Хабарҳо
ХИЁНАТКОР – ҲОМИИ ҶИНОЯТКОР. Ва ё андешаҳои Сархатиби вилояти Суғд дар мавриди фитнаангезиҳои ТЭТ ҲНИ - 15.12.2018 13:34
Мулоқоти Пешвои миллат Эмомалӣ Раҳмон бо Котиби давлатии Шӯрои амнияти Ҷумҳурии Беларус Станислав Зас - 14.12.2018 19:13
Матлубахон Сатториён Раиси Кумитаи иҷроияи ҲХДТ дар вилояти Суғд интихоб карда шуд - 15.12.2018 14:11
Тақдими автомашинаҳои сабукрав ба пешқадамони мавсими пахтачинӣ - 15.12.2018 14:08
Баргузории маҳфили адабӣ бахшида ба 40 солагии фаъолияти профессор Матлубаи Мирзоюнус - 14.12.2018 16:16
Иҷрокунандаи вазифаи раиси шаҳри Гулистон Фирдавс Шарифзода бо донишҷӯён мулоқот орост - 14.12.2018 14:11
Аз Паём то Паём. Дар вилояти Суғд 48 иншооти соҳаи маориф ба истифода дода шуд - 14.12.2018 13:38
Шуруъ аз 15 декабр барномаҳои солинавӣ пешниҳоди омма гардонида мешавад - 14.12.2018 13:35
Комроншоҳи Устопириён дар мусобиқаи «Guangzou Judo Masters 2018» Тоҷикистонро намояндагӣ мекунад - 14.12.2018 13:02
ПАЁМИ ТАБРИКИИ Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба иштирокдорони конфронсҳои илмии байналмилалӣ ба муносибати 400-солагии Сайидои Насафӣ ва 550-солагии Наҷмиддини Кавкабӣ - 14.12.2018 13:00

Дар деҳаи Хоҷаи Аълои шаҳри Исфара толори нави варзишӣ бунёд мешавад

( 0 Овоз )
  • Пешина
  • 1 of 6
  • Минбаъда

Видео :Дар деҳаи Хоҷаи Аълои шаҳри Исфара толори нави варзишӣ бунёд мешавад Дар доираи сафари корӣ ба шаҳри Исфара Раиси вилояти Суғд Раҷаббой Аҳмадзода ба Ҷамоати деҳоти Чоркӯҳ ташриф оварда, дар деҳаи Хоҷаи Аъло ба бунёди толори варзишӣ санги асос гузошт.

Толори варзишӣ дар назди муассисаи таҳсилоти миёнаи умумии рақами 24 бо маблағгузории мақомоти иҷроияи ҳокимияти давлатии вилоят бунёд карда мешавад. Дар муассисаи таҳсилоти миёнаи умумии рақами 24-и деҳаи мазкур 460 хонанда таҳсил мекунанд ва бунёди толори варзишӣ имкон медиҳад, ки хонандагон ба намудҳои гуногуни варзиш машғул гарданд.

Раиси вилоят бо устодону хонандагон ва фаъолони деҳаи Хоҷаи Аъло суҳбат намуда, таъкид кард, ки хонандагон бояд бо истифода аз имкониятҳои фароҳамшуда хуб таҳсил намуда, дар оянда барои пешрафти ҷомеа саҳмгузор бошанд. Раҷаббой Аҳмадзода ҳамзамон аз густариши корҳои бунёдкорӣ дар тамоми шаҳру ноҳияҳои вилоят, аз ҷумла Исфара ёдовар шуд ва аз устодон даъват намуд, ки наврасону ҷавононро дар руҳияи худшиносиву ватандӯстӣ тарбия намоянд.

Бобоҷон Тӯйчиев – собиқадори меҳнат миннатдории сокинони деҳаро ба роҳбарияти вилоят баён намуда, иброз дошт, ки сокинони ҷамоат бо ҷонибдорӣ аз сиёсати пешгирифтаи Пешвои миллат муҳтарам Эмомалӣ Раҳмон дар ободонии маҳал саъйю талош менамоянд. Мавсуф ҳамзамон аз номи сокинони деҳаи Хоҷаи Аъло қатли сайёҳон дар ноҳияи Данғараро маҳкум карда, таъкид кард, ки ба ташкилкунандагони ҳодисаи нангин ҷазои сазовор дода шавад.

Дар идомаи сафари корӣ Раиси вилоят бо рафти ҷамъоварии картошка ва кишти такрории зироатҳо дар Кооперативи истеҳсолии “Чоркӯҳ” шинос гардид. Тавре зимни боздид аён гардид, кишоварзон баъд аз дарави ғалла кишти такрории зироатҳоро ба роҳ монда, ҳосили картошкаро ҷамъоварӣ менамоянд. Раиси вилоят дар суҳбат бо кишоварзон ҷиҳати бунёди гармхонаҳои замонавӣ, парвариши помидору бодиринг ва содироти он тавсияҳои муфид дод.

Ёдовар бояд шуд, ки Кооперативи истеҳсолии “Чоркӯҳ” дорои беш аз 900 гектар замин буда, дар он асосан ғалла ва картошкаву сабзавот кишт ва парвариш карда мешавад.

Хадамоти матбуоти
Раиси вилояти Суғд







Шарҳ додан


Защитный код
Нав кардан

ШУМО ДАР: Навид Дар деҳаи Хоҷаи Аълои шаҳри Исфара толори нави варзишӣ бунёд мешавад