Хабарҳо
Иштироки Пешвои миллат Эмомалӣ Раҳмон дар маҷлиси васеи Кумитаи Иҷроияи Марказии Ҳизби Халқии Демократии Тоҷикистон - 16.02.2018 15:18
Дар Донишкадаи иқтисод ва савдо барои донишҷуён курсҳои забономӯзии ройгон ташкил шудааст - 16.02.2018 14:43
Шиносоӣ бо рафти корҳои азнавбарқароркунии хобгоҳи сарбозон - 16.02.2018 14:39
ИЗҲОРОТИ РАЁСАТИ ШӮРОИ УЛАМО РОҶЕЪ БА ТАЪСИСИ «АНҶУМАНИ ОЗОДАНДЕШОНИ ТОҶИК» ДАР ХОРИҶИ КИШВАР - 16.02.2018 08:31
Ташкили ҳамоиши “Заҳмати дастони модар” ва аёдати сарбозон дар Зафаробод - 15.02.2018 16:35
Ба таваҷҷуҳи хабарнигорон! - 15.02.2018 16:34
Бо иштироки иҷрокунандаи вазифаи Раиси вилоят Раҷаббой Аҳмадзода дар ноҳияи Мастчоҳ маҷлиси фаъолон баргузор шуд - 15.02.2018 16:32
Маросими гулгузорӣ дар назди Муҷассамаи ҷанговарони байналмилал - 15.02.2018 11:15
Шиносоии Пешвои миллат Эмомалӣ Раҳмон бо шароити нави бинои Кумитаи миллии олимпии Тоҷикистон пас аз навсозӣ - 14.02.2018 14:15
Истеҳсол ва бандубасти автобусҳои тамғаи «AKIA» дар Ҷумҳурии Тоҷикистон - 14.02.2018 12:10

Қадршиносии варзишгарони беҳтарини вилояти Суғд

( 0 Овоз )

Рӯзи 13 феврали соли 2018 дар Муассисаи давлатии Кохи фарҳанги ба номи Абӯабдуллоҳ Рӯдакии маркази вилоят маросими қадршиносии варзишгарони беҳтарини вилоят доир шуд.

Дар ҷамъомад, ки таҳти раёсати иҷрокунандаи вазифаи Раиси вилоят Раҷаббой Аҳмадзода ва бо иштироки роҳбарони воҳидҳои сохтории мақомоти иҷроияи ҳокимияти давлатии вилоят, ректорон ва директорони муассисаҳои таҳсилоти олӣ ва миёнаи махсуси маркази вилоят, муовини раисони шаҳру ноҳияҳо, директорони мактабҳои варзишии вилоят, варзишгарону мураббиён, собиқадорон, кормандони соҳаи варзиши вилояти Суғд ва намояндагони воситаҳои ахбори омма доир гардид, аз фаъолияти варзишгарони вилоят дар соли 2017 натиҷагирӣ шуд.

Иҷрокунандаи вазифаи Раиси вилоят Раҷаббой Аҳмадзода зимни суҳбат бо варзишгарон таъкид намуд, ки дар даврони Истиқлолияти давлатии Ҷумҳурии Тоҷикистон бо дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати дастгирии ҷавонон ва варзишгарон заминаҳои мусоид фароҳам оварда шуда, санадҳои муҳими давлатӣ қабул гардидааст.

-Қабул гардидани қонунҳои Ҷумҳурии Тоҷикистон “Дар бораи ҷавонон ва сиёсати давлатии ҷавонон” ва “Дар бораи тарбияи ҷисмонӣ ва варзиш” собит сохт, ки Ҳукумати мамлакат аз оғози фаъолият дар сиёсати худ ба ҷавонон такя карда, тарбия ва ба камол расонидани насли ҷавону созандаро яке аз вазифаҳои аввалиндараҷаи худ медонад, - афзуд Раҷаббой Аҳмадзода.

Иттлоъ дода шуд, ки мақомоти иҷроияи ҳокимияти давлатии вилоят барои рушди соҳаи варзиш як силсила қарорҳо ва Барномаҳоро қабул ва амалӣ карда, кӯшиш менамояд, ки барои мунтазам инкишоф ёфтани соҳаи варзиш шароитҳои заруриро фароҳам орад.

Бо қарорҳои дахлдори Раиси вилоят аз 2 октябри соли 2017 Нақшаи чорабиниҳои «Барномаи маҳаллии маҷмўии рушди тарбияи ҷисмонӣ ва варзиш дар вилояти Суғд барои солҳои 2017-2021» ва «Барномаи рушди футбол дар вилояти Суғд барои солҳои 2017-2021» тасдиқ ва мавриди амал қарор дорад.

Таъсиси Стипендияи Раиси вилоят барои 49 нафар варзишгарони беҳтарини вилоят, қадршиносии варзишгарон, иштироки дастаҳои футболи вилоят дар лигаи олӣ ва лигаи якуми мамлакат, гузаронидани беш аз 985 мусобиқаҳои вилоятию минтақавӣ ва маҳаллӣ, таъмини иштироки дастаҳои мунтахаби вилоят ба чемпионатҳои ҷумҳурӣ ва мусобиқаҳои байналмилалию ҷаҳонӣ шаҳодати татбиқи бомароми қарорҳои зикргардида ба шумор меравад.

Бо мақсади иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон танҳо давоми солҳои 2016-2017 дар шаҳру ноҳияҳои вилоят беш аз 302 иншооти варзишӣ, аз ҷумла, 212 майдонча, 85 толор, 1 кох, 2 ҳавзи шиноварӣ ва 1 варзишгоҳ таъмиру тармим карда шуда, 129 иншооти варзишӣ, аз ҷумла, 112 майдонча, 13 толор, 2 ҳавзи шиноварӣ, 1 маҷмаа, 1 маркази фитнес-теннис ва чандин иншооти варзишии хурду бузург сохта ба истифода дода шуданд.

Натиҷаи чунин дастгириҳо буд, ки соли гузашта беш аз 3100 нафар варзишгарони вилоят, аз ҷумла 480 нафар духтарон дар 100 мусобиқаи ҷумҳуриявӣ, инчунин 404 нафар варзишгарон, аз ҷумла 13 нафар бонувон дар 44 мусобиқаи байналмилалӣ иштирок намуда, ба гирифтани ҷойҳои намоён сазовор гардиданд. Аз ҷумла, варзишгарони вилоят Комроншоҳи Устопириён дар Чемпионати Осиё оид ба гӯштини дзюдо дар Ҷумҳурии мардумии Чин ба гирифтани ҷойи якум, Ҷаҳон Қурбонов дар Чемпионати Осиё оид ба бокс дар Ҷумҳурии Ӯзбекистон ҷойи сеюм, Беҳрўз Гулмаҳмадзода дар бозиҳои Осиё оид ба гӯштини камарбандӣ дар иншоотҳои варзишии болопӯшида дар Ҷумҳурии Туркманистон ҷойи дуюм, инчунин Асрор Воҳидов дар чемпионатҳои Ҷумҳурии Тоҷикистон оид ба бокс, Кристина Пронженко оид ба варзиши сабук ва Сухроҷ Азизов оид ба гӯштини юнонӣ-румӣ ҷойи якум мушарраф шуданд.

Раҷаббой Аҳмадзода бо истифода аз фурсати муносиб ҳамаи ғолибони мусобиқаҳои варзиширо барои пирўзиву дастовардҳояшон дар соли 2017 –ум табрику таҳният гуфта, ба фаъолияти ояндаашон муваффақият ва дастовардҳои тоза таманно намуд.

Дар баробари зикри дастовардҳо роҳбари вилоят аз камбудиҳои мавҷуда низ ёдовар шуд ва ҷиҳати онҳо ба масъулин супоришҳои мушаххас дод.

Сипас дар вазъияти тантанавӣ ба 55 нафар варзишгарон ва собиқадорони соҳаи варзиш Сипоснома ва туҳфаҳои пулии мақомоти иҷроияи ҳокимияти давлатии вилоят дар ҳаҷми аз 500 сомонӣ то 2000 сомонӣ супорида шуд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Қадршиносии варзишгарони беҳтарини вилояти Суғд