Хабарҳо
Президенти Ҷумҳурии Тоҷикистон Эмомалӣ Раҳмон бо Сарвазири Ҷумҳурии Корея Ли Нак Ён мулоқот намуданд - 17.07.2019 09:19
Суғд: Дар нимсолаи якуми соли равон 1429 иншооти ҷашнӣ мавриди истифода қарор гирифт - 16.07.2019 09:02
Мастчоҳ. Иҷроиши нақшаи андозҳо 102,8 фоиз таъмин гашт - 16.07.2019 08:45
Ҷаласаи фаъолони вилоят оид ба ҷамъбасти натиҷаҳои рушди иқтисодиву иҷтимоии вилоят дар нимсолаи якуми соли 2019 - 16.07.2019 08:34
Ҳаҷми истеҳсоли маҳсулоти кишоварзӣ дар Конибодом ба 149 млн. 519,6 ҳазор сомонӣ баробар гардид - 15.07.2019 10:45
Ифтитоҳи Маркази савдои "Корвон-Плаза" дар шаҳри Бӯстон - 15.07.2019 10:33
Хуҷанд. Ба маблағи 93,3 миллион сомонӣ маҳсулоти саноатӣ содирот шуд - 15.07.2019 10:30
Дар шаҳри Бӯстон 43 иншооти ҷашнӣ ба истифода дода шуд - 12.07.2019 16:14
Пешвои миллат Эмомалӣ Раҳмон аз Боғи «Чашмаи Нуқра»-и ноҳияи Данғара дидан карданд - 12.07.2019 16:05
Ашт. Ба маблағи 93 млн. 382 ҳазор сомонӣ маҳсулоти саноатӣ истеҳсол гардид - 12.07.2019 15:43

Шиносоии Раиси вилоят бо рафти бунёди гармхонаи гидропоникӣ-инноватсионӣ дар ноҳияи Спитамен

( 0 Овоз )
  • Пешина
  • 1 of 2
  • Минбаъда

Аъзои хоҷагии деҳқонии “Дӯстобод-2” дар ноҳияи Спитамен тасмим доранд то соли 2021 чор гармхонаи гидропоникӣ-инноватсиониро бунёд намуда, дар онҳо парваришу истеҳсоли помидор, бодиринг, қаланфур ва бананро ба роҳ монанд.

24 июн Раиси вилояти Суғд Раҷаббой Аҳмадзода зимни сафари кории худ ба ноҳияи Спитамен дар Ҷамоати деҳоти Тағояк бо ҷараёни сохтмони гармхонаи гидропоникӣ-инноватсионӣ шинос шуд.

Гармхонаи гидропоникӣ-инноватсионӣ бо ташаббуси роҳбарияти хоҷагии деҳқонии “Дӯстобод-2” дар масоҳати як гектар бунёд шуда истодааст. Чуноне иттилоъ дода шуд, дар гармхонаи бунёдшаванда аз 25 то 30 ҳазор дона кӯчати помидор шинонида шуда, тибқи пешбиниҳо дар як сол ду маротиба ҳосил гирифта мешавад. Дар марҳилаи аввали ҳосилгирӣ, ки ба моҳи декабр рост меояд, аз гектар гармхона 100 - 120 тонна ва дар марҳилаи дуюм, ки ба моҳи март рост меояд, боз ҳамин миқдор ҳосил, яъне дар маҷмуъ 200-240 тонна помидор рӯёнида мешавад.

Роҳбарияти хоҷагӣ нақша дорад, ки дар доираи корҳои ободонӣ ба истиқболи 30-солагии Истиқлолияти давлатии Ҷумҳурии Тоҷикистон то соли 2021 марҳила ба марҳила дар масоҳати чор гектар чор гармхонаи гидропоникӣ-инноватсионӣ бунёд намуда, дар онҳо парвариши помидор, бодаринг, қаланфур ва бананро ба роҳ монад. Гармхонаи якум соли равон мавриди истифода қарор мегирад ва дар он парвариши помидор ба роҳ монда мешавад. Ду гармхонаи дигар барои парвариши бодарингу қаланфур соли 2020 ва гармхонаи чорум барои парвариши банан соли 2021 ба истифода дода мешавад.

Раиси вилоят Раҷаббой Аҳмадзода ташаббуси аъзои хоҷагиро, ки бо истифода аз таҷрибаҳои пешқадам ба бунёди гармхонаҳои замонавӣ камари ҳиммат бастаанд, шоистаи пайравӣ барои дигар хоҷагидорон арзёбӣ кард. Дар ин самт дастур дода шуд, ки барои ташкили чунин гармхонаҳо дар дигар минтақаҳои вилоят низ бояд тадбирҳои зарурӣ андешида шаванд.

Хадамоти матбуоти

Раиси вилояти Суғд



Шарҳ додан


Защитный код
Нав кардан

ШУМО ДАР: Навиди Суғд Шиносоии Раиси вилоят бо рафти бунёди гармхонаи гидропоникӣ-инноватсионӣ дар ноҳияи Спитамен