Хабарҳо
Пешвои миллат Эмомалӣ Раҳмон бинои нави Факултаи фаъолияти фаврӣ — ҷустуҷӯии Академияи Вазорати корҳои дохилии Ҷумҳурии Тоҷикистонро мавриди истифода қарор доданд - 22.11.2019 16:25
Сарвари давлат Эмомалӣ Раҳмон корхонаи дӯзандагии Раёсати таъминоти моддӣ-техникии Вазорати корҳои дохилии Ҷумҳурии Тоҷикистонро ифтитоҳ намуданд - 22.11.2019 16:24
Президенти мамлакат Эмомалӣ Раҳмон бинои Дастаи махсуси зудамали Раёсати мубориза бар зидди ҷиноятҳои муташаккили Вазорати корҳои дохилии Ҷумҳурии Тоҷикистонро ифтитоҳ намуданд - 22.11.2019 16:23
Пешвои миллат Эмомалӣ Раҳмон Муассисаи таҳсилоти томактабии хусусии «Табассуми офтобак»-ро дар ноҳияи Синои шаҳри Душанбе мавриди истифода қарор доданд - 22.11.2019 16:22
Паёми табрикии Раиси вилоят Раҷаббой Аҳмадзода ба муносибати Рӯзи Парчами давлатии Ҷумҳурии Тоҷикистон - 22.11.2019 14:13
Дар гузаргоҳҳои сарҳадии «Фотеҳобод»-и ноҳияи Мастчоҳ ва «Саразм»-и шаҳри Панҷакент нуқтаҳои нави хизматрасонии милитсияи сайёҳӣ ба истифода дода шуд - 22.11.2019 11:00
«Муҳоҷират ва сирояти Вируси норасоии масунияти одам (ВНМО)» - баргузории мизи мудаввар дар Истаравшан - 22.11.2019 10:55
Дар нишасти 177-умини маҳфили илмиву адабии “Ганҷи сухан” аз Абдулманнон Насриддин ёдоварӣ карданд - 22.11.2019 10:44
ТОҶИКИСТОН ДУЮМИН КИШВАРИ АМНТАРИНИ ҶАҲОН ДОНИСТА ШУД! Пажӯҳиши Маркази таҳлилии амрикоӣ Gallup - 22.11.2019 10:33
Дар доираи ҷамъбасти озмуни «Беҳтарин шеъри бачагона» ба 10 нафар кӯдакони маъюб туҳфаҳо тақдим шуд - 22.11.2019 08:49

10 август – Рӯзи варзишгарон. Дар вилояти Суғд беш аз 2500 иншооти варзишӣ мавриди истифода қарор дорад

( 0 Овоз )

10 август дар Кохи Суғдиёни маркази вилоят бахшида ба Рӯзи варзишгарон ҷамъомади тантанавӣ баргузор гардид.

Муовини Раиси вилоят Баҳоваддин Баҳодурзода зимни суханронии худ кулли варзишгаронро аз номи Раиси вилоят Раҷаббой Аҳмадзода ба муносибати Рӯзи варзишгарон, ки ҳамасола дар қаламрави ҷумҳурӣ санаи 10 август таҷлил мегардад, табрик намуда, иброз дошт, ки дар кишвар бо дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри рушди соҳаи варзиш ва дастгирии варзишгарон тадбирҳои зарурӣ амалӣ карда мешавад.

Баргузории мулоқоти бевоситаи Пешвои миллат муҳтарам Эмомалӣ Раҳмон бо варзишгарони мамлакат, таҷдид, бунёд ва азнавсозии маҷмааву варзишгоҳҳо дар шаҳру навоҳии кишвар, таъсис додани ҷоизаи Президенти Ҷумҳурии Тоҷикистон барои қадршиносии варзишгарони беҳтарин ва эҳёи намудҳои варзиши миллӣ гувоҳи таваҷҷуҳи роҳбарияти олии мамлакат ба соҳаи варзиш мебошад.

Зикр гардид, ки ҷалб намудани аҳолии кишвар, хоса ҷавонон, ба тарбияи ҷисмонӣ ва варзиш яке аз самтҳои афзалиятноки фаъолияти мақомоти иҷроияи ҳокимияти давлатии вилоят ба шумор рафта, таваҷҷӯҳ ба мустаҳкам намудани базаи моддию техникӣ, тарзи ҳаёти солим ва тарғиби васеи он байни қишрҳои ҷомеа торафт меафзояд.

Имрӯз дар вилоят 2523 иншооти варзишӣ, аз ин 45 варзишгоҳ, 1721 майдончаи варзишӣ, 545 толори варзишӣ, 31 ҳавзи шиноварӣ, 181 маҷмаа ва иншооти махсуси варзишӣ фаъолият доранд ва ҷавонону наврасон аз он ба таври васеъ истифода менамоянд.

Дар натиҷаи амалишавии барномаҳои соҳавӣ ва тадбирандешиҳои мақомоти иҷроияи ҳокимияти давлатии вилоят соли равон дар шаҳру ноҳияҳо 42 иншооти варзишӣ, аз ҷумла 5 толори варзишӣ ва 37 майдончаи варзишӣ ба маблағи беш аз 10​ миллион сомонӣ мавриди истифода қарор дода шуд.

Бо мақсади ҷалби наврасону ҷавонон ба варзиш дар вилоят 43 мактабҳои варзишӣ амал менамоянд, ки аз ин 1 мактаби маҳорати олии варзишии вилоят, 1 мактаби варзишии вилоят, 9 мактаби махсуси варзишӣ, 1 мактаби махсуси варзишии захираҳои олимпӣ, 28 мактабҳои варзишӣ дар шаҳру ноҳияҳо ва 3 мактабҳои варзишӣ дар тобеияти Иттифоқҳои касабаи мустақил ва ташкилоти ҷамъиятии “Ҳосилот” мебошад.

Имсол бо мақсади тарғиби тарзи ҳаёти солим, оммавигардонии варзиш, қавитар намудани робитаи дӯстӣ байни варзишгарон ва бо ин васила дарёфти беҳтарин варзишгарони вилоят нахустин маротиба мусобиқаҳои кушоди вилоятӣ барои дарёфти Ҷоми Раиси вилояти Суғд дар 8 шаҳру ноҳияи вилоят ташкил ва баргузор гардид. Дар ин мусобиқаҳо зиёда аз 1200 нафар варзишгарон, ки аз он 250 нафар варзишгарони ҷумҳуриҳои Ӯзбекистон, Қазоқистон, Қирғизистон ва Туркманистон мебошанд, ширкат варзиданд.

Таъсиси Стипендияи Раиси вилояти Суғд барои 49 нафар варзишгарони беҳтарини вилоят, қадршиносии варзишгарон, иштироки дастаҳои футболи вилоят дар лигаи олӣ ва лигаи якуми мамлакат, баргузории мусобиқаҳои вилоятиву минтақавӣ ва маҳаллӣ, таъмини иштироки дастаҳои мунтахаби вилоят дар чемпионатҳои ҷумҳурӣ ва мусобиқаҳои байналмилалию ҷаҳонӣ аз он дарак медиҳад, ки рушди соҳаи варзиш таҳти таваҷҷӯҳи доимӣ қарор доранд.

Дар ҷавоб ба чунин ғамхориҳо варзишгарони вилоят аз оғози сол то имрӯз дар 59 мусобиқаи ҷумҳуриявӣ ва чемпионатҳои Ҷумҳурии Тоҷикистон иштирок ва ба гирифтани 398 медали тилло, 250 медали нуқра ва 239 медали биринҷӣ шарафёб гардиданд.

Дар мусобиқаҳои байналмилалӣ бошад 397 нафар варзишгарони вилоят иштирок карда, 231 медал, аз ҷумла 94 медали тилло, 55 медали нуқра ва 82 медали биринҷиро соҳиб шуданд.

Изҳори боварӣ карда шуд, ки варзишгарон ҷиҳати рушди соҳаи варзиш беш аз пеш талош намуда, Ватани азизамонро дар арсаи ҷаҳон муаррифӣ ва обрӯи мардуми сарбаланди тоҷикро минбаъд низ баланд мебардоранд.

Сипас, ба як қатор варзишгарон, мураббиёни беҳтарин ва фаъолони соҳаи варзиш Сипосномаи мақомоти иҷроияи ҳокимияти давлатии вилоят тақдим гардид.

Хадамоти матбуоти

Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд 10 август – Рӯзи варзишгарон. Дар вилояти Суғд беш аз 2500 иншооти варзишӣ мавриди истифода қарор дорад