Хабарҳо
Муроҷиатнома ба Кабирӣ - Кобра, Муҳаммадиқбол- Муҳаммади беиқбол, Мирзои Салимпур – ноздонаи ҷонона (вокуниш ба Нидои миллат – филми мустанади “Хиёнат”) - 10.07.2020 17:40
Нақшаи нишастҳои матбуотӣ барои кормандони воситаҳои ахбори омма - 10.07.2020 16:36
Ҷаласаи ҷамъбасти натиҷаҳои рушди иҷтимоию иқтисодии вилояти Суғд дар нимсолаи якуми соли 2020 - 10.07.2020 16:23
Тақдими медалҳои ҷашнӣ ба собиқадорони ҷангу меҳнат - 06.07.2020 21:30
Мулоқоти Раиси вилоят бо фаъолони ноҳияи Деваштич - 08.07.2020 16:43
Шиносоии Раиси вилоят бо фаъолияти занбӯрпарварони ноҳияи Деваштич - 08.07.2020 16:46
Дар ноҳияи Деваштич 5400 гектар картошка кишт карда шудааст - 08.07.2020 16:48
Пешвои миллат Эмомалӣ Раҳмон дар шаҳри Душанбе ба корҳои сохтмонӣ дар Майдони «Истиқлол» оғоз бахшиданд - 10.07.2020 13:43
Президенти мамлакат Эмомалӣ Раҳмон бинои Хадамоти давлатии «Муҳофиза»-и Вазорати корҳои дохилии Ҷумҳурии Тоҷикистонро ба истифода доданд - 10.07.2020 13:42
Сарвари давлат Эмомалӣ Раҳмон дар шаҳри Душанбе корхонаи дӯзандагиро бо 350 ҷойи корӣ ифтитоҳ намуданд - 10.07.2020 13:39

Баргузории Рӯзи миллии Ҷумҳурии Тоҷикистон дар шаҳри Пекини Ҷумҳурии мардумии Чин

( 0 Овоз )

Чанде қабл дар Намоишгоҳи байналмилалии боғпарварӣ «ЭКСПО-2019», ки дар шаҳри Пекин ҷараён дорад, Рӯзи миллии Ҷумҳурии Тоҷикистон таҷлил гардид.

Дар Рӯзи миллии Ҷумҳурии Тоҷикистон дар намоишгоҳи мазкур меҳмонон аз Вазорати корҳои хориҷӣ ва дигар вазорату идораҳои дахлдори Чин, намояндагони доираҳои гуногуни ҷомеаи чинӣ, ширкатҳо ва воситаҳои ахбори оммаи Чин, роҳбарони ғурфаҳои кишварҳои хориҷӣ дар намоишгоҳ иштироккунанда, сафоратҳои кишварҳои хориҷӣ ва Котиботи Созмони Ҳамкории Шанхай иштирок намуданд.

Ҷумҳурии Тоҷикистон дар Намоишгоҳи байналмилалии боғпарварӣ «ЭКСПО-2019» беш аз 30 навъи маҳсулоти боғу токпарвариро дар шакли хушк ва тару тоза ба меҳмонон ва шаҳрвандони Чин пешниҳод намудааст. Ҳамарӯза гӯшаи намоишгоҳии Тоҷикистонро ба ҳисоби миёна 23 000 нафар тамошо намуда, бо таъриху фарҳанги тоҷикон шинос гардида, дар бораи имкониятҳои саноатию кишоварзӣ, энергетикӣ ва сайёҳии Тоҷикистон маълумот пайдо менамоянд.

Дар навбати худ роҳбарияти Намоишгоҳи байналмилалии боғпарварӣ «ЭКСПО-2019» Ҷумҳурии Тоҷикистонро яке аз кишварҳои муҳими минтақа, хусусан дар масири «Як камарбанд - як роҳ» арзёбӣ намуда, ба иштироки фаъолонаи Тоҷикистон дар Намоишгоҳи байналмилалии боғпарварӣ «ЭКСПО-2019» баҳои баланд дод.

Роҳбарони ҳайатҳои Тоҷикистон ва Чин ҳозиринро ба муносибати 28-умин солгарди Истиқлолияти давлатии Ҷумҳурии Тоҷикистон ва 70-умин солгарди таъсиси Ҷумҳурии Мардумии Чин табрик карданд.

Дар Намоишгоҳи байналмилалии боғпарварӣ «ЭКСПО-2019» дар шаҳри Пекин намунаи маҳсулоти меваҳои хушки корхонаҳои вилоят ҶДММ “Исфара Баракат”, ҶДММ “Исфарафуд”, ҶДММ “Экофрукт Исфара”, ҶДММ “Оро Исфара”, ҶДММ “Меваи Канд”, ҶДММ “Зардолу ва К” ва маҳсулоти истеҳсолии ҶСП “Оби Зулол”, ҶСП “Евро Азия 2005” ва ҶДММ “Парандис” бо насби маълумоти мухтасар ба забонҳои англисӣ ва хитоӣ муаррифӣ мегарданд.

Тибқи иттилои масъулини Палатаи савдо ва саноати вилояти Суғд Намоишгоҳи байналмилалии боғпарварӣ «ЭКСПО-2019» дар шаҳри Пекин то санаи 28 октябр идома меёбад.

Хадамоти матбуоти

Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Баргузории Рӯзи миллии Ҷумҳурии Тоҷикистон дар шаҳри Пекини Ҷумҳурии мардумии Чин