Хабарҳо
Суғд: То имрӯз 91 913 тонна пахта ҷамъоварӣ карда шуд - 21.10.2019 15:58
Мастчоҳ. Раҷаббой Аҳмадзода собиқадорони меҳнатро аёдат намуд - 21.10.2019 15:53
Ифтитоҳи майдончаи варзишӣ дар Ҷамоати деҳоти Оббурдони ноҳияи Мастчоҳ - 21.10.2019 15:21
Мастчоҳ. Раҷаббой Аҳмадзода ба чинакчиёни беҳтарин туҳфаҳо тақдим кард - 21.10.2019 14:59
Баргузории иҷлосияи нуздаҳуми Маҷлиси вакилони халқи шаҳри Хуҷанд, даъвати панҷум - 21.10.2019 13:27
Иштироки намояндагони вилояти Суғд дар намоишгоҳ ва форуми «Ули дала ели»-и шаҳри Нур-Султон - 21.10.2019 13:20
Дар ярмарка-фурӯши маҳсулоти кишоварзӣ зиёда аз 250 тонна маҳсулоти хоҷагии қишлоқ ба фурӯш гузошта шуд - 21.10.2019 12:53
Шиносоии Раиси вилоят бо фаъолияти хоҷагиҳои деҳқонӣ ва рафти сохтмони иншооти ҷашнӣ дар Исфара - 18.10.2019 16:54
Мулоқоти Раиси вилоят бо фаъолони шаҳри Исфара - 18.10.2019 16:37
Баргузории қабули шаҳрвандон дар шаҳри Исфара - 18.10.2019 16:32

Дар Ҷамоати деҳоти Яхтани ноҳияи Деваштич дар 30 гектар замини бекорхобида боғу тозкор бунёд намуданд

( 0 Овоз )

30 апрел Раиси вилояти Суғд Раҷаббой Аҳмадзода ҷиҳати шиносоӣ бо ҷараёни корҳои ободониву созандагӣ ва рафти бунёди иншооти муҳими хоҷагии халқ ба ноҳияи Деваштич сафар кард.

Имрӯзҳо сокинони меҳнатқарини ноҳияи Деваштич бо мақсади дар сатҳи баланд таҷлил намудани 30-солагии Истиқлолияти давлатии Ҷумҳурии Тоҷикистон софдилона меҳнат карда, барои бо дастовардҳои шоиста истиқбол гирифтани ҷашни таърихии миллат кӯшиш намуда истодаанд. Ба иттилои роҳбарияти ноҳия тибқи нақшаи чорабиниҳои тасдиқгардида то соли 2021 дар қаламрави ноҳия беш аз 300 иншооти гуногун бунёд ва мавриди истифода қарор мегирад.

Бунёди дарвозаи рамзии ноҳия аз ҷумлаи чунин иншоотест, ки бо тарҳу ороиши хоса сохта мешавад. Дар аснои шиносоии Раиси вилоят бо лоиҳаи иншоот таъкид карда шуд, ки бо бунёди дарвозаи рамзӣ даромадгоҳи ноҳия ободу зебо гардонида хоҳад шуд. Раиси вилоят пас аз шиносоӣ бо лоиҳа баҳри иҷрои босифати корҳо ва чароғонкунии даромадгоҳи ноҳия ба масъулин тавсияҳо дод.

Дар баробари сокинони касбу кори гуногун кишоварзони ноҳия низ саҳми хешро дар ободонии ноҳия гузошта, барои бунёди токзору боғҳои нав камари ҳиммат бастаанд. Зимни боздиди Раиси вилоят аз Ҷамоати деҳоти Яхтан иттилоъ дода шуд, ки саҳмдорони хоҷагии деҳқонии “Найман” баҳри иҷрои дастуру супоришҳои Пешвои миллат муҳтарам Эмомалӣ Раҳмон аз ҳисоби заминҳои чарогоҳ ва солиёни зиёд бекорхобида дар 27 гектар токзор ва дар 3 гектар боғи себу олу бунёд намуданд.

Ҳангоми боздид аз боғу токзори нав Раиси вилоят аз иқдоми саҳмдорони хоҷагӣ тавсиф карда, ҷиҳати истифодаи самарноки замин ва ба роҳ мондани кишти полезиҳо дар байни қатори ниҳолҳо дастуру супоришҳо дод.

Бояд гуфт, ки дар хоҷагии деҳқонии “Найман” 80 саҳмдор кор мекунанд ва хоҷагӣ дорои 140 гектар замин мебошад.

Хадамоти матбуоти
Раиси вилояти Суғд


Шарҳ додан


Защитный код
Нав кардан

ШУМО ДАР: Навиди Суғд Дар Ҷамоати деҳоти Яхтани ноҳияи Деваштич дар 30 гектар замини бекорхобида боғу тозкор бунёд намуданд