Хабарҳо
Раҷаббой Аҳмадзода ба ғолибони озмунҳои вилоятӣ беш аз 137 000 сомонӣ мукофотпулиҳо тақдим кард - 17.01.2020 16:06
Қадршиносии ғолибони озмуни вилоятии “Беҳтарин хонандаи китобҳои бадеӣ дар соли 2019” - 17.01.2020 16:02
Ба Ғолибони озмуни вилоятии “Ихтироъкорон ва навоварони ҷавони вилоят” 25000 сомонӣ мукофотпулӣ дода шуд - 17.01.2020 16:00
Ба маблағи 20,1 млн. сомонӣ 1481 адад таҷҳизот ва лавозимоти тиббӣ харидорӣ гардид - 17.01.2020 13:27
Соли 2019 барои фаъолияти муназзами пойгоҳҳои обкашӣ ва иншооти обрасон 5,4 млн. сомонӣ ҷудо карда шуд - 17.01.2020 11:19
Боздиди кории Раиси вилоят Раҷаббой Аҳмадзода аз ноҳияи Бобоҷон Ғафуров - 17.01.2020 10:54
Мулоқоти Раиси вилоят бо роҳбари ширкати «ТВЕА Душанбе саноати кӯҳӣ» Юан Син Мин - 16.01.2020 10:47
Сафари кории Раиси Раёсати умумии амнияти миллии Ҷумҳурии Исломии Афғонистон ба Ҷумҳурии Тоҷикистон - 15.01.2020 21:45
Маросими муаррифии иҷрокунандаи вазифаи раиси ноҳияи Мастчоҳ - 15.01.2020 16:48
Президенти мамлакат Эмомалӣ Раҳмон истгоҳи обполоиро дар КВД «Обу корези Душанбе» ифтитоҳ намуданд - 15.01.2020 12:43

Баргузории конференсияи ҷумҳуриявии “Муаммо ва дурнамои ташаккули салоҳияти касбӣ-педагогии омӯзгори оянда”дар ДДХ

( 0 Овоз )

Дар Донишгоҳи давлатии Хуҷанд ба номи академик Бобоҷон Ғафуров конференсияи илмӣ-амалии ҷумҳуриявӣ таҳти унвони “Муаммо ва дурнамои ташаккули салоҳияти касбӣ-педагогии омӯзгори оянда” бахшида ба "Солҳои рушди деҳот, сайёҳӣ ва ҳунарҳои мардумӣ” ва 30-солагии Истиқлолияти давлатии Ҷумҳурии Тоҷикистон баргузор гашт.

Дар конфронс устодони Донишгоҳи славянии Русия ва Тоҷикистон, Донишгоҳи давлатии ҳуқуқ, бизнес ва сиёсати Тоҷикистон, Донишгоҳи давлатии тиҷорати Тоҷикистон, Донишгоҳи давлатии Кӯлоб ба номи Абӯабдуллоҳ Рӯдакӣ, Академияи таҳсилоти Тоҷикистон, Донишкадаи иқтисод ва савдои Донишгоҳи давлатии тиҷорати Тоҷикистон, Донишгоҳи давлатии молия ва иқтисоди Тоҷикистон, Донишгоҳи давлатии омӯзгории Тоҷикистон ба номи Садриддин Айнӣ, Донишкадаи омӯзгории Тоҷикистон дар шаҳри Панҷакент, Донишкадаи политехникии Донишггоҳи техникии Тоҷикистон ба номи академик М. Осимӣ, Донишгоҳи давлатии Хуҷанд ба номи академик Бобоҷон Ғафуров ва ғайра ширкат варзиданд.

Конфронсро ректори донишгоҳ Ҷамшед Ҷӯразода ифтитоҳ бахшид ва сипас мудири шуъбаи рушди иҷтимоӣ ва робита бо ҷомеаи дастгоҳи Раиси вилояти Суғд Тоҷибой Султонзода суханронӣ намуд. Мавсуф баргузории конфронсро амри муҳим ва саривақтӣ маънидод карда, зикр дошт, ки баргузории чунин конференсияҳо аз як тараф барои муттаҳид сохтани иқтидори нерӯи илмии кишвар мусоидат намояд, аз ҷониби дигар баҳри баланд бардоштани маҳорат ва малакаи фаъолияти омӯзгорӣ замина фароҳам меоварад.

Баъдан ширкаткунандагон доир ба зарфияти низоми салоҳиятнокӣ ва ташакули касбӣ-педагогии омӯзгорони оянда табодули афкор намуданд.

Конференсияи мазкур бо фарогирии 60 мақолаи устодони муассисаҳои олии кишвар бо забони тоҷикӣ ва русӣ дар 5 бахш дар факултетҳои Донишгоҳи давлатии Хуҷанд ба номи академик Бобоҷон Ғафуров ҷараён гирифт.

Дар бахшҳо масоили “Татбиқи низоми таълими салоҳиятнокӣдар омодагии касбии омӯзгори оянда”, “Анъанаҳо ва навгониҳо дар ташаккули салоҳияти касбии омӯзгори оянда”, “Муаммоҳои таълим ва тарбияи насли наврас дар низоми таҳсилоти умумӣ”, “Назария ва методикаи таълими силсилаи фанҳои тахассусӣ” ва “Истифодаи технологияи иттилоотӣ ва имконияти тарбиявии раванди таълим дар омодагии касбии омӯзгори оянда” аз ҷониби устодони соҳибтаҷриба мавриди баррасӣ қарор дода шуд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Баргузории конференсияи ҷумҳуриявии “Муаммо ва дурнамои ташаккули салоҳияти касбӣ-педагогии омӯзгори оянда”дар ДДХ