Хабарҳо
Масъулини шаҳри Гулистон аз аҳолӣ даъват намуданд, ки​ қоидаҳои беҳдоштиву санитариро риоя намоянд - 04.06.2020 14:33
Раҷаббой Аҳмадзода тарбиятгирандагони Мактаб-интернати Мақомоти иҷроияи ҳокимияти давлатии вилояти Суғдро аёдат намуд - 01.06.2020 18:41
Паёми табрикии Раиси вилоят ба муносибати Рӯзи байналмилалии муҳити зист - 04.06.2020 11:55
НИҚОБ ПӮШЕД, ФОСИЛАИ БАЙНИ ЯКДИГАРРО РИОЯ НАМОЕД! Муроҷиатномаи Ситоди ҷумҳуриявӣ оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии сирояти коронавируси COVID-19 дар Ҷумҳурии Тоҷикистон - 04.06.2020 11:47
Бозори марказии «Панҷшанбе» ва атрофи он безарар гардонида шуд - 04.06.2020 11:45
Сокинони шаҳри Бӯстон имкон доранд​ маҳлули​ хлорро ба таври ройгон​ дастрас намоянд - 04.06.2020 11:42
САВГАНД БА ВАТАН: Чорабинӣ дар қисми ҳарбии Кумитаи ҳолатҳои фавқулода дар вилояти Суғд - 04.06.2020 10:36
Шиносоии Раиси вилоят бо ҷараёни бунёдкориҳо дар Ҷамоати деҳоти Хистеварз - 01.06.2020 15:59
Шиносоии Раиси вилоят бо рафти сохтмони Беморхонаи сироятии Ҷамоати деҳоти Хистеварз - 01.06.2020 16:01
Шиносоӣ бо сохтмони майдони Парчами давлатии Ҷумҳурии Тоҷикистон - 01.06.2020 16:02

Пойгоҳи обкашии “Деҳмой-1” бо 400 000 сомонӣ аз таъмир бароварда шуд

( 0 Овоз )

9 июни соли равон Раиси вилояти Суғд Раҷаббой Аҳмадзода ҷиҳати шиносоӣ бо ҷараёни корҳои саҳроӣ ва рафти корҳои ободонию созандагӣ ба ноҳияи Ҷаббор Расулов сафар кард.

Зимни сафар Раиси вилоят аз пойгоҳи обкашии “Деҳмой-1” боздид намуд. Тавре иттилоъ дода шуд, бо мақсади таъмини кишоварзон бо оби полезӣ ва дубора ба гардиши кишоварзӣ даровардани заминҳову ба ин васила зиёд намудани ҳаҷми истеҳсоли маҳсулоти кишоварзӣ бо дастгирии роҳбарияти вилоят барои азнавсозии пойгоҳи мазкур 400 000 сомонӣ ҷудо гардид.

Дар натиҷа пойгоҳи обкашии “Деҳмой-1”, аз ҷумла бинои иншооти обрасонӣ ва агрегатҳои он дар як муддати кутоҳ аз таъмир бароварда шуда, ба масофаи 300 метр қубурҳои нав хобонида шуд. Айни замон тавассути ин пойгоҳ садҳо гектар заминҳои ноҳияҳои Ҷаббор Расулову Бобоҷон Ғафуров обёрӣ гардида, деҳқонон бо дили гарм ба парваришу нигоҳубини зироатҳо машғул мебошанд.

Раиси вилоят дар аснои боздид таъкид дошт, ки таъмини саривақтии кишоварзон бо оби полезӣ гарави фаровонҳосилӣ буда, масъулинро зарур аст, ки фаъолияти мунназами пойгоҳҳои обкаширо таъмин созанд.

Сипас, Раиси вилоят дар хоҷагии деҳқонии ба номи Ҳасанбой Салимови ноҳия нашъунамои пахтаро мушоҳида намуд. Чуноне ба Раиси вилоят иттилоъ доданд, саҳмдорони ин хоҷагӣ имсол дар 11 гектар пахта кишт карда, ният доранд, ки ҳосили хуб ба даст оваранд. Деҳқонони хоҷагӣ имсол ҳамчунин 3 гектар гандум, 3 гектар пиёз, 1 гектар беда ва 1 гектар тухми пиёз кишт намудаанд.

Раиси вилоят бо кишоварзон суҳбат намуда, аз онҳо даъват намуд, ки ҳар як ваҷаб заминро самаранок истифода бурда, ҷиҳати рӯёнидани ҳосили баланд аз имкониятҳои мавҷуда самранок истифода намоянд.

Хадамоти матбуоти
Раиси вилояти Суғд







Шарҳ додан


Защитный код
Нав кардан

ШУМО ДАР: Навиди Суғд Пойгоҳи обкашии “Деҳмой-1” бо 400 000 сомонӣ аз таъмир бароварда шуд