Хабарҳо
Иштироки Пешвои миллат Эмомалӣ Раҳмон дар Анҷумани ХIII Ҳизби Халқии Демократии Тоҷикистон - 13.12.2019 18:02
Панҷакент. Авҷи корҳои созандагӣ дар иншооти ҷашнӣ - 13.12.2019 14:31
Нишасти 178-умини маҳфили илмиву адабии “Ганҷи сухан” ба 80-солагии нависанда Баҳром Фирӯз бахшида шуд - 13.12.2019 10:59
Дар шаҳри Конибодом дар мавзӯи «Занон ва интихобот» ҳамоиш гузаронида шуд - 11.12.2019 15:40
Вакилони Маҷлиси вакилони халқи шаҳри Хуҷанд масъалаҳои ташкили комиссияи шаҳрии интихобот ва миқдори ҳавзаҳои ҳудудии интихоботиро баррасӣ карданд - 11.12.2019 13:24
Дар шаҳри Бӯстон 30 ҳавзаи ҳудудии интихобот таъсис дода мешавад - 11.12.2019 13:22
Ҷаласаи навбатии кумитаи тадорукот оид ба ҷашн гирифтани 5500 – солагии Саразми бостонӣ - 11.12.2019 13:12
Барои интихоботи Маҷлиси вакилони халқи вилояти Суғд 70 ҳавзаи интихоботӣ таъсис дода мешавад - 11.12.2019 13:10
Тақдими автомашинаҳо ба пешқадамони мавсими пахтачинӣ - 10.12.2019 16:50
Таҷлили Рӯзи кормандони мақомоти молия - 10.12.2019 13:26

Дар Донишгоҳи давлатии Хуҷанд​ конференсияи дуюми магистрантон таҳти унвони “Мақоми ҷавонон дар рушди илм” баргузор гашт

( 0 Овоз )

Дар Донишгоҳи давлатии Хуҷанд ба номи академик Бобоҷон Ғафуров бахшида ба Рӯзи ҷавонон ҷаласаи ифтитоҳии конференсияи дуюми илмӣ-амалии вилоятии магистрантон таҳти унвони “Мақоми ҷавонон дар рушди илм” баргузор гашт.

Ҷаласаро ректори донишгоҳ Ҷамшед Ҷӯразода ифтитоҳ бахшида, ба магистрантон ҷиҳати анҷоми корҳои бунёдии илмӣ-тадқиқотӣ муваффақияту комгорӣ таманно намуд. Номбурда зикр дошт, ки дар партави сиёсати маорифпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти татбиқи муваффақонаи сиёсати давлатии ҷавонон раёсати Донишгоҳи давлатии Хуҷанд ба номи академик Бобоҷон Ғафуров тасмим гирифт, ки дар доираи баргузории чорабиниҳо бахшида ба Рӯзи ҷавонон конфронси магистратони ҷавони вилоятро таҳти унвони “Мақоми ҷавонон дар рушди илм” бо мақсади ҷалби ҳарчӣ бештари ҷавонон ба корҳои илмӣ–тадқиқотӣ баргузор намояд.

Ректори донишгоҳ аз дастовардҳои ҷавонон истиқбол намуда, ёдовар шуд, ки ҷавонони соҳибистеъдод ва маърифатпарвар баҳри пешрафи соҳаҳои хоҷагии халқи кишвар саҳми арзанда гузошта, баҳри татбиқи сиёсати давлату ҳукумати Тоҷикистон тамоми нерӯи зеҳниву ҷисмии худро равона намуда истодаанд.

Баъдан, магистранти курси дуюми ихтисоси географияи Донишгоҳи давлатии Хуҷанд ба номи академик Бобоҷон Ғафуров Шодмон Нурматов дар мавзӯи “Рушди сайёҳӣ ва ҳунарҳои мардумӣ – омили пешбарандаи иқтисоди кишвар”, магистранти курси якуми ихтисоси таърих Мафтуна Зунунова оид ба масъалаи “Ҳифзи ёдгориҳои таърихӣ-фарҳангии инъикоскунандаи маърифати ҷомеа” ва докторант(PhD)-и курси якуми ихтисоси информатика Набиҷон Аъзамов доир ба “Автоматикунонии раванди бақайдгирӣ - ҳозиршавии кормандон” маърӯза карданд.

Ба иттилои масъулини донишгоҳ конференсия дар 14 бахш ҷараён мегирад ва дар он 110 маърӯза шунида хоҳад шуд.

Хадамоти матбуоти

Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Дар Донишгоҳи давлатии Хуҷанд​ конференсияи дуюми магистрантон таҳти унвони “Мақоми ҷавонон дар рушди илм” баргузор гашт