Хабарҳо
Баргузории ҷаласаи ҷамъбастӣ оид ба натиҷаҳои рушди иқтисодиву иҷтимоии вилоят дар 9 моҳи соли 2018 - 17.10.2018 16:27
Дирӯз дар маҷлиси фаъолони ВМКБ фаъолияти якмоҳаи Ситоди байниидоравии мақомоти таъминоти амният натиҷагирӣ карда шуд - 17.10.2018 09:33
Дар ноҳияи Ашт беш аз 35 километр роҳҳои маҳаллӣ таъмир карда шуд - 17.10.2018 09:20
Спитамен. Дар доираи омодагиҳо ба ҷашни 30-солагии Истиқлолияти давлатӣ як қатор иншоот мавриди истифода қарор гирифт - 17.10.2018 09:02
Конибодом. Нақшаи даромади буҷети давлатӣ 109 фоиз таъмин шуд - 17.10.2018 08:51
Конфронси байналмилалӣ дар Истанбул: «Хатари ташкилоти террористии ҳизби наҳзат аз «ДОИШ» ва «Ал-қойида» кам нест» - 16.10.2018 22:33
Ифтитоҳи бинои таълимӣ дар қисми низомии 02267-и Вазорати мудофиаи Ҷумҳурии Тоҷикистон - 16.10.2018 16:07
Ҳаҷми истеҳсоли маҳсулоти саноатӣ дар Хуҷанд ба 844,1 млн. сомонӣ баробар шуд - 16.10.2018 14:58
Боздиди донишҷӯёни Донишкадаи политехникии ДТТ аз Неругоҳи барқи обии “Роғун” - 16.10.2018 08:41
Яксўябинӣ дар таҳқиқи Бардия Раҳмонӣ - 16.10.2018 06:04

Дар ноҳияи Деваштич сохтмони бинои Нозироти андоз идома дорад

( 0 Овоз )

Муассисаи таҳсилоти умумии №17-и Ҷамоати деҳоти Яхтан дорои 22 синфхона буда, барои таҳсили 620 нафар хонанда дар як баст пешбинӣ шудааст. Мактаби мазкур  соли 1982 сохта шуда, аз соли 2003 инҷониб таъмир нагардидааст.

Дар доираи корҳои ободониву созандагӣ ва дар асоси дастуру супоришҳои Сарвари давлат роҳбарияти мақомоти иҷроияи ҳокимияти давлатии вилоят таъмири куллии муассисаи мазкурро ба нақша гирифтааст. Аз ин лиҳоз, Раиси вилоят дар аснои сафари корӣ ҳолати кунунии ин мактабро мавриди таваҷҷӯҳ қарор дода, ҷиҳати дар сатҳи баланд ба таъмир фаро гирифтани бинои муассиса ба масъулин супоришҳои мушаххас дод.

Таъкид гардид, ки бояд барои таълиму тарбияи толибилмон тамоми шароити замони муосир фароҳам оварда шуда, утоқҳои фаннӣ бо аёниятҳои дарсӣ муҷаҳҳаз ва тамоми бино ба системаи ягонаи гармидиҳӣ пайваст карда шавад. Зеро ояндаи ҳар халқу миллат аз рушди соҳаи маориф вобастагии қавӣ дошта, баланд бардоштани сатҳу сифати таълиму тарбия дар тамоми минтақаҳои мамлакат таҳти таваҷҷӯҳи роҳбарияти олии мамлакат қарор дорад.

Раиси вилоят инчунин ҷиҳати ободонии атрофи бино ва ба кор андохтани гармхонаи назди муассиса масъулинро муваззаф намуд.

Сипас, Раиси вилоят ба маркази ноҳияи Деваштич ташриф оварда,  бо ҷараёни сохтмони бинои Нозироти андози ноҳия ошно шуд. Иншооти мазкур бо маблағгузории Кумитаи андози назди Ҳукумати Ҷумҳурии Тоҷикистон бунёд ёфта, барои барои сохтмони бино харҷи 2,5 миллион сомонӣ ба нақша гирифта шудааст. Бино аз ду ошёна  ва таҳхона иборат буда, дорои 10 утоқӣ корӣ, маҷлисгоҳ, ошхона ва дигар ҳуҷраҳои ёрирасон мебошад.

Айни замон дар нозироти андози ноҳияи 15 нафар мутахассисон кору фаъолият мебаранд ва бунёди бинои нав боиси боз ҳам беҳтар гаштани шароити корӣ мегардад.

Хадамоти матбуоти
Раиси вилояти Суғд


Шарҳ додан


Защитный код
Нав кардан

ШУМО ДАР: Навид Дар ноҳияи Деваштич сохтмони бинои Нозироти андоз идома дорад