ва синфхонаҳои иловагии муассисаи таҳсилоти миёнаи умумии рақами 53 –и шаҳр иштирок кард.

Тавре зимни ифтитоҳи иншооти соҳаи маориф иттилоъ дода шуд, муассисаи таҳсилоти миёнаи умумии №47 соли 1997 сохта ба истифода дода шудааст. Масоҳати умумии таълимгоҳ 1,44 гектарро ташкил медиҳад ва он соли 2015 ҳамчун муассисаи таҳсилоти миёнаи умумӣ аз аттестатсияи навбатӣ гузаштааст.

Дар муассиса 18 омўзгор фаъолият дошта, теъдоди умумии хонандагон 147 нафарро ташкил медиҳад.

Бинои нави муассисаи таълимӣ бо дастгирии мақомоти иҷроияи ҳокимияти давлатии шаҳр ва саҳмгузории волидайни хонандагону  соҳибкорону саховатмандон бо харҷи 900 000 сомонӣ бунёд гардида, аз 8 синфхона ва 2 утоқи корӣ иборат мебошад.

Дар муассисаи таҳсилоти миёнаи умумии №53 бошад 5 синфхона бо 125 ҷойи нишаст, 1 маҷлисгоҳ барои 80 нафар ва ду таҳлилгоҳ бо тарҳи замонавӣ мавриди истифодабарӣ қарор гирифт. Дар ин муассисаи таҳсилоти миёнаи умумӣ  42 нафар омўзгорон ба 472 хонанда таълим медиҳанд. Синфхонаҳои иловагӣ ва маҷлисгоҳу таҳлилгоҳ низ бо дастгирии мақомоти иҷроияи ҳокимияти давлатии шаҳр ва саҳмгузории волидайни хонандагону  соҳибкорону саховатмандон бо харҷи 850 000 сомонӣ сохта шудааст.

Раиси вилоят зимни суҳбатҳо бо устодону хонандагони муассисаҳои таълимӣ таъкид кард, ки бо дастгирию ғамхориҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи маориф, ки яке аз соҳаҳои афзалиятноки сиёсати имрӯзаи давлату Ҳукумат маҳсуб меёбад, рушд ёфта истодааст. Насли наврасро зарур аст, ки бо истифода аз шароити фароҳамшуда хуб тасҳсил намуда, дар оянда ҳамчун мутахассисони арзанда ба камол расанд.

Ёдовар бояд шуд, ки дар шаҳри Конибодом дар соли таҳсили 2018-2019 55 муассисаи таҳсилоти умумӣ, аз ҷумла як литсей, як гимназия, як  мактаб-интернати санаторӣ, як муассисаи таҳсилоти умумии хусусии Очилбой Ҷўраев, як муассисаи таҳсилоти умумии асосии №45 ва 50 муассисаи таҳсилоти миёнаи умумӣ фаъолият доштанд. Дар соли таҳсили 2019 - 2020 бо қарори раиси шаҳри Конибодом  муассисаи таҳсилоти умумии асосии №45 ба муассисаи таҳсилоти миёнаи умумӣ №51 табдил дода шуд.

Дар шаҳр 23 муассисаи таълимии томактабӣ - 14 муассисаи томактабии давлатӣ, 3 муассисаи томактабии тобеи ташкилоту муассисаҳо, 6 муассисаи томактабии хусусӣ ва илова бар он, дар назди раёсати маорифи шаҳр Маркази таҳсилоти иловагӣ, Маркази дарёфт ва рушди истеъдодҳо ва Маркази иттилоотию коммуникатсионӣ фаъолият менамоянд.

Хадамоти матбуоти
Раиси вилояти Суғд








Шарҳ додан


Защитный код
Нав кардан

ШУМО ДАР: Навиди Суғд Ифтитоҳи бинои таълимӣ ва синфхонаҳои иловагӣ дар шаҳри Конибодом