Хабарҳо
Нақшаи даъвати ҷавонон ба сафи Қувваҳои Мусаллаҳ дар шаҳри Гулистон 100 фоиз иҷро шуд - 28.04.2017 11:04
Бинои Маркази минтақавии хизматрасонӣ барои пиронсолон ва маъюбон пас аз таҷдид ба истифода дода шуд - 28.04.2017 10:57
Зариф Мирдадо вакили Маҷлиси вакилони халқи ноҳияи Ашт интихоб гардид - 28.04.2017 10:54
Баргузории иҷлосияи нӯҳуми Маҷлиси вакилони халқи шаҳри Хуҷанд, даъвати панҷум - 28.04.2017 10:50
Семинар дар мавзуи мубориза бар зидди малах ва дигар ҳашароти зараррасон - 27.04.2017 15:18
15 ҳазор метр матоъи дастбофи ҳунармандони шаҳри Конибодом ба фурӯш рафтааст - 27.04.2017 11:26
Нақшаи кишти ғалладонагиҳо наздик 100 фоиз иҷро шуд - 27.04.2017 11:24
Оғози таъмиру барқарорсозии роҳҳо дар ноҳияи Ашт - 27.04.2017 11:23
«Ваҳдати миллӣ кафолати ҳаёти осоишта» - конфронси илмӣ-амалӣ - 27.04.2017 11:22
Зимни баргузории маъракаҳо 57 қонуншиканӣ ба қайд гирифта шуд - 27.04.2017 11:21

Навиди Суғд

Нақшаи даъвати ҷавонон ба сафи Қувваҳои Мусаллаҳ дар шаҳри Гулистон 100 фоиз иҷро шуд

( 0 Овоз )

Имрӯзҳо сафарбарнамоии даъватшавандагон ба сафи Артиши миллӣ дар шаҳру навоҳии вилоят муташаккилони идома дорад.

Тибқи иттилои масъулин нақшаи даъвати баҳории ҷавонон ба сафи Қувваҳои Мусаллаҳи Ҷумҳурии Тоҷикистон дар шаҳри Гулистон ба андозаи 100 фоиз иҷро гардид. Ҳамзамон ноҳияҳои Деваштич, Зафаробод ва Шаҳристон низ дар арафаи иҷрои нақшаи даъват қарор доранд.

Бояд гуфт, ки моҳҳои апрел-майи соли 2017 дар ҳудуди вилоят шаҳрвандоне, ки то рӯзи даъват ба синни 18 мерасанд, инчунин шаҳрвандони синну солашон калон, ки ҳуқуқи ба таъхир андохтани мӯҳлати даъват ё озод будан аз даъват ба хизмати ҳарбиро надоранд, барои хизмат ба сафҳои Қувваҳои Мусаллаҳи Ҷумҳурии Тоҷикистон даъват карда мешаванд.

Хадамоти матбуоти
Раиси вилояти Суғд

Бинои Маркази минтақавии хизматрасонӣ барои пиронсолон ва маъюбон пас аз таҷдид ба истифода дода шуд

( 0 Овоз )

Бо дастгирии мақомоти иҷроияи ҳокимияти давлатии шаҳри Конибодом ва иқдоми соҳибкори ватандӯсту саховатпеша Абдураҳмон Абдураҳимов бинои Маркази минтақавии хизматрасонӣ барои пиронсолон ва маъюбон пас аз таҷдид ва азнавсозӣ ба фаъолият шуруъ намуд.

Дар маросими ифтитоҳи бино вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода,  раиси шаҳр Ғайбулло Боҳирӣ  ва гуруҳи меҳмонон иштирок намуданд.

Бино аз ҳуҷраҳои муҷаҳҳаз барои кормандон, ҳуҷраи истироҳатии занонаву мардона, ошхона иборат  буда, марказ  25 нафар эҳтиёҷмандонро ба ғамхорӣ фаро мегирад.

Хадамоти матбуоти
Раиси вилояти Суғд

Зариф Мирдадо вакили Маҷлиси вакилони халқи ноҳияи Ашт интихоб гардид

( 0 Овоз )

Санаи 26 апрел дар толори Мақомоти иҷроияи ҳокимияти давлатии ноҳияи Ашт иҷлосияи нуҳуми Маҷлиси вакилони халқи ноҳия даъвати панҷум баргузор гардид.

Дар иҷлосия муовини раиси ноҳияи Ашт Ҷалилӣ Аниса Абдуллозода баромад намуда, ба ҳозирин оид ба рафти иҷрои Қарори Ҳуқумати Ҷумҳурии Тоҷикистон аз 4 октябри соли 2011 таҳти №480 “Дар бораи тасдиқи Стратегияи сиёсати давлатии ҷавонон дар Ҷумҳурии Тоҷикистон то соли 2020” гузориш дод.

Дар охир бо тарафдории 40 нафар вакил ваколати вакилии вакили Маҷлиси вакилони халқи ноҳияи Ашт Мирдадо Зариф Мирмуҳаммадӣ тасдиқ гардид.

Хотирасон менамоем, ки 26 феврали соли 2017 интихоботи вакили Маҷлиси вакилони халқи ноҳияи Ашт баргузор гардида буд, ки дар он аз ҳавзаи интихоботии Ҷ. Мӯъминов №1 Мирдадо Зариф Мирмуҳаммадӣ  номзад ба вакили Маҷлиси вакилони халқи ноҳияи Ашт интихоб гардида буд.

Хадамоти матбуоти
Раиси вилояти Суғд

Баргузории иҷлосияи нӯҳуми Маҷлиси вакилони халқи шаҳри Хуҷанд, даъвати панҷум

( 0 Овоз )

Санаи 27 апрел дар Мақомоти иҷроияи ҳокимияти давлатии шаҳри Хуҷанд иҷлосияи нӯҳуми Маҷлиси вакилони халқи шаҳри Хуҷанд, даъвати панҷум баргузор шуд, ки дар кори он муовини Раиси вилоят Назира Ғаффорӣ низ иштирок намуд.

Дар иҷлосияи мазкур 38 нафар вакилон, роҳбарони воҳидҳои сохтории мақомоти иҷроияи ҳокимияти давлатии шаҳр, мақомотҳои ҳифзи ҳуқуқ, ташкилоту муассисаҳои шаҳрӣ, муассисаҳои таълимӣ, раисони кумитаи маҳаллаҳо иштирок доштанд. Дар асоси рӯзномаи иҷлосия муовини Раиси вилояти Суғд  Назира Ғаффорӣ  лоиҳаи  қарорҳои дахлдорро  дар бораи аз вазифаи раиси шаҳри Хуҷанди вилояти Суғд озод намудани Шарифзода Ш.Ф.   ва ба вазифаи раиси шаҳри Хуҷанди вилояти Суғд таъин намудани Муҳаммадзода Маъруфро ба овоздиҳии вакилони шаҳрӣ пешниҳод намуд. Баъди тасдиқи лоиҳаҳои зикргардида, ба баррасии масъалаи сеюми рӯзнома Дар бораи рафти таъмини иҷроиши Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” дар шаҳри Хуҷанд оғоз намуданд. Аз рӯи масъалаи мазкур муовини раиси шаҳри Хуҷанд Раъно Ҳошимзода баромад намуд. Доири масъалаи мазкур вакил аз ҳавзаи интихоботии Масҷиди Савр, №3 – Иброҳим Иброҳимов , вакили Маҷлиси вакилони халқи шаҳри Хуҷанд аз ҳавзаи интихоботии Истиқлол, №22 Музаффар  Атохонов,  вакил аз ҳавзаи интихоботии “Хубҷам”, №33– Мӯҳсин Исобоев  ва прокурори шаҳри Хуҷанд Арабшо Солизода ба музокира баромаданд.

Дар иҷлосия вакилон ҳамчунин пешниҳод оид ба номи  олими шинохта, шодравон Нӯъмон Негматов гузоштани Осорхонаи бостоншиносӣ ва истеҳкоми   шаҳри Хуҷанд ва номгузорӣ намудани яке аз кӯчаҳои маҳаллаи “Ваҳдат” ба номи “Интернатсионалист” –ро ҷонибдорӣ намуда, қарорҳои раиси шаҳрро тасдиқ намуданд.

Хадамоти матбуоти
Раиси вилояти Суғд

Семинар дар мавзуи мубориза бар зидди малах ва дигар ҳашароти зараррасон

( 0 Овоз )

Дар мавзеи шаҳраки бунёдшавандаи Сайҳун дар мавзӯи  мубориза бар зидди малах ва дигар ҳашароти зараррасони зироатҳои кишоварзӣ семинар- машварат баргузор гардид.

Дар кори он муовини Вазири кишоварзии Ҷумҳурии Тоҷикистон Нусратулло Мӯсоев, муовини Раиси вилояти Суғд Ориф Хоҷазода,  сардори Сарраёсати кишоварзии вилоят Хайрулло Бобозода,   сардори Муассисаи давлатии «Экспедитсияи мубориза бар зидди малахи Ҷумҳурии Тоҷикистон» Саидмурод Хайриддинов ва дигар намояндагони сохтори кишоварзӣ, деҳқонону хоҷагидорон иштирок доштанд.

Дар қисми амалии семинар сардори МД «Экспедитсияи мубориза бар зидди малах»-и вилоят Абдухолиқ Бобоҷонов иштирокдоронро бо техникаву таҷҳизоти марбутаи соҳа аз наздик шинос намуда, оид ба тарзи истифодаи техникаҳои заҳрпошӣ ва дастгоҳҳои муҳаррикӣ маълумот дод.

Мавсуф иброз дошт, ки дар Муассиса 17 трактор дар ҳолати корӣ қарор дорад.

Ҳамчунин, баҳри нобудсозии ҳашароти зараррасон ҳамасола ҳукумати ҷумҳурӣ ба муассиса кӯмакҳои зиёд мерасонад. Тасдиқи ин гуфтаҳо ин аст, ки ба наздикӣ ба коргоҳ боз 4 автомошинаи «Тайота Хайлюк»-и бо дорупошаки «Микронер», 1 автомошинаи УАЗ-3303 бо дорупошаки «УМО-81,15 дастрас  шуда,  10  мотосикл барои хизматрасонии мутахассисон дар ҷойҳо дастрас гардид.

Саидмурод Хайриддинов изҳор дошт, ки истифодаи техникаҳои мазкур метавонад, дар ҷойҳо баҳри бештару тезтар нобудсозии ҳашарот мусоидат намояд ва корбариро дар он ҷойҳое, ки малах ба мушоҳида мерасад, хубтар ба роҳ монанд. Бо ин таҷҳизоти дар автомошинаҳо васлгардида, рӯзе аз 150 то 200 гектар замине, ки дар он малах паҳн шудааст, коркарди кимёвӣ гузаронидан мумкин аст.

Дар қисми назариявии семинар Хайрулло Бобозода қайд намуд, ки мақсади асосӣ ин, пеш аз ҳама, нигоҳ доштани зироати кишоварзӣ, боғу токзорҳо ва чарогоҳҳо аз малах, баланд бардоштани сифат ва ҳосилнокии зироатҳои кишоварзӣ, инчунин дар ин замина афзун намудани ҳаҷми маҳсулоти рақобатпазири ватанӣ мебошад.

Муовини Раиси вилоят Ориф Хоҷазода гуфт, ки дар шаҳру ноҳияҳои вилоят мушоҳидаҳои баҳорӣ оғоз гардида, имрӯзҳо ин кор муташаккилона идома дорад.

Дар ҷамъбасти кори семинар-машварат дар самти  корҳои пешгирӣ ва ҳифзи  растаниву зироатҳо аз ҳашароти зараррасон ва паҳншавии малах ба мутасаддиён супоришҳои мушаххас дода шуд.

Хадамоти матбуоти
Раиси вилояти Суғд









ШУМО ДАР: Навиди Суғд