Хабарҳо
Нишасти 174-умини маҳфили “Ганҷи сухан” дар Ҷамоати деҳоти Ворух сурат гирифт - 19.07.2019 12:55
Пешвои миллат Эмомалӣ Раҳмон дар сатҳи роҳбарикунандаи сохторҳои низомӣ ва ҳифзи ҳукуқу тартибот тағйироти кадрӣ ба амал оварданд - 19.07.2019 12:51
Суғд: Бо харҷи беш аз 10 млн. сомонӣ 42 иншооти варзишӣ сохта ба истифода дода шуд - 19.07.2019 11:27
Дар нимсолаи якуми соли ҷорӣ бунёду азнавсозии беш аз 90 иншооти соҳаи тандурустӣ ба итмом расонида шуд - 19.07.2019 11:04
Ҷалби 176,8 млн. доллар сармоягузориҳо ба иқтисодиёти вилояти Суғд - 19.07.2019 11:03
Донишгоҳи давлатии ҳуқуқ, бизнес ва сиёсати Тоҷикистон соҳиби шаҳодатномаи барномаи аккредитатсияи байналмилалӣ гардид - 19.07.2019 10:18
Ҷадвали нишастҳои матбуотӣ барои кормандони ВАО - 18.07.2019 14:53
Дар шаҳри Конибодом 11 майдончаи варзишӣ бунёд ва мавриди истифода қарор дода шуд - 18.07.2019 10:40
Дар нимсолаи якуми соли 2019 шумораи аъзои ҲХДТ дар вилоят 6834 нафар афзудааст - 18.07.2019 09:31
Таваҷҷуҳ ба рушди ҳунарҳои мардумӣ. Дар Суғд озмуни кулолгарӣ, чӯбтарошӣ ва сабадбофӣ гузаронида мешавад - 18.07.2019 08:53

Ғолибони Фестивали вилоятииҳунарҳои мардумӣ таҳти унвони «Ҳунар беҳтар аз зар бувад» муайян шуданд ​

( 0 Овоз )

Чанде қабл дар Театри мазҳака-мусиқии ба номи Камоли Хуҷандии маркази вилоят даври вилоятии Фестивали ҳунарҳои мардумӣ таҳти унвони «Ҳунар беҳтар аз зар бувад» баргузор гардид.

Фестивали мазкур бо мақсади эҳёи анъанаҳои аҷдодии ҳунарҳои мардумӣ, тарбияи ҳисси зебоипарастӣ, тарғиби таҷрибаи пешқадами ҳунармандони варзида ва бахшида ба “Солҳои рушди деҳот, сайёҳӣ ва ҳунарҳои мардумӣ” гузаронида шуд ва дар даври вилоятӣ ғолибони даври шаҳриву ноҳиявӣ иштирок доштанд. Ҳунармандон маҳсулоти худро аз рӯи бахшҳои “Беҳтарин таоми миллӣ ва нону шириниҳо”, “Беҳтарин ҳунари мардумӣ бо истифода аз матоъ ва пашму пӯст”, “Беҳтарин ҳунари мардумӣ бо истифода аз чӯб ва гилу гаҷ” ва “Беҳтарин ҳунари мардумӣ бо истифода аз санг ва оҳан” пешниҳоди ҳайати ҳакамон намуданд.

Муовини Раиси вилоят Назира Ғаффорӣ зимни иштирок дар чорабинии мазкур иброз дошт, ки ҷиҳати дар амал татбиқ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» эълон гардида, дар ин замина бобати эҳё намудани ҳунарҳои миллии ниёгон, ​ арҷгузорӣ ба фарҳанги воло, тарбияи зебоипарастӣ, тарғибу ташвиқи либоси миллӣ, таъсиси ҷойҳои корӣ, ба касбомӯзӣ ҷалб кардани занону духтарони хонашин ва ба насли оянда пешкаш кардани ҳунари аҷдодӣ,​ паст кардани сатҳи камбизоатӣ ва коҳиш додани сафи занҳои муҳоҷир корҳои назаррас ба сомон расонида шуда истодааст. Баргузории фестивали мазкур низ аз ҷумлаи чунин тадбирҳост, ки барои ҷалби занону бонувон ба ҳунаромӯзӣ мусоидат менамояд.

Тибқи баҳогузориҳои ҳакамон дар бахши “Беҳтарин таоми миллӣ ва нону шириниҳо” Саломат Азизова аз ноҳияи Мастчоҳ (ҷойи якум), Ойгул Солиҳова аз шаҳри Бӯстон (ҷойи дуюм) ва Машҳура Ахмедова аз ноҳияи Спитамен (ҷойи сеюм) ғолиб дониста шуданд. Дар бахши “Беҳтарин ҳунари мардумӣ бо истифода аз матоъ ва пашму пӯст” Саёҳат Зиёева аз ноҳияи Бобоҷон Ғафуров, Анна Юсупова аз шаҳри Панҷакент, Баҳоваддин Шарипов аз шаҳри Хуҷанд, дар бахши ​ “Беҳтарин ҳунари мардумӣ бо истифода аз чӯб ва гилу гаҷ” Исмоилхӯҷа Музаффаров аз шаҳри Исфара, Алиҷон Мансуров аз ноҳияи Шаҳристон ва Раҳмат Каримов аз ноҳияи Деваштич, дар бахши “Беҳтарин ҳунари мардумӣ бо истифода аз санг ва оҳан” Ислом Аюбов аз шаҳри Истаравшан, Абдуманнон Ҳомидов аз шаҳри Конибодом, Ҷамшед Ҳасанов аз шаҳри Истиқлол ғолиб гардиданд.

Ба ғолибони Фестивали вилоятии ҳунарҳои мардумӣ таҳти унвони «Ҳунар беҳтар аз зар бувад» мутасонибан 3000 сомонӣ, 2000 сомонӣ ва 1000 сомонӣ мукофотпулӣ супорида шуд.

Дар фарҷоми чорабинӣ барномаи фарҳангӣ манзури тамошобинон гардид. ​

Хадамоти матбуоти

Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Ғолибони Фестивали вилоятииҳунарҳои мардумӣ таҳти унвони «Ҳунар беҳтар аз зар бувад» муайян шуданд ​