Хабарҳо
Баргузории машқи мукаммали зернизоми Низоми ягонаи давлатӣ оид ба пешгирӣ ва рафъи оқибатҳои ҳолатҳои фавқулодда - 19.04.2019 17:05
Шиносоии Раиси вилоят бо рафти кишти пахта дар Конибодом - 19.04.2019 17:01
Ғолибияти донишҷӯни тоҷик дар олимпиадаи байналхалқӣ - 19.04.2019 16:50
Пешвои миллат Эмомалӣ Раҳмон бо Котиби давлатии Вазорати Аврупо ва корҳои хориҷии Ҷумҳурии Франсия Жан-Батист Лемуан мулоқот намуданд - 19.04.2019 11:05
Ба истиқболи 30-солагии Истиқлолият дар Конибодом то имрӯз 153 иншооти гуногун мавриди истифода қарор дода шуд - 19.04.2019 08:44
Гузориш аз ҷои воқеа: "Вақте даъватшаванда Анӯшервон Шомирсаидов бо ҳисси баланди ватандорӣ сухан меронд..." - 19.04.2019 08:29
“Хизмати Ватан – Модар вазифаи мо - ҷавонмардон аст” - 18.04.2019 16:04
"Хуҷанд" дастаи "Дордой"-и Қирғизистонро бо ҳисоби 3:1 шикаст дод - 18.04.2019 09:47
Тақвияти ҳамкориҳо миёни соҳибкорони вилояти Суғд ва истеҳсолкунандагони маҳсулоти кишоварзии вилояти Хатлон дар самти содироти маҳсулот - 18.04.2019 09:03
Миёни Ҷумҳурии Тоҷикистон ва Федератсияи Россия санадҳои нави ҳамкорӣ ба имзо расиданд - 18.04.2019 08:25

Дар соҳилҳои Сирдарё ба бунёди ду тарабхонаи замонавӣ санги асос гузошта шуд

( 0 Овоз )
  • Пешина
  • 1 of 4
  • Минбаъда

Бахшида ба “Соли рушди сайёҳӣ ва ҳунарҳои мардумӣ” ва бо мақсади муаррифии зарфиятҳои соҳаи сайёҳиву ҷалби сайёҳону гардишгарон ба кишвари офтобрӯяи Тоҷикистон дар маркази вилоят - шаҳри Хуҷанд инфрасохтори зарурӣ бунёд карда мешавад.

Дар идомаи тадбирҳои судманд ва дар доираи корҳои ободониву бунёдкорӣ ба истиқболи 30-солагии Истиқлолияти давлатии Ҷумҳурии Тоҷикистон субҳи имрӯз Раиси вилояти Суғд Раҷаббой Аҳмадзода дар кӯчаи Сирдарёи шаҳри Хуҷанд ба бунёди тарабхонаи замонавии брендӣ - "Фарел" санги асос гузошт.

Раиси вилояти Суғд аз иқдоми Ҷамъияти дорои масъулияти маҳдуди "Фарел" ҷиҳати бунёди тарабхона хуш истиқбол намуда, илова кард, ки сохтмони чунин иншоот дар соҳили дарёи Сир ба рушди соҳаи сайёҳӣ мусоидат мекунад.

Бояд қайд кард, ки бо ташаббуси Ҷамъияти дорои масъулияти маҳдуди "Фарел" дар ҳамин мавзеъи Сирдарё то мавсими нав шиногоҳи замонавӣ низ бо тамоми шароити зарурӣ омода карда хоҳад шуд. Вобаста ба ин, Раиси вилоят ба масъулин дастур дод, ки корҳои ободонӣ дар шиногоҳ  вусъат бахшида шавад.

Ба таъкиди Раиси вилоят минбаъд дар соҳили дарёи Сир, ки аз мавзеъҳои хушманзараи маркази вилоят маҳсуб меёбад, меҳмонхона ва тарабхонаҳои замонавӣ сохта хоҳад шуд. Дар ин раванд роҳбарияти шаҳри Хуҷанд ва дигар сохторҳои марбута вазифадор карда шуданд, ки барои тоза нигоҳ доштани соҳили дарё тадбирҳои муассир андешанд.

Мувофиқи лоиҳа тарабхонаи замонавии  "Фарел" бо харҷи бештар аз 4 миллион сомонӣ бунёд мегардад. Баъди мавриди истифода қарор гирифтани иншооти мазкур ҳудуди 50 нафар бо ҷойи корӣ таъмин мешаванд.

Сипас, Раиси вилоят дар хиёбони ба номи Раҳмон Набиеви маркази вилоят ба бунёди қаҳвахона ва тарбхонаи "Темурмалик" санги асос гузошт.

Зимни муаррифии лоиҳа иттилоъ дода шуд, ки иншооти мазкур дар соҳили дарёи Сир бо маблағгузории соҳибкор Абдурашид Раҷабов сохта мешавад. Қаҳвахона ва тарбхонаи "Темурмалик", ки ба киштӣ шабоҳат дорад, бо харҷи зиёда аз 2 миллион доллар бунёд хоҳад шуд. Соҳибкор Абдурашид Раҷабов имрӯзҳо дар кишвари Қазоқистон кору фаъолият дорад ва бо ҳисси баланди ватандӯстӣ иқдом гирифтааст, ки барои амалӣ намудани дастуру супоришҳои Пешвои миллат муҳтарам Эмомалӣ Раҳмон дар бунёди иншооти мухталиф ва ободонии ватан ҳиссаи арзанда гузорад. Бунёди роҳи танобӣ дар Хуҷанд низ аз ҷониби ин соҳибкор амалӣ шуда истодааст, ки бешак барои рушди соҳаи сайёҳӣ мусоидат менамояд.

Хадамоти матбуоти
Раиси вилояти Суғд





Шарҳ додан


Защитный код
Нав кардан

ШУМО ДАР: Навиди Суғд Дар соҳилҳои Сирдарё ба бунёди ду тарабхонаи замонавӣ санги асос гузошта шуд