Хабарҳо
Нишасти 179-уми маҳфили “Ганҷи сухан” ба 5500-солагии Саразми бостонӣ ва 700 - солагии Камоли Хуҷандӣ бахшида шуд - 22.01.2020 10:33
Мусобиқаи кушоди ҷумҳуриявӣ оид ба волейбол ҷамъбаст гардид - 22.01.2020 08:40
Фармонҳои Президенти Ҷумҳурии Тоҷикистон - 21.01.2020 16:00
Зиндагии шоиста - ҳадафи асосӣ - 21.01.2020 11:00
Ғолибони озмуни "Шоҳмотбози беҳтарин" муайян гардиданд - 21.01.2020 10:51
Таъсиси комиссияи вилоятӣ оид ба муташаккилона гузаронидани маъракаи ободониву кабудизоркунии маҳалли зист - 21.01.2020 10:43
Қарори навбатии Раиси вилояти Суғд ба тасвиб расид - 21.01.2020 10:39
Озмуни вилоятии “Ҳунарҳои ороишӣ аз санг” гузаронида мешавад ​ - 21.01.2020 10:23
Маҷлиси васеи Ҳукумати Ҷумҳурии Тоҷикистон - 21.01.2020 08:29
Комиссияи марказии интихобот ва раъйпурсӣ рӯйхати номзадҳои ҳизбҳои сиёсиро тасдиқ намуд - 20.01.2020 16:52

Навиди Суғд


Нишасти 179-уми маҳфили “Ганҷи сухан” ба 5500-солагии Саразми бостонӣ ва 700 - солагии Камоли Хуҷандӣ бахшида шуд

( 0 Овоз )

Дирӯз дар Маркази фарҳанги шаҳри Хуҷанд нишасти 179 маҳфили илмиву адабии “Ганҷи сухан” баргузор шуд.

Маҳфили илмиву адабӣ, ки бо ширкати олимону адибон, устодону донишҷӯён ва ҳаводорони каломи бадеъ доир гардид, ба 5500-солагии Саразми бостонӣ ва 700 - солагии шоири барҷастаи тоҷик Камоли Хуҷандӣ бахшида шуд.

Маҳфилро адабиётшинос Саидумрон Саидов ифтитоҳ бахшид ва сипас ректори донишгоҳ Ҷамшед Ҷӯразода аз нақши маҳфили илмиву адабии “Ганҷи сухан” дар самти баланд бардоштани сатҳи маърифат ва маънавияти ҷомеа ёдовар шуд.

Намояндаи Мақомоти иҷроияи ҳокимияти давлатии вилояти Суғд, адабиётшинос Тоҷибой Султонзода зимни суҳбат зикр кард, ки “соли равон бо қарори ЮНЕСКО дар Тоҷикистон 5500-солагии Саразми бостонӣ ва 700 - солагии шоири барҷастаи тоҷик Камоли Хуҷандӣ дар сатҳи баланд ҷашн гирифта мешавад. Басо рамзист, ки дар нишасти аввалини маҳфил дар соли 2010 ба ин мавзӯъ руҷӯъ шуд, ки ин ду санаи таърихӣ дар ҷодаи худшиносии миллӣ саҳифаи тозаеро боз хоҳад кард.”

Дар идома иштирокчиёни маҳфил маърӯзаи илмии номзади илмҳои таърих, дотсенти факултети таърих ва ҳуқуқ Ҷӯрабек Исоматдиновро зери унвони “Саразм: назаре ба таърих ва тамаддуни бостон” шуниданд. Қайд гардид, ки бозёфтҳо аз Саразм на танҳо арзиши миллӣ ва минтақавӣ балки аҳамияти ҷаҳонӣ дорад. Мутобиқи бозёфтҳое ки то имрӯз ба даст омад муайяан шудааст, ки дар шаҳри Саразм қасру маъбад, маҳаллаҳо, кўчаҳо мавҷуд будааст. Олимон ҳини ҳафриёт кўраҳои фулузгудозӣ, хумдонҳои сафолпазӣ, ашёҳои биринҷӣ аз ҷумлакорд, ханҷар, табарзин, нўги найза, муҳри сурбӣ, ашёҳои тиллоӣ ва нуқрагиро ёфта, аз мавҷудияти касбҳое монанди заргарӣ, чармгарӣ, ресандагӣ, бофандагӣ дарак додаанд.

Мухлиса Нуруллоева, номзади илмҳои филология, ки таҳти унвони “Камоли Хуҷандӣ дар шеъри Фарзона” маърӯза ироа дошт, дар бораи мақоми Хоҷа Камол ва шеъри ӯ дар осори Шоири халқии Тоҷикистон Фарзона ибрози назар кард.

Дар идомаи маҳфил шоирони ҷавон - Мафтуна Қосимӣ ва Шоира Олимова ашъори тозаи худро қироат карданд.

Дар охир фаъолон бо сипосномаи Раиси вилояти Суғд ва туҳфаҳои хотиравии маҳфили “Ганҷи сухан” сарфароз гаштанд.

Хадамоти матбуоти

Раиси вилояти Суғд

 

Мусобиқаи кушоди ҷумҳуриявӣ оид ба волейбол ҷамъбаст гардид

( 1 Овоз )

Мусобиқаи кушоди ҷумҳуриявӣ оид ба волейбол, ки тайи ду рӯз дар Донишгоҳи давлатии ҳуқуқ, бизнес ва сиёсати Тоҷикистон ҷараён гирифт, 21 январ ҷамъбаст гардид.

Дар мусобиқа 18 даста аз шаҳру ноҳияҳо ва муассисаҳои таҳсилоти миёнаву олии кишвар иштирок ва байни ҳам рақобат намуданд. Дар даври ниҳоӣ дастаҳои ДДҲБСТ ва Донишгоҳи славянии Тоҷикистону Русия бо ҳам рақобат намуданд. Бо шикаст додани ҳариф дастаи Донишгоҳи славянии Тоҷикистону Русия соҳиби ҷои аввал ва Ҷоми мусобиқа гардид.

Дастаи ДДҲБСТ сазовори ҷойи дуюм, дастаи Ашт-2 ба гирифтани мақоми сеюм ва волейболбозони Истаравшан сазовори ҷойи чорум гардиданд. Ба ғолибон туҳфаву сипоснома ва маблағҳои пулӣ дар ҳаҷми 3000, 2000 ва 1000 сомонӣ тақдим карда шуд.

Ҷоизи зикр аст, ки мусобиқаи мазкур бо мақсади оммавигардонии варзиш, тарғибу ташвиқи тарзи ҳаёти солим, омодасозии варзишгарони касбӣ ва мустаҳкам намудани муносибатҳои дӯстӣ роҳандозӣ гардид.

Хадамоти матбуоти

Раиси вилояти Суғд

Зиндагии шоиста - ҳадафи асосӣ

( 0 Овоз )

Паёми навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистонро сокинони ваҳдатшиори мамлакат бо ифтихори бузург ва шукргузории афзун аз давлату давлатдории миллӣ истиқбол намуданд.

Сарвари давлат зимни таҳлил аз бурду бохти соҳаҳои гуногун, аз баланд рафтани вазъи иҷтимоӣ, сатҳи некӯаҳволии халқ ва зиёд шудани давомнокии умр, инчунин коҳиш ёфтани фавти кӯдак изҳори қаноатмандӣ намуданд. Зикр гардид, ки омили муҳими пешрафти тамоми соҳаҳо ин дастгирии соҳибкории хурду миёна аст ва мақомоти тафтишотиро ба фаъолияти содиқона даъват намуданд.

Қайд шуд, ки монеаҳои мавҷуда дар самти дастгирии соҳибкории хурду миёна пурра аз байн бурда шавад. Ҳамчунин, барои коркарди маҳсулоти ниҳоӣ аз тамоми имконияту воситаҳо истифода бояд бурд. Зеро мутобиқ ба маълумоти оморӣ 90 дарсади ашёи содиротшаванда аз дохили мамлакат ин маҳсулоти хом аст. Президент дар ин самт дастур доданд, ки бояд бонкҳои ҷумҳурӣ дастгири молистеҳсолкунандаҳо бошанд, ба онҳо қарзҳои имтиёзнок пешниҳод намоянд.

Пешвои муаззами миллат аз дастовардҳои соҳаҳои энергетика, роҳу нақлиёт ёдовар шуда, зикр намуданд, ки дар баробари рушди босуръати Неругоҳи барқи обии «Роғун», ҳамчунин барои таҷдиду азнавбарқароркунии дигар неругоҳҳо, амсоли «Қайроққум» - у «Норак» Ҳукумати Ҷумҳурии Тоҷикистон кӯшишҳои зиёд ба харҷ дода истодааст. Роҳбари давлат аз саховатмандию ифтихори баланди соҳибкорону саховатмандон ёдовар шуда, саҳми онҳоро дар пешбурди соҳаҳои маориф, тандурустӣ, пешрафти иҷтимоиёт ва маънавиёт нек арзёбӣ намуданд.

Дар ин росто, ҳамчунин қайд шуд, ки давоми чанд соли охир барои 1 миллиону 400 ҳазор оилаҳои сокинони кишвар қитъаҳои замини наздиҳавлигӣ ҷудо гардид. Президент аз сокинони кишвар даъват ба амал оварданд, ки мутобиқ ба талаботи меъёрҳо манзилҳояшонро бунёд намоянд, то ин ки иншоотҳо даҳсолаҳо ба ояндагон хизмат намоянд.

Пешвои миллат аз ташаббуси навбатии кишвари мо дар самти гиромидошти неъмати бузурги табиӣ – об, фарҳанги истифодабарии он дар рӯзгор ёдовар шуда, аз аҳли кишвар даъват ба амал оварданд, ки ба қадри об бояд расем.

Аз ҷониби Сарвари давлат самти кишоварзӣ низ мӯшикофона таҳлил шуда, аз як замин гирифтани 3 – 4 ҳосилро омили пешрафти ҳар як хонавода донистанд.

Бо назардошти тақвияти дониши техникӣ, рӯ овардани ҷавонон ба илмҳои равияи техникӣ ва дақиқ «Солҳои 2020 – 2040 солҳои омӯзиш ва рушди илмҳои табиатшиносӣ, дақиқ ва риёзӣ» эълон гардид.

Президент дар мавриди гиромидошти забон, рӯ ба китобу китобхонӣ овардани ҳамаи қишрҳои ҷомеа, огоҳ будан аз гузаштаи пурғановати таърихи тоҷикон сухан карданд. Изҳор доштанд, ки “Мо миллати фарҳангӣ, тамаддунсоз ва аз насли ориёӣ буда, бояд ба таърихи гузаштаамон ҳарчӣ бештар рӯ оварем ва дар қалби фарзандонамон меҳри китобхонӣ ва ҷустуҷӯи илму донишро ҷой кунем”. Дар ин радиф Сарвари давлат таъкид доштанд, ки ҳар хонадони тоҷик бояд китоби арзишманд – «Тоҷикон» - и Бобоҷон Ғафуровро дошта бошад. Ин ҳадя аз ҷониби Пешвои муаззами миллат дар муддати кӯтоҳ ба ҳар хонадон тақдим мегардад.

Соҳаи маориф ҳамчун самти афзалиятнок дар сиёсати маърифатпарваронаи Пешвои миллат мақоми махсус дорад. “Дар марҳалаи кунунии пешрафти Тоҷикистон ба соҳаҳои илму маориф афзалияти аввалиндараҷа дода мешавад, зеро онҳо дар таҳкими пояҳои давлати демократӣ ва ҳуқуқбунёду дунявӣ нақши калидӣ мебозанд”. Ин суханони Сарвари давлат дар Паёми навбатиашон мо, кормандони соҳаи маорифро барои пешбурди фаъолият боз ҳам дилгарм ва масъулиятамонро дар роҳи иҷрои вазифа афзунтар мекунад.

Чизи дигаре, ки аз таваҷҷуҳ ва ғамхории ҳамешагии Президенти мамлакат ба соҳаи маориф башорат медиҳад, ин таъкиди Ҷаноби Олӣ дар мавриди ҳавасмандсозии хонандагони муассисаҳои таҳсилоти умумӣ ҷиҳати иштирок дар озмуну олимпиадаҳои сатҳи байналмилаливу ҷумҳуриявӣ аст. Хушбахтона, дар ин бобат дар вилоятамон таҷрибаи ибратбахш ҳосил шудааст ва аз ҷониби Раиси вилоят муҳтарам Раҷаббой Аҳмадзода ҳамасола ғолибони олимпиадаҳои ҷумҳуриявию байналмилалӣ ва ҳамчунин устодони онҳо бо мукофотҳои арзандаи молиявӣ тақдир карда мешаванд.

Кӯдакон фардои ин миллати босаодатанд ва роҳбарону масъулин дастур гирифтанд, ки дар муддати кӯтоҳ дар деҳот муассисаҳои таълимии томактабӣ, майдончаҳои варзишӣ бунёд намоянд. Дар Паём таъкид гардид, ки то ҷашни 30 - солагии Истиқлолияти давлатӣ 128 муассисаи томактабӣ ва 338 муассисаи таҳсилоти миёнаи умумӣ бунёд гардида, дар маҷмуъ 1332 муассисаи таълимӣ ва томактабӣ таъмиру таҷдид карда мешаванд. Ин башоратест, ки аз ояндаи дурахшони соҳаи муассисаҳои томактабӣ дарак медиҳад ва маорифчиёнро рӯҳбаланду сарфароз мегардонад.

Роҳбари давлат аз ҳамаи сокинон даъват ба амал оварданд, ки бо меҳнати ҳалол барои ободӣ ва муаррифии шоистаи мамлакат дар арсаи байналмилалӣ кӯшиш намоянд. Ин даъвати шӯълавар аз ҷониби маорифчиён ҳамовозии гарму ҷӯшон ба амал овард ва онҳо бо дасту дилу гарм ва азму талошҳои нав дар татбиқи ин ҳидояти созанда саъю талош меварзанд.

Хуллас, Паёми навбатии Пешвои муаззами миллат ифодагари пешрафти соҳаҳои илму маориф, тандурустӣ, ҳифзи иҷтимоии аҳолӣ, фарҳанг, татбиқи сиёсати ҷавонон, занон ва оила, рушди варзиш буда, барои кормандони ҳама соҳаҳои хоҷагии халқи мамлакат ба ҳайси раҳнамо ва дастури фаъолият хизмат хоҳад кард.

Осим КАРИМЗОДА,
сардори Раёсати
маорифи вилоят, доктори илмҳои таърих, профессор


Ғолибони озмуни "Шоҳмотбози беҳтарин" муайян гардиданд

( 0 Овоз )

Бо иқдоми Маркази таҳсилоти иловагии вилояти Суғд дар муассисаи таҳсилоти миёнаи умумии №16-и ноҳияи Ҷаббор Расулов байни хонандагони муассисаҳои таълимӣ даври вилоятии озмуни "Шоҳмотбози беҳтарин" гузаронида шуд.

Дар озмун чордаҳ даста аз шаҳру ноҳияҳои вилоят иштирок намуданд. Дар ҷамъбасти озмун ҷойи аввал насиби дастаи хонандагони муассисаҳои таълимии ноҳияи Ҷаббор Расулов гардид. Ҷойи дуввуму сеюмро дастаҳои шаҳри Конибодом ва ноҳияи Бобоҷон Ғафуров касб намуданд.

Ба ғолибон ва иштирокчиёни фаъол диплому сипоснома ва туҳфаҳои хотиравӣ супорида шуд.

Хадамоти матбуоти
Раиси вилояти Суғд


Таъсиси комиссияи вилоятӣ оид ба муташаккилона гузаронидани маъракаи ободониву кабудизоркунии маҳалли зист

( 0 Овоз )

Бо мақсади дар сатҳи баланд ҷашн гирифтани 30-солагии Истиқлолияти давлатии Ҷумҳурии Тоҷикистон ва вусъат бахшидан ба корҳои ободониву кабудизоркунӣ комиссияи вилоятӣ оид ба муташаккилона гузаронидани маъракаи ободониву кабудизоркунии маҳалли зист таъсис дода мешавад.

Дар ин бора қарори Раиси вилояти Суғд аз 17 январи соли 2020, №27 ба тасвиб расид.

Дар асоси қарор ҳайати комиссия тасдиқ карда шуда, мақомоти иҷроияи ҳокимияти давлатии шаҳру ноҳияҳо вазифадор гардидаанд, ки ситодҳои маҳаллиро таъсис дода, нақша-чорабиниҳоро оид ба муташаккилона гузаронидани корҳои ободонӣ, кабудизоркуниву ниҳолшинониро тасдиқ ва мавриди амал қарор диҳанд.

Хадамоти матбуоти
Раиси вилояти Суғд


ШУМО ДАР: Навиди Суғд