Хабарҳо
Фармонҳои Президенти Ҷумҳурии Тоҷикистон - 19.09.2018 15:56
Сафари кории Раиси вилоят Раҷаббой Аҳмадзода ба ноҳияи Мастчоҳ - 19.09.2018 15:59
26 сентябр иҷлосияи шонздаҳуми Маҷлиси вакилони халқи вилояти Суғд, даъвати панҷум баргузор мегардад - 19.09.2018 09:48
Фармонҳои Президенти Ҷумҳурии Тоҷикистон - 18.09.2018 14:33
Таъиноти кадрӣ - 18.09.2018 14:27
Сокинони Хуҷандшаҳр 23 сентябр Рӯзи шаҳрро таҷлил менамоянд - 18.09.2018 10:02
Баргузории Фестивал-озмуни «Атласу адраси Суғд-2018» дар ноҳияи Спитамен - 18.09.2018 10:01
Нишасти навбатии маҳфили илмиву адабии Ганҷи сухан ба «Рӯзи Рӯдакӣ» ва «Рӯзи забони тоҷикӣ» бахшида шуд - 18.09.2018 09:59
Суғд: Дар 8 моҳи соли равон 57 корхонаи нави саноатӣ бо 812 ҷойи корӣ таъсис дода шуд - 18.09.2018 09:57
«Хуҷанд» ба даври ½- ниҳоии Ҷоми Тоҷикистон баромад - 17.09.2018 13:03

Мулоқоти Раиси вилоят бо роҳбари ҶДММ “Хуаксин-Ғаюр-Суғдсемент” Лю Хун Чао

( 0 Овоз )

Видео :Мулоқоти Раиси вилоят бо роҳбари ҶДММ “Хуаксин-Ғаюр-Суғдсемент” Лю Хун Чао 16 майи соли равон Раиси вилояти Суғд Раҷаббой Аҳмадзода роҳбари ҶДММ “Хуаксин-Ғаюр-Суғдсемент” Лю Хун Чаоро ба ҳузур пазируфт.

Зимни суҳбат ҷонибҳо доир ба афзун намудани ҳаҷми истеҳсоли маҳсулот, зиёд намудани ҷойҳои корӣ ва бештар намудани содироти семент ба хориҷи кишвар мубодилаи афкор намуданд.

Раҷаббой Аҳмадзода дар ҷараёни мулоқот қайд намуд, ки бо дастгириҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва тадбирҳои андешидаи Ҳукумати Ҷумҳурии Тоҷикистон соҳаи саноат дар мамлакат, аз ҷумла дар вилояти Суғд рушд намуда, дар ин замина ҷойҳои нави корӣ муҳайё ва номгӯи маҳсулоти содиротӣ бештар гардида истодааст.

Зикр гардид, ки корхонаи сементбарории “Хуаксин-Ғаюр-Суғдсемент” чанд сол инҷониб фаъолият дошта, дар рушди иқтисодиёти вилоят саҳми арзанда мегузорад. Раиси вилоят аз сол ба сол зиёд шудани ҳаҷми истеҳсоли семент дар корхонаи мазкур ва маоши коргарон изҳори қаноатмандӣ намуда, ба роҳбарияти корхона дастур дод, ки ҷиҳати содироти бештари семент ба хориҷа аз имкониятҳои мавҷуда самаранок истифода баранд.

Роҳбари ҶДММ “Хуаксин-Ғаюр-Суғдсемент” Лю Хун Чао аз ҳусни таваҷҷуҳ ба корхонаи мазкур изҳори хушнудӣ намуда, иттилоъ дод, ки дар 4 моҳи соли равон ба маблағи наздик 96 миллион сомонӣ семент истеҳсол шудааст ва ин дар қиёс ба ҳамин давраи соли 2017 наздик 45 миллион сомонӣ бештар мебошад. Агар корхона дар соли 2016 зиёда аз 429 ҳазор тонна семент истеҳсол намуда бошад, пас ин рақам дар соли 2017 ба 722 ҳазор тонна баробар гардид. Ҳаҷми маоши кормандон низ давра ба давра боло рафта, маоши миёнаи кормандон айни замон 2667 сомониро ташкил медиҳад.

Ҷонибҳо инчунин доир ба анҷоми амалҳои хайру савоб дар моҳи шарифи Рамазон, дастгирии қишри ниёзманди ҷомеа ва татбиқи ҳадафҳои созандаи Ҳукумати мамлакат гуфтушунид намуданд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Мулоқоти Раиси вилоят бо роҳбари ҶДММ “Хуаксин-Ғаюр-Суғдсемент” Лю Хун Чао