Хабарҳо
Боз як дуруғи наҳзатиҳои ифротӣ вобаста ба сохтмони НОБ-и Роғун - 19.11.2018 20:09
Офтобро бо доман пӯшида намешавад (Ҷавоб ба мақолаи «Воқеият ва худнамоӣ») - 19.11.2018 20:07
С.Никонов: ТЭО ПИВ и философия разрушения - 19.11.2018 20:04
Террорист он и в Африке террорист - 19.11.2018 20:00
Что хочет найти Комитет ООН? - 19.11.2018 19:54
Офтобро бо доман пӯшида намешавад (Ҷавоб ба мақолаи «Воқеият ва худнамоӣ») - 19.11.2018 17:35
Что хочет найти Комитет ООН? - 19.11.2018 10:01
Дар ноҳияи Ашт 10 иншооти ҷашнӣ ба истифода дода шуд - 19.11.2018 09:14
Дар ноҳияи Ашт 10 иншооти ҷашнӣ ба истифода дода шуд - 19.11.2018 09:13
Эҳсон Ёқубов, намоде аз қаҳрамонӣ - 18.11.2018 21:29

Паёми табрикии Раиси вилоят бахшида ба 27 – солагии Истиқлолияти давлатии Ҷумҳурии Тоҷикистон

( 0 Овоз )

Ҳамватанони азиз!

Мардуми шарафманди кишвари азизамон имсол ҷашни мубораки Истиқлолияти давлатии Ҷумҳурии Тоҷикистонро бо ҷонибдорӣ аз сиёсати дурбинонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо дастовардҳои беназир истиқбол мегирад.

Истиқлолият рамзи ҳастӣ ва пойдории давлат, ормони    мардуми куҳанбунёду соҳибтамаддуни мост, ки ба марҳилаи нави давлатдории миллӣ, иттиҳоду сарҷамъии мардуми фидокору меҳнатқарини мо ҳусни оѓоз бахшид. Соҳибистиқлолӣ ба мо тамоми имкониятҳоро фароҳам оварда, он чун хуршеди дурахшон роҳи ояндаи моро нуру зиё бахшид ва баҳри амалӣ намудани ҳадафу мақсадҳои накў нерўи тозаро эҳдо кард. Маҳз тавассути Истиқлолияти давлатӣ мо имкон пайдо намудем, ки арзишҳои милливу фарҳангии хешро дубора эҳё ва ба ҳифзи асолати таърихӣ ва ҳувияти миллӣ таваҷҷуҳ зоҳир намоем. Боиси зикр аст, ки имсол дар қаламрави ҷумҳурӣ Соли рушди сайёҳӣ ва ҳунарҳои мардумӣ эълон гардидааст.

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зикр менамоянд, ки «Ҳамаи корҳои азими созандагиро, ки то имрўз дар кишвари маҳбубамон амалӣ намудем, ба номи мубораку муқаддаси Истиқлолият анҷом додем. Дар зарфи солҳои соҳибистиқлолӣ мардуми шарифи Тоҷикистон барои ҳифзу нигоҳдории давлати навини тоҷикон, пешрафту ободии сарзамини муқаддаси аҷдодӣ ва эҳё намудану гиромӣ доштани арзишу суннатҳои миллӣ саҳми бесобиқа гузоштанд».

Мардуми шарифу сарбаланд тавонист дар тўли таърихи начандон тўлонӣ, новобаста аз даврони пуртазоду печидаи ҷаҳони муосир, роҳу равиши хоса дарёфта, барои бунёди давлати демократӣ, ҳуқуқбунёд ва дунявӣ собитқадамона пеш равад. Имрўз таҷрибаи сулҳу давлатдории тоҷикон мактаби омўзиши ҷаҳониён гардидааст.

Мардуми некному сарбаланди мо соли 2021-ум 30-солагии Истиқлолияти давлатии Ҷумҳурии Тоҷикистонро мутантан таҷлил менамояд.Ҷиҳати сазовор ва бо дастовардҳои арзанда истиқбол гирифтани ҷашни бузурги миллат дар вилоят 1300 рўзи меҳнати зарбдор эълон гардидааст.

Итминони комил дорам, ки ҳар фарди соҳибдилу ватандўсти кишвар, ки эҳсоси баланди худогоҳиву хештаншиносӣ дорад, ҷашнро бо бунёдкориву созандагӣ истиқбол мегирад.

Бигузор дастоварди бузургтарини миллатамон – Истиқлолияти давлатӣ ҷовидон бимонад!

Ҷашни пуршукўҳи Истиқлолияти давлатии Ҷумҳурии Тоҷикистон муборак, ҳамдиёрони азиз!

Шарҳ додан


Защитный код
Нав кардан

ШУМО ДАР: Навиди Суғд Паёми табрикии Раиси вилоят бахшида ба 27 – солагии Истиқлолияти давлатии Ҷумҳурии Тоҷикистон