Хабарҳо
Боздиди Пешвои миллат Эмомалӣ Раҳмон аз Муассисаи давлатии «Боғи миллии Ваҳдат» дар ноҳияи Бобоҷон Ғафурови вилояти Суғд - 22.08.2019 19:38
Оғози корҳои таҷдиду барқарорсозии Неругоҳи барқи обии «Қайроққум» - 23.08.2019 09:02
Пешвои миллат Эмомалӣ Раҳмон Нишони давлатии Ҷумҳурии Тоҷикистонро дар шаҳри Гулистон ифтитоҳ намуданд - 23.08.2019 09:17
Президенти мамлакат Эмомалӣ Раҳмон Муассисаи таҳсилоти томактабии хусусии «Файзбахш»-ро дар ноҳияи Ҷаббор Расулов мавриди истифода қарор доданд - 23.08.2019 09:20
Пешвои миллат Эмомалӣ Раҳмон ба 100 нафар ятими кулл дар ноҳияи Ҷаббор Расулов туҳфаҳои идона тақдим намуданд - 23.08.2019 09:23
Пешвои миллат Эмомалӣ Раҳмон ба 100 нафар ятими кулли вилояти Суғд тӯҳфаҳо тақдим намуданд - 23.08.2019 12:29
Пешвои миллат Эмомалӣ Раҳмон корхонаи коркарди равғани растании ҶДММ «ЗирвЭко»-ро мавриди истифода қарор доданд - 23.08.2019 12:28
Сарвари давлат Эмомалӣ Раҳмон корхонаи коркарди санги хоро ва мармари ҶДММ «Хорои Хуҷанд»-ро мавриди истифода қарор доданд - 23.08.2019 12:26
Президенти мамлакат Эмомалӣ Раҳмон бинои шиносномадиҳии Раёсати Вазорати корҳои дохилии Ҷумҳурии Тоҷикистон дар вилояти Суғдро ифтитоҳ намуданд - 23.08.2019 12:25
Ифтитоҳи бинои нави Шуъбаи бозрасии давлатии автомобилии Раёсати Вазорати корҳои дохилии Ҷумҳурии Тоҷикистон дар вилояти Суғд - 23.08.2019 12:23

Паёми табрикии Раиси вилоят ба муносибати Рўзи байналмилалии оила

( 0 Овоз )

Фарорасии Рўзи оиларо ба ҳамаи Шумо, сокинони шарафманди вилоят, самимона таҳният мегўям ва таманно мекунам, ки ҳамеша саодати хонаводагӣ, хушбахтиву хушрўзиҳо дар оила насибатон гардад.

Оила дар фарҳанги мардуми куҳанбунёди тоҷик ҳамчун ниҳоди муқаддас эътироф гардидааст, зеро беҳтарин арзишҳои инсонӣ аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оила ташаккул меёбанд.

Оила мактаби аввалинест, ки инсон дар он тарбият мегирад, донишу малакаи рўзгордориро аз худ мекунад, ҳамзистӣ бо атрофиёнро меомўзад ва ҳамчунин фарзандон ҳамарўза дар ин дабистоне, ки омўзгоронаш падару модар мебошанд, таълим мегиранд. Мавқеи оила дар инкишофи минбаъдаи шахсият назаррас мебошад. Агар ҳар як оила ахлоқан мустаҳкам бошад, ҳамон қадар дар ҷамъият мустаҳкамӣ ва ахлоқи баланди инсонӣ ҳукмфармо мегардад. Асосгузори сулҳи ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мавриди мақоми оила дар тарбияи фарзанд таъкид доштаанд: “Таърих гувоҳ аст, ки аз қадимулайём мардуми соҳибтамаддуни мо ба тарбияи фарзанд аҳамияти хоса зоҳир намуда, барои дар рўҳияи ватандўстиву хештаншиносӣ, донишомўзиву маърифатпарварӣ ҷавонмардиву ахлоқи ҳамида ва нангу номус ба воя расонидани фарзанди худ ҳамеша кўшиш мекард. Хусусан, ақлу идрок, ҷаҳонбинӣ ва фазилати маънавии падару модар аввалин сарчашмаест, ки дар зеҳну шуури кўдак нақши ҳамешагӣ пайдо мекунад”.

Айни замон, Ҳукумати кишвар барои давра ба давра беҳтар намудани шароити иҷтимоӣ, паст кардани сатҳи камбизоатӣ, таъмини зиндагонии шоистаи мардум, аз ҷумла фароҳам овардани муҳити хуби иҷтимоии оилаҳои ҷавон тадбирҳо андешида, барои равнақи созандагӣ ва бунёди ҷомеаи ҳуқуқбунёду демократӣ заминаи устувор фароҳам меоварад.

Мақомоти иҷроияи ҳокимияти давлатии вилоят бо истиқбол аз ин иқдомоти давлат ва Ҳукумати Тоҷикистонниз ҷиҳати таҳкими оила, бахусус оилаҳои ҷавон, тарѓибу ташвиқи тарзи ҳаёти солим, сафарбарии аҳли ҷомеа ба бунёдкорию созандагӣ, ҳамасола тадбирҳои мушаххас меандешад.

Қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, “Дар бораи масъулияти падару модар дар таълиму тарбияи фарзанд”, Қарори Ҳукумати Ҷумҳурии Тоҷикистон “Дар бораи Консепсияи рушди оила дар Ҷумҳурии Тоҷикистон” ва Барномаи давлатии “Пешгирии зўроварӣ дар оила” ҷиҳати беҳтар намудани вазъи некўаҳволии оилаҳо амал мекунанд, ки аз Конститутсияи Ҷумҳурии Тоҷикистон сарчашма гирифта, мақсад аз қабули онҳо ба масъулияти бештар ҷалб намудани волидайн дар таълиму тарбияи фарзандон, баланд бардоштани сатҳу сифати саводнокӣ ва тарбияи онҳо дар рўҳияи ватанпарастӣ, худогоҳии миллӣ ва пешгирии харҷи беҳудаю танзими ҷашну маросим мебошад.

Аз ин лиҳоз, мақоми оила дар ташаккули насли созанда ва бунёдкор назаррас буда, аз бисёр ҷиҳат ба тарбияи хонаводагӣ сахт алоқаманд мебошад. Итминони комил дорам, ки падару модарони мо бо дарки ҳамин масъулият ҷиҳати тарбия ва ба воя расонидани фарзандони хештаншиносу худогоҳ ва ватандўст бештар кўшиш менамоянд.

Бо чунин ниятҳои нек, бори дигар кулли мардуми шарафманди вилоятро бо фарорасии Рўзи оила табрику муборакбод менамоям.

Бигузор аз нури чеҳра ва муҳаббати поки занону модарони азиз  ва матонату иродаи қавии падарони бузургвор, роҳи ҳаёти имрўзу фардои ҳар оила мунаввар ва маҷмўан тамоми ҷомеаи мо нурониву гарм ва лабрези меҳру муҳаббат бимонад.

Шарҳ додан


Защитный код
Нав кардан

ШУМО ДАР: Навиди Суғд Паёми табрикии Раиси вилоят ба муносибати Рўзи байналмилалии оила