Хабарҳо
Раиси вилояти Суғд Раҷаббой Аҳмадзода чанде аз куҳансолонро аёдат намуд - 03.08.2020 10:43
Хуҷанд: Ситоди сайёр дар Боғи Абумаҳмуди Хуҷандӣ - 05.08.2020 16:39
Дар Душанбе иҷлосияи сеюми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид - 05.08.2020 13:51
Шарҳи Фармони Президенти Ҷумҳурии Тоҷикистон «Дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии хизматчиёни давлатӣ, кормандони муассисаю ташкилотҳои буҷетӣ, андозаи нафақа ва стипендия» - 05.08.2020 09:46
Фармони Президенти Ҷумҳурии Тоҷикистон дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии хизматчиёни давлатӣ, кормандони ташкилоту муассисаҳои буҷетӣ, андозаи нафақа ва стипендия - 05.08.2020 09:42
Ҷаласаи Шўрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид - 04.08.2020 14:26
Барои идомаи сохтмони хати оби нӯшокӣ дар шаҳраки Шӯроб дар марҳилаи аввал 1,2 миллион сомонӣ ҷудо гардидааст - 04.08.2020 09:54
6 август дар Душанбе ҷаласаи дуюми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум доир мешавад - 04.08.2020 09:50
Хуҷанд: Тақдими 150 адад либосҳои мактабӣ ба хонандагони ятиму камбизоат - 04.08.2020 09:45
Оғози корҳои таъмиру мумфаршкунии 1,5 километр роҳ дар Ҷамоати деҳоти Ворух - 04.08.2020 09:41

Ба даври вилоятии озмуни ҷумҳуриявии “Фурӯғи субҳи доноӣ...” ​ 234 нафар роҳ ёфтанд

( 0 Овоз )

Даври шаҳриву ноҳиявии озмуни ҷумҳуриявии “Фурӯғи субҳи доноӣ...” ба охир расид ва 234 нафар иштирокчӣ ба даври вилоятии озмуни ҷумҳуриявӣ, ки моҳи ноябр баргузор хоҳад шуд, роҳ ёфтанд.

Тавре аз маъмурияти Китобхонаи вилоятии ба номи Тошхоҷа Асирӣ хабар доданд, даври шаҳриву ноҳиявӣ тибқи Низомномаи озмун даври дуюм ба ҳисоб меравад. Иштирокчиёни озмун дар ин давр низ мисли даври аввал барои Шоҳҷоиза ва ғолибият дар яке аз чаҳор номинатсия байни ҳам талош варзиданд. Шумори иштирокчиёни даври дуюми озмун дар ноҳияҳо ба тариқи зайл аст: Айнӣ – 31 нафар, Ашт – 100 нафар, Бобоҷон Ғафуров – 176 нафар, Бӯстон – 48 нафар, Гулистон – 49 нафар, Деваштич – 40 нафар, Зафаробод – 28 нафар, Исфара – 95 нафар, Истаравшан – 100 нафар, Истиқлол – 21 нафар, Конибодом – 30 нафар, Кӯҳистони Мастчоҳ – 22 нафар, Мастчоҳ – 32 нафар, Панҷакент –87 нафар, Спитамен – 47 нафар, Ҷаббор Расулов – 62, Шаҳристон – 36 нафар, Хуҷанд – 55 нафар.

Дар ҳар шаҳру ноҳия ҳайати ҳакамон зимни саволу ҷавоб ва санҷиши дараҷаи китобхонӣ як нафарро барандаи Шоҳҷоиза эълон карданд. Ҳамчунин барои ҳар номинатсия сенафарӣ (ҷойҳои 1, 2, 3), яъне 12 нафар иштирокчии соҳибимтиёзу ғолиб эълон шуд.

Ҳамакнун ғолибони даври дуюм дар даври вилоятии озмун маҳорати худро нишон медиҳанд.

Ёдовар мешавем, ки озмуни “Фурӯғи субҳи доноӣ...” ба ифтихори ҷашни 30-солагии Истиқлолияти давлатӣ таҳти сарпарастии Президенти Ҷумҳурии Тоҷикистон муҳтарам Эмомалӣ Раҳмон миёни қишрҳои мухталифи ҷомеа, аз ҷумла хонандагону донишҷӯёни ҳамаи зинаҳои таҳсилот ва шаҳрвандони кишвар роҳандозӣ гардида, ҳадафи аслии он баланд бардоштани завқи китобхонӣ, тақвияти ҳофизаи фарҳангӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ мебошад.

Хадамоти матбуоти

Раиси вилояти Суғд


Шарҳ додан


Защитный код
Нав кардан

ШУМО ДАР: Навиди Суғд Ба даври вилоятии озмуни ҷумҳуриявии “Фурӯғи субҳи доноӣ...” ​ 234 нафар роҳ ёфтанд