Хабарҳо
Баргузории машқи мукаммали зернизоми Низоми ягонаи давлатӣ оид ба пешгирӣ ва рафъи оқибатҳои ҳолатҳои фавқулодда - 19.04.2019 17:05
Шиносоии Раиси вилоят бо рафти кишти пахта дар Конибодом - 19.04.2019 17:01
Ғолибияти донишҷӯни тоҷик дар олимпиадаи байналхалқӣ - 19.04.2019 16:50
Пешвои миллат Эмомалӣ Раҳмон бо Котиби давлатии Вазорати Аврупо ва корҳои хориҷии Ҷумҳурии Франсия Жан-Батист Лемуан мулоқот намуданд - 19.04.2019 11:05
Ба истиқболи 30-солагии Истиқлолият дар Конибодом то имрӯз 153 иншооти гуногун мавриди истифода қарор дода шуд - 19.04.2019 08:44
Гузориш аз ҷои воқеа: "Вақте даъватшаванда Анӯшервон Шомирсаидов бо ҳисси баланди ватандорӣ сухан меронд..." - 19.04.2019 08:29
“Хизмати Ватан – Модар вазифаи мо - ҷавонмардон аст” - 18.04.2019 16:04
"Хуҷанд" дастаи "Дордой"-и Қирғизистонро бо ҳисоби 3:1 шикаст дод - 18.04.2019 09:47
Тақвияти ҳамкориҳо миёни соҳибкорони вилояти Суғд ва истеҳсолкунандагони маҳсулоти кишоварзии вилояти Хатлон дар самти содироти маҳсулот - 18.04.2019 09:03
Миёни Ҷумҳурии Тоҷикистон ва Федератсияи Россия санадҳои нави ҳамкорӣ ба имзо расиданд - 18.04.2019 08:25

Корхонаҳои саноатии шаҳри Гулистон ба маблағи 783 миллиону 493,2 ҳазор сомонӣ маҳсулот истеҳсол намуданд

( 0 Овоз )

10 апрел дар толори хурди мақомоти иҷроияи ҳокимияти давлатии шаҳри Гулистон бо иштироки роҳбарияти шаҳр, мудирони шуъбаву бахшҳои мақомоти иҷроияи ҳокимияти давлатии шаҳр, роҳбарони мақомоти ҳифзи ҳуқуқ, комиссари ҳарбӣ, раёсати молия, нозироти андоз, роҳбарони корхона, ташкилоту муассисаҳо, раисони ҷамоати шаҳракҳо, раисони маҳаллаҳо, намояндагони соҳаҳои маориф, тандурустӣ маҷлиси фаъолон баргузор гардид.

Дар ҷаласа натиҷаҳои фаъолияти соҳаҳои хоҷагии халқи шаҳри Гулистон дар давоми се моҳи аввали соли 2019 ва рафти иҷрои Нақшаи чорабиниҳо ба истиқболи арзандаи ҷашни бузурги умумимиллӣ - сисолагии Истиқлолияти давлатии Ҷумҳурии Тоҷикистон мавриди баррасӣ қарор дода шуданд.

Доир ба натиҷаҳои фаъолияти соҳаҳои хоҷагии халқи шаҳри Гулистон дар давоми се моҳи аввали соли 2019 мудири шуъбаи иқтисод ва савдои мақомоти иҷроияи ҳокимияти давлатии шаҳр Маҳбубахон Шодизода маърӯза намуд. Қайд карда шуд, ки дар давоми семоҳаи аввали соли 2019 ба қисми даромади буҷети давлатӣ 39,4 миллион сомонӣ маблағҳои андозу пардохтҳо ворид гашт, ки он баробар ба 101,3 фоизи нақшаи пешбинишуда буда, ба буҷет зиёда аз 501 ҳазор сомонӣ аз нақша зиёд маблағ ворид гардид. Нақшаи даромади буҷети шаҳрӣ 11,4 миллион сомонӣ ё 106,9 фоиз ба иҷро расонида шуда, зиёда аз нақша 737 ҳазор сомонӣ маблағ ворид шуд. Дар ин давра иҷрои нақшаи андози иҷтимоӣ бо дарназардошти хароҷот 11 миллиону 120,5 ҳазор сомонӣ иҷро гашт, ки баробар ба 100,9% мебошад.

Корхонаҳои саноатии шаҳр дар давоми семоҳаи аввали соли равон ба маблағи 783 миллиону 493,2 ҳазор сомонӣ маҳсулот истеҳсол намуданд, ки ин нисбати ҳамин давраи соли гузашта бо нархҳои муқоисавӣ 102,3 фоизро ташкил дода, ин нишондиҳанда ба маблағи 17,7 миллион сомонӣ зиёд мебошад. Вазни қиёсии корхонаҳои саноатии шаҳр дар ҳаҷми истеҳсоли маҳсулоти саноатии вилоят 28,7 фоизро ташкил дод. Дар корхонаҳои саноатӣ истеҳсоли барзиёди маҳсулоти саноатӣ аз рӯи 74 намуди аслӣ ба роҳ монда шуд.

Дар давоми моҳҳои январ-марти соли ҷорӣ ба иқтисодиёти шаҳр 14, 9 миллион сомонӣ сармоягузориҳои мустақим ҷалб гардидаанд. Аз он 2, 9 миллион сомонӣ сармоягузориҳои мустақими хориҷӣ ва 12, 0 миллион сомонӣ сармоягузориҳои дохилӣ мебошад.

Дар маҷмӯъ дар тӯли се моҳи соли ҷорӣ дар минтақаи истироҳатии шаҳр 6824 нафар истироҳат намуданд, ки нисбат ба ҳамин давраи соли гузашта шумораи истироҳаткунандагон 312 нафар зиёд мебошад. Ҳаҷми маблағи воридшуда дар семоҳи аввали соли ҷорӣ аз ҳисоби хизматрасониҳои сайёҳӣ ва табобатӣ 7 миллиону 415,3 ҳазор сомониро ташкил дод, ки аз он 1 миллиону 509,9 ҳазор сомонӣ ба туризми хориҷӣ рост меояд. Дар маърӯза инчунин дигар паҳлӯҳои соҳаҳои хоҷагии халқ мавриди таҳлил қарор дода шуд.

Раиси шаҳр Фирдавс Шарифзода доир ба фаъолияти корхонаҳои саноатӣ, вазъи иҷрои нақшаи андоз ва буҷети маҳаллӣ, пардохти музди маош ва истифодаи қувваи барқ, раванди даъвати баҳорона, масъалаи таъмини муассисаҳои таълимӣ бо омӯзгорони соҳибтахассус, ҷалби духтурони соҳибихтисос, ҳолати хизматрасонии тиббӣ ба аҳолӣ дар маркази шаҳр ва ҷамоати шаҳракҳо, натиҷаҳои баргузории чорабиниҳои варзишии шаҳрӣ, ташкили мусобиқаҳои варзишӣ дар байни варзишгарони ҷамоати шаҳракҳо, вусъати корҳои ободонӣ ва бунёдкорӣ пурсиш ба амал овард.

Доир ба масъалаи дуюми ҷаласаи фаъолон дар бораи рафти иҷрои нақшаи чорабиниҳо оид ба таҷлили 30-солагии Истиқлолияти давлатии Ҷумҳурии Тоҷикистон мудири шуъбаи рушди иҷтимоӣ ва робита бо ҷомеаи дастгоҳи раиси шаҳр Илҳом Мадализода суханронӣ намуд. Зикр гардид, ки тибқи нақша дар давоми соли 2018 ва семоҳаи якуми соли равон дар ҳудуди маркази шаҳр ва шаҳракҳои тобеи Гулистон 90 иншооти ҷашнӣ ба маблағи 259 миллиону 552 ҳазор сомонӣ сохтмон, бунёд, тармим ва азнавсозӣ гардидааст.

Дар кори ҷаласаи фаъолони шаҳр роҳбари гурӯҳи корӣ оид ба таҳия ва амалӣ кардани нақшаи корҳои ободонию бунёдкорӣ ба муносибати 30-солагии Истиқлолияти давлатии Ҷумҳурии Тоҷикистон, директори Агентии таъминоти амволи махсуси назди Ҳукумати Ҷумҳурии Тоҷикистон муҳтарам Савзаалӣ Назирзода ва намояндаи мақомоти иҷроияи ҳокимияти давлатии вилояти Суғд, сардори Раёсати сармоягузорӣ ва идораи амволи давлатии вилоят Шарифҷон Ахмедов низ иштирок ва суханронӣ намуданд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Корхонаҳои саноатии шаҳри Гулистон ба маблағи 783 миллиону 493,2 ҳазор сомонӣ маҳсулот истеҳсол намуданд