Хабарҳо
Ворух – не анклав - 17.09.2019 00:05
ВАРШАВА ОБСЕ. 16.09.2019. Суханронии намояндаи Анҷумани ҷавонони тоҷики Россия дар конфронси САҲА - 16.09.2019 23:37
ВАРШАВА ОБСЕ. 16.09.2019. Суханронии намояндаи Анҷумани ҷавонони тоҷики Россия дар конфронси САҲА - 16.09.2019 23:33
Statement by the Press Center of the Border Troops of the State Committee for National Security of Tajikistan - 16.09.2019 22:31
Statement by the Press Center of the Border Troops of the State Committee for National Security of Tajikistan - 16.09.2019 22:31
Заявление Пресс-центра Пограничных войск Государственного комитета национальной безопасности Республики Таджикистан - 16.09.2019 21:25
Изҳороти Маркази матбуоти Қушунҳои Сарҳадии КДАМ Ҷумҳурии Тоҷикистон - 16.09.2019 21:08
Оғози мумфаршкунии роҳи кӯчаҳои Ваҳдат, Камоли Ҳуҷандӣ, Абӯалӣ ибни Синои Ҷамоати шаҳраки Палос - 16.09.2019 16:51
Кӯдакистон, бунгоҳи тиббӣ ва утоқҳои нозирони минтақавии Ҷамоати шаҳраки Палос аз таъмири куллӣ бароварда шуд - 16.09.2019 16:39
Суханрони намояндаи Ҳукумати Ҷумҳури Тоҷкистон да САҲа - 16.09.2019 15:45

Таҷлили Рӯзи ҷавонони Тоҷикистон дар вилояти Суғд

( 0 Овоз )

Бегоҳии рӯзи 23 май дар майдони назди Театри давлатии мазҳака ва мусиқии ба номи Камоли Хуҷандии маркази вилоят маросими ҷамъбастии чорабиниҳои Рӯзи ҷавонони Тоҷикистон баргузор гардид.

Чорабинии ҷамъбастии идона бо роҳпаймоии ҳазорон нафар ҷавонони фаъол оғоз ёфт. Ҷавонон аз Маҷмааи таърихию фарҳангии “Истиқлол” то назди Театри давлатии мазҳака ва мусиқии ба номи Камоли Хуҷандӣ роҳпаймоӣ намуда, дар макони баргузории чорабинӣ сарҷамъ шуданд.

Раиси вилояти Суғд Раҷаббой Аҳмадзода зимни суханронии худ кулли ҷавононро ба муносибати Рӯзи ҷавонони Тоҷикистон табрик гуфта, ба онҳо рӯзгори хушу хуррам, сиҳатмандӣ, хушиқболӣ ва дар иҷрои мақсаду ниятҳои нек дастоварду муваффақиятҳо орзу намуд.

-Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон мўҳтарам Эмомалӣ Раҳмон ҷавононро нерўи тавонои созанда ва пешбарандаи ҳамаи соҳаҳои ҳаёти мамлакат меҳисобанд ва ҳалли мушкилоту масъалаҳои вобаста ба зиндагӣ ва таҳсилу фаъолияти онҳоро ҳамчун самти афзалиятноки сиёсати иҷтимоии  давлат ва ҳукумати мамлакат муайян намудаанд.

Маҳз чунин сиёсати ҷавонпарваронаи Пешвои муаззами миллат ва таваҷҷўҳи Ҳукумати Ҷумҳурии Тоҷикистон ба насли ҷавон аст, ки дар замони Истиқлолияти давлатӣ дар ҷаҳонбинӣ ва назару андешаи ҷавонон таҳаввулоти куллӣ ба вуҷуд омада, имрўз гуфтору рафтор, одобу ахлоқ ва муносибати онҳо ба зиндагӣ бамаротиб беҳтар гардидааст ва ҷавонони мо ҳоло дар корҳои давлативу ҷамъиятӣ саҳми сазовор гузошта истодаанд. Дар ҳалли масъалаҳои ҳаётан муҳим, аз ҷумла таҳкими пояҳои давлатдорӣ, рушди муназзаму устувори ҳамаи соҳаҳои иқтисоди миллӣ, бунёди роҳҳо ва нақбу пулҳо, нерўгоҳҳои хурду бузург, сохтмони иншооти иҷтимоӣ ва умуман дар раванди пешрафту ободонии кишварамон нақш ва саҳми ҷавонон басо арзишманд мебошад,-иброз дошт Раиси вилоят.

Зикр гардид, ки Мақомоти иҷроияи ҳокимияти давлатии вилоят низ бо мақсади дастгирии ҷавонони боистеъдод, ватандӯсту соҳибмаърифат ва худогоҳу хештаншинос бо таъсис додани стипендия ва грантҳои Раиси вилоят, ҷоизаю мукофотҳои соҳавӣ барои ғолибону фаъолон тадбирҳои муассир меандешад. Аз ҷумла, барои дар сатҳи баланди сиёсию фарҳангӣ, оммавию варзишӣ, тарбиявию ахлоқӣ таҷлил намудани Рӯзи ҷавонони Тоҷикистон қарорҳои дахлдори Раиси вилоят ба тасвиб расида, дар асоси он дар тамоми шаҳру ноҳияҳои вилоят силсилаи чорабиниҳо бо шумули мусобиқаҳои кушоди вилоятӣ барои дарёфти Ҷоми Раиси вилояти Суғд гузаронида шуданд.

Баҳри иҷрои қарорҳои дахлдори Ҳукумати Ҷумҳурии Тоҷикистон ва дастгирии ҷавонон дар вилоят Барномаи миллии рушди иҷтимоии ҷавонон барои солҳои 2016-2018 ва барои солҳои 2019-2021, Барномаи вилоятии тарбияи ватандўстӣ ва таҳкими ҳувияти миллии ҷавонон барои солҳои 2019-2022, Барномаи маҳаллии маҷмўии рушди тарбияи ҷисмонӣ ва варзиш барои солҳои 2017-2021, Барномаи маҳаллии рушди футбол барои солҳои 2017-2021 қабул гардида, дар маҷмўъ барои амалишавии ин барномаҳо дар соли 2018-ум 1 миллиону 54 ҳазор сомонӣ ва барои соли ҷорӣ 1 миллиону 604 ҳазор сомонӣ ҷудо гардидааст.

Қайд карда шуд, ки бо мақсади дастгирии ҷавонон ва пешбурди сиёсати давлатии ҷавонон қабул гардидани  қарорҳои Раиси вилоят “Дар бораи таҷлили Рўзи ҷавонони Тоҷикистон дар вилояти Суғд таҳти унвони “Ҷавонон – пайрави Пешвои миллат!”, «Дар бораи ташкил ва гузаронидани Ҳафтаи иштироки донишҷўёни муассисаҳои таҳсилоти олии касбии вилоят дар идоракунии мақомоти иҷроияи ҳокимияти давлатии вилояти Суғд» ва «Дар бораи муқаррар намудани стипендияи Раиси вилояти Суғд барои солҳои хониши 2018-2019», инчунин баргузории ҷаласаи Шўрои кор бо ҷавонони назди Раиси вилоят, конференсияи илмии “Ҷавонон муаррифгари фарҳанги миллӣ ва эҳёгарони ҳунарҳои мардумӣ”, иштироки фаъолонаи ҷавонон дар Ҳафтаи иштироки донишҷўён дар идоракунии Мақомоти иҷроияи ҳокимияти давлатии вилояти Суғд, маросими тақдими стипендияҳои Раиси вилоят ба донишҷўёну магистрантон ва аспирантони макотиби олии вилоят, боварӣ дорам, ки бевосита баҳри баланд бардоштани самаранокии татбиқи сиёсати давлатии ҷавонон, тақвият бахшидани фаъолият дар самти тарбияи ватандўстӣ, маънавию ҷисмонии ҷавонон, инкишофи ҳисси ватанпарастӣ ва муҳаббати онҳо нисбат ба Ватан, таҳкими истиқлолияту ободии Ватан мусоидат хоҳад намуд.

Раиси вилоят ҳамзамон аз ҷавонон даъват кард, ки дар шароити пурҳаводиси ҷаҳони имрӯз доимо зираку ҳушёр ва ба ҳимояи манфиатҳои халқи тоҷик ва давлати тоҷикон тайёр бошанд.

Сипас, аз ҷониби аҳли фарҳанги вилоят барномаи рангини консертӣ пешниҳоди иштирокдорони чорабинӣ гардид ва ҷавонон то дергоҳ зери суруду таронаҳои тоҷикона шодмонӣ намуданд. Мушакпарронии идона бошад ба чорабинӣ хотима бахшид.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Таҷлили Рӯзи ҷавонони Тоҷикистон дар вилояти Суғд