Хабарҳо
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд - 03.07.2020 11:59
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд - 03.07.2020 13:05
Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд - 01.07.2020 10:16
Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд - 01.07.2020 10:19
Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд - 01.07.2020 10:22
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Сирдарё» шинос шуданд - 02.07.2020 07:56
Сарвари давлат Эмомалӣ Раҳмон дар шаҳри Хуҷанд Маркази савдою хизматрасониро ифтитоҳ ва ба ятимон туҳфаҳо тақдим карданд - 02.07.2020 07:57
Президенти мамлакат Эмомалӣ Раҳмон марҳилаи аввали «Хати обрасонӣ аз чашмаи Деҳмойи ноҳияи Ҷаббор Расулов ба шаҳри Хуҷанд»-ро ба истифода доданд - 02.07.2020 07:58
Пешвои миллат Эмомалӣ Раҳмон дар шаҳри Хуҷанд корхонаи дӯзандагии ҶДММ «Суғдиён»-ро ифтитоҳ намуданд - 02.07.2020 08:52

Шоҳҷоизаи Фестивали вилоятии «Атласу адрас» - ро тарроҳ Бердиева Орзугул соҳиб шуд

( 2 Овоз )

30 май дар Театри давлатии мазҳакаи мусиқии ба номи Камоли Хуҷандии маркази вилоят бо иштироки муовини Раиси вилоят Назира Ғаффорӣ, сардори раёсати кор бо занон ва оилаи вилоят Нигора Ғаффорзода, намояндагони шаҳру ноҳияҳо, фаъолзанон, тарроҳону дӯзандагон Фестивали вилоятии «Атласу адрас» баргузор гардид.

Фестивали мазкур бахшида ба “Солҳои рушди деҳот, сайёҳӣ ва ҳунарҳои мардумӣ”, инчунин бо мақсади рушди соҳаи саноати сабук, аз ҷумла ривоҷу равнақ бахшидан ба истеҳсоли матоъҳои атласу адрас, тарғиби либосҳои аз матои табиӣ омодашуда бо истифодаи услубҳои миллии дӯзандагӣ, рушди меҳнати хонагӣ, баланд бардоштани завқи либоспӯшии миллӣ ва зебоипарастӣ доир гардида, дар он тарроҳону дӯзандагони беҳтарини вилоят иштирок намуданд.

Фестивал аз рӯи бахшҳои “Беҳтарин либоси кӯдакона”, “Беҳтарин либоси расмӣ”, “Беҳтарин либоси рӯзмарра”, “Беҳтарин либоси идона”, “Беҳтарин офариниши нақшу нигори атласу адрас аз ҷониби рассомон” “Беҳтарин матои атлас” ва “Беҳтарин матои адрас” ҷараён гирифт ва ҳайати ҳакамон пероҳанҳои тарроҳонро аз рӯи зебогӣ (намуди эстетикӣ) ва дизайни либос, нотакрорӣ ва ғайримуқаррарӣ, ҳалли тобиш ва обуранг, истифодаи ҳунарҳои гулдӯзии дастӣ ва қуроқдӯзӣ, интихоби ашёҳои ороишӣ баҳогузорӣ карданд.

Ҳамин тариқ, дар бахши «Беҳтарин либоси кӯдакона» ҷойи якум насиби Ҷалолова Ҳанифа, ҷойи дуюм насиби Самадова Биҳанифа, ҷойи сеюм насиби Аҳророва Амонҷон гардид.​

Дар бахши «Беҳтарин либоси расмӣ» ҷойҳои якум, дуюм ва сеюмро Нурбоева Зебо, Норчаева Саодат ва Каримова Дилафрӯз соҳиб шуданд. Мақомҳои ифтихории бахши «Беҳтарин либоси рӯзмарра»-ро Ашӯрматова Каромат, Масобирова Машҳура, Муҳаммадиева Зиёда ишғол намуданд.

Сабурова Мамлакат, Ниёзова Матлуба ва Раҳматова Маърифат ғолибони бахши «Беҳтарин либоси идона» дониста шуданд.

Рассом ва ҳунарманд Орифова Иноят ғолиби бахши “Беҳтарин офариниши нақшу нигори атласу адрас аз ҷониби рассом” эълон гардида, дар бахши “Беҳтарин матои адрас” Маркази таълимӣ-истеҳсолии адрасбофӣ ба номи Зулфия Баҳриддинова ва дар бахши “Беҳтарин матои атлас” ҶДММ “Атласи Хуҷанд” пирӯз гардиданд.

Шоҳҷоизаи Фестивали вилоятии «Атласу адрас» - ро тарроҳ Бердиева Орзугул ба даст овард.

Дар вазъияти тантанавӣ ба ғолибони фестивал аз 800 то 1500 сомонӣ ва ба барандаи Шоҳҷоиза 3000 сомонӣ мукофотпулӣ тақдим карда шуд.

Хадамоти матбуоти

Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Шоҳҷоизаи Фестивали вилоятии «Атласу адрас» - ро тарроҳ Бердиева Орзугул соҳиб шуд