Хабарҳо
Раҷаббой Аҳмадзода ба ғолибони озмунҳои вилоятӣ беш аз 137 000 сомонӣ мукофотпулиҳо тақдим кард - 17.01.2020 16:06
Қадршиносии ғолибони озмуни вилоятии “Беҳтарин хонандаи китобҳои бадеӣ дар соли 2019” - 17.01.2020 16:02
Ба Ғолибони озмуни вилоятии “Ихтироъкорон ва навоварони ҷавони вилоят” 25000 сомонӣ мукофотпулӣ дода шуд - 17.01.2020 16:00
Ба маблағи 20,1 млн. сомонӣ 1481 адад таҷҳизот ва лавозимоти тиббӣ харидорӣ гардид - 17.01.2020 13:27
Соли 2019 барои фаъолияти муназзами пойгоҳҳои обкашӣ ва иншооти обрасон 5,4 млн. сомонӣ ҷудо карда шуд - 17.01.2020 11:19
Боздиди кории Раиси вилоят Раҷаббой Аҳмадзода аз ноҳияи Бобоҷон Ғафуров - 17.01.2020 10:54
Мулоқоти Раиси вилоят бо роҳбари ширкати «ТВЕА Душанбе саноати кӯҳӣ» Юан Син Мин - 16.01.2020 10:47
Сафари кории Раиси Раёсати умумии амнияти миллии Ҷумҳурии Исломии Афғонистон ба Ҷумҳурии Тоҷикистон - 15.01.2020 21:45
Маросими муаррифии иҷрокунандаи вазифаи раиси ноҳияи Мастчоҳ - 15.01.2020 16:48
Президенти мамлакат Эмомалӣ Раҳмон истгоҳи обполоиро дар КВД «Обу корези Душанбе» ифтитоҳ намуданд - 15.01.2020 12:43

Шиносоии Сарвазири Ҷумҳурии Тоҷикистон Қоҳир Расулзода бо рафти барқарорсозии оқибатҳои офати табиӣ дар Конибодом

( 0 Овоз )

Рӯзи якшанбеи 23 июн Сарвазири Ҷумҳурии Тоҷикистон Қоҳир Расулзода ва Раиси вилояти Суғд Раҷаббой Аҳмадзода ба шаҳри Конибодом сафар намуда, бо рафти барқарорсозии оқибатҳои офати табиӣ шинос гардиданд.

Сарвазири мамлакат ва Раиси вилоят дар ин рӯз аз минтақаҳои аз офати табиӣ зарардида боздид намуда, бо сокинон суҳбату мулоқотҳо анҷом доданд. Зимни суҳбатҳо таъкид карда шуд, ки пас аз рух додани ҳодисаи табиӣ бо дастури Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон фавран ситоди корӣ ташкил карда шуда, зарардидагон бо се маҳал хуроки гарм ва лавозимоти зарурии рӯзгор таъмин гардиданд.

Барои бартарафсозии оқибатҳои офати табиӣ ва тоза кардани манзилҳои истиқоматии сокинон аз лойу об сарбозони қисмҳои низомӣ, кормандони ташкилоту идораҳо ва ихтиёрирон ҷалб гардида, дар муддати як ҳафта манзилҳои сокинон аз лойу об тоза карда шуд.

Чуноне иттилоъ дода шуд, то имрӯз ба минтақаҳои осебдида хатти барқ кашида шуда, хонаҳои сокинон дубора бо рушноӣ таъмин гардид. Дар доираи корҳои бартарафсозӣ ҳамчунин роҳҳо, селроҳаҳо тоза карда шуда, 300 метр қубурҳои обгузар хобонида шудааст.

Ёдовар мешавем, ки шаби дуюми июн бар асари боришоти зиёди борон дар бархе минтақаҳои шаҳри Конибодом, аз ҷумла Ҷамоати ба номи Ғафурҷон Ортиқов ва кӯчаи Бобокалонови шаҳр сел омад ва офати табиӣ ба хоҷагии халқи шаҳр зиёни худро расонид. Тибқи иттилои масъулин дар натиҷаи боришоти зиёди пай дар пай ва омадани сел дар маҷмуъ 95 хонаи сокинони минтақаҳои зикршуда зарар дидааст.

Тозасозии манзилҳои сокинон аз лойу об ба итмом расида, айни замон корҳои таъмиру барқарорсозии манзилҳои зарардида ҷараён дорад.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Шиносоии Сарвазири Ҷумҳурии Тоҷикистон Қоҳир Расулзода бо рафти барқарорсозии оқибатҳои офати табиӣ дар Конибодом