Хабарҳо
Мулоқоти Пешвои миллат Эмомалӣ Раҳмон бо Сарвазири Ҷумҳурии Ӯзбекистон Абдулло Орипов - 18.08.2018 17:05
Мулоқоти Пешвои миллат Эмомалӣ Раҳмон бо Раиси палатаи қонунбарори Маҷлиси Олии Ҷумҳурии Ӯзбекистон Нуридин Исмоилов - 18.08.2018 16:59
Маросими супоридани мукофоти давлатии Ҷумҳурии Ӯзбекистон Ордени “Эл Юрт Ҳурматӣ” ба Пешвои миллат - 18.08.2018 07:14
Иштироки Эмомалӣ Раҳмон ва Шавкат Мирзиёев дар барномаи фарҳангии ходимони санъати Тоҷикистон ва Ӯзбекистон таҳти унвони «Шоми дӯстӣ» - 18.08.2018 07:13
Боздиди сарони давлатҳои Тоҷикистон ва Ӯзбекистон аз Корхонаи истеҳсоли техникаи маишӣ ва электроника «Артел»-и Ҷумҳурии Ӯзбекистон - 18.08.2018 07:08
Боздиди сарони давлатҳои Тоҷикистон ва Ӯзбекистон аз Намоишгоҳи «Истеҳсоли Тоҷикистон» - 18.08.2018 07:04
Илова ба филми "БОЗГАШТ АЗ ҶАҲАННАМ" - 17.08.2018 17:33
Оғози сафари давлатии Президенти Ҷумҳурии Тоҷикистон Эмомалӣ Раҳмон дар Ҷумҳурии Ӯзбекистон - 17.08.2018 12:49
Имсол аз вилояти Суғд беш аз 1600 нафар барои адои маносики Ҳаҷ рафтанд - 17.08.2018 11:44
Ба муносибати Иди Қурбон бошандагони муассисаҳои иҷтимоӣ ба ғамхорӣ фаро гирифта мешаванд - 17.08.2018 11:43

Вусъати корҳои созандагӣ ба истиқболи ҷашни бузурги миллӣ

( 0 Овоз )
  • Пешина
  • 1 of 3
  • Минбаъда

19 июли соли равон дар маҷлисгоҳи Мақомоти иҷроияи ҳокимияти давлатии вилояти Суғд таҳти раёсати муовини якуми Сарвазири Ҷумҳурии Тоҷикистон Давлаталӣ Саид ҷаласаи ситоди ҷумҳуриявӣ оид ба ҷараёни корҳои ободониву созандагӣ бахшида ба ҷашни муқаддаси миллӣ – 30 - солагии Истиқлолияти Ҷумҳурии Тоҷикистон дар шаҳру ноҳиҳои вилоят баргузор гардид.

Дар ҷаласа аъзои Ҳукумати Ҷумҳурии Тоҷикистон – роҳбарони гурӯҳҳои корӣ дар шаҳру ноҳияҳои вилоят, Раиси вилояти Суғд Раҷаббой Аҳмадзода, муовинони Раиси вилоят, роҳбарони сохторҳои давлатӣ, муассисаву ташкилотҳои вилоятӣ, раисони шаҳру ноҳияҳо ва фаъолони вилоят ширкат варзиданд.

Муовини якуми Сарвазири Ҷумҳурии Тоҷикистон Давлаталӣ Саид зимни суханронии хеш аз ҳадафу моҳияти Фармони Президенти Ҷумҳурии Тоҷикистон оид ба таҷлили ҷашни 30 - солагии Истиқлолияти давлатии Ҷумҳурии Тоҷикистон, роҷеъ ба корҳои созандагиву ободонии дар вилоят ба субут расида, фаъолияти пурсамари гуруҳҳои корӣ ва нақшаи чорабиниҳои минбаъда ҳарф зад.

Дар ҷаласа Раиси вилояти Суғд Раҷаббой Аҳмадзода бобати омодагӣ ва ҷараёни корҳои созандагиву ободонӣ бахшида ба ин ҷашни бузурги давлатӣ дар қаламрави вилоят ҳисобот дода, аз ҷумла таъкид намуд, ки дар ин бобат қарори дахлдори Раиси вилоят ба тасвиб расида, дар шаҳру ноҳияҳои вилоят таҳти шиори «1300 – рӯзи меҳнати зарбдор ба истиқболи 30 солагии Истиқлолияти давлатии Ҷумҳурии Тоҷикистон» тадбирҳои шоиста роҳандозӣ мегарданд. Ҳамзамон, нақшаи чорабиниҳои вилоятӣ бахшида ба истиқболи ин ҷашни бузург таҳия гардида, тибқи он бунёду азнавсозии беш аз 3 ҳазор иншооти иҷтимоиву иқтисодӣ, аз ҷумла корхонаҳои истеҳсолӣ дар назар дошта шудааст. Дар ин раванд бинои 46 муассисаи таҳсилоти миёнаи касбӣ, ки дар ҳолати садамавӣ қарор дорад, азнавсозӣ карда мешаванд.

Раҷаббой Аҳмадзода таъкид дошт, ки дар шаҳру ноҳияҳои вилоят низ нақшаҳои корӣ тасдиқ гардида, аллакай ду моҳ аст, ки корҳо оғоз шуда, дар ҳамоҳангӣ бо ашхоси масъули ҷумҳуриявию вилоятӣ баробари корҳои созандагиву ободонӣ чорабиниҳои мухталиф, ки ҳадафашон тарғибу ташвиқи дастовардҳои солҳои соҳибистиқлолӣ, таҳкими ваҳдати миллӣ ва худшиносии аҳли ҷомеа  мебошад, баргузор шуда истодаанд.

Муовини якуми Сарвазири мамлакат аз ҷараёни корҳои омодагӣ ба ҷашни бузург дар вилоят изҳори қаноатмандӣ намуда, дастур дод, ки корбарӣ дар ин самт пурзӯр карда шуда, нақшаи чорабиниҳои вилоятӣ такмил дода шавад ва дар заминаи тадбирҳои андешида шуда, маҳфилу озмунҳои гуногун, аз қабили “Маҳаллаи беҳтарин”, “Ҷамоати беҳтарин” ва “Шаҳр (ноҳия) – и беҳтарин” гузаронида шавад.

Дар ҷаласа аъзоёни гуруҳи корӣ бобати беҳтар ба роҳ мондани корҳои ободониву созандагӣ ва истиқболи сазовори ҷашни 30 - солагии Истиқлолияти давлатии Ҷумҳурии Тоҷикистон фикру андеша ва пешниҳоди худро иброз доштанд.

Хадамоти матбуоти
Раиси вилояти Суғд




Шарҳ додан


Защитный код
Нав кардан

ШУМО ДАР: Навид Вусъати корҳои созандагӣ ба истиқболи ҷашни бузурги миллӣ