Хабарҳо
Иштироки Пешвои миллат Эмомалӣ Раҳмон дар маҷлиси васеи Кумитаи Иҷроияи Марказии Ҳизби Халқии Демократии Тоҷикистон - 16.02.2018 15:18
Дар Донишкадаи иқтисод ва савдо барои донишҷуён курсҳои забономӯзии ройгон ташкил шудааст - 16.02.2018 14:43
Шиносоӣ бо рафти корҳои азнавбарқароркунии хобгоҳи сарбозон - 16.02.2018 14:39
ИЗҲОРОТИ РАЁСАТИ ШӮРОИ УЛАМО РОҶЕЪ БА ТАЪСИСИ «АНҶУМАНИ ОЗОДАНДЕШОНИ ТОҶИК» ДАР ХОРИҶИ КИШВАР - 16.02.2018 08:31
Ташкили ҳамоиши “Заҳмати дастони модар” ва аёдати сарбозон дар Зафаробод - 15.02.2018 16:35
Ба таваҷҷуҳи хабарнигорон! - 15.02.2018 16:34
Бо иштироки иҷрокунандаи вазифаи Раиси вилоят Раҷаббой Аҳмадзода дар ноҳияи Мастчоҳ маҷлиси фаъолон баргузор шуд - 15.02.2018 16:32
Маросими гулгузорӣ дар назди Муҷассамаи ҷанговарони байналмилал - 15.02.2018 11:15
Шиносоии Пешвои миллат Эмомалӣ Раҳмон бо шароити нави бинои Кумитаи миллии олимпии Тоҷикистон пас аз навсозӣ - 14.02.2018 14:15
Истеҳсол ва бандубасти автобусҳои тамғаи «AKIA» дар Ҷумҳурии Тоҷикистон - 14.02.2018 12:10

Баргузории ҷаласаи навбатии Шӯрои ҷамъиятии вилоят

( 2 Овоз )
  • Пешина
  • 1 of 3
  • Минбаъда

Нимаи дуюми рӯзи 7 феврал дар қароргоҳи Сарвари давлат дар шаҳри Хуҷанд ҷаласаи навбатии Шӯрои ҷамъиятии вилоят баргузор гардид.

Дар ин ҷаласа, ки таҳти раёсати иҷрокунандаи вазифаи Раиси вилоят Раҷаббой Аҳмадзода сурат гирифт, се масъала мавриди муҳокима  қарор дода шуд. Дар оғози ҷаласа роҳбари вилоят қайд намуд, ки Ҷумҳурии Тоҷикистон ба шарофати истиқлолияти давлатӣ ва талошҳои пайвастаи Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон сол ба сол рушд карда, сатҳи некӯаҳволии мардум беҳтар гардида истодааст. Таъкид гардид, ки вазифаи аввалиндараҷаи аъзоёни Шӯрои ҷамъиятӣ ин пеш аз ҳама тарғибу ташвиқи дастовардҳои даврони соҳибистиқлолӣ ва ҳифзи амну суботи ҷомеъа ба ҳисоб меравад.

Сипас, аз рӯи масъалаи якуми рӯзномаи ҷаласа оид ба натиҷаи фаъолияти Шӯро дар соли 2017 мудири шуъбаи рушди иҷтимоӣ ва робита бо ҷомеаи дастгоҳи Раиси вилоят Тоҷибой Султонзода маърӯза намуд. Тавре иттилоъ дода шуд, соли гузашта аз ҷониби аъзоёни Шӯро дар ҷойҳо бо ҷалби сокинон вохӯриву мулоқотҳо, мизҳои мудаввар, чорабиниҳои сиёсӣ-фарҳангӣ доир ба “Соли ҷавонон”, дастрасии аҳолӣ ба оби тозаи нӯшокӣ, Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ташкил ва баргузор карда шуданд. Аъзоёни Шӯрои ҷамъиятӣ ҳамзамон дар корҳои тарғиботию ташвиқотӣ ва чорабиниҳои сиёсиву фарҳангӣ фаъолона ширкат варзиданд. Сипас аз рӯи масъалаи баррасишаванда чанде аз аъзоёни Шӯро сухан карда, нақши Шӯрои ҷамъиятиро дар пойдории амну суботи ҷомеъа, пешгирии зуҳуроти номатлуб, пешрафту тараққиёти мамлакат назаррас арзёбӣ карданд.

Аз рӯи масъалаи дуюми рӯзномаи ҷаласа оид  ба рафти иҷрои Барномаи рушди туризм дар Ҷумҳурии Тоҷикистон дар давраи солҳои 2015-2017 муовини сардори Раёсати кор бо ҷавонон ва варзиши вилоят Дилшод Тошбоев маърӯза кард. Зикр гардид, ки туризм  аз бахшҳои муҳими хоҷагии халқ ба ҳисоб рафта, яке аз сарчашмаҳои сердаромад ва ба шуғли доимӣ ҷалб намудани шаҳрвандон мебошад. Бо мақсади рушди туризм аз ҷониби Ҳукумати мамлакат тадбирҳои мушаххас амалӣ мешавад. Дар вилояти Суғд низ соҳаи сайёҳӣ пайваста рушд намуда, теъдоди сайёҳони хориҷӣ дар ҳоли афзоиш аст. Иттилоъ дода шуд, ки соли гузашта беш аз 45 ҳазор сайёҳи хориҷӣ аз мавзеъҳои таърихиву фарҳангӣ ва истироҳатии вилоят боздид намудаанд.

Роҳбари вилоят зимни суҳбат аз аъзоёни Шӯрои ҷамъиятӣ даъват намуд, ки дар иҷрои корҳои ҷамъиятиву сиёсӣ боз ҳам фаъолтар бошанд ва барои пешрафту шукуфоии Тоҷикистони соҳибистиқлол саҳми арзандаи худро гузоранд.

Роҳбари вилоят ҳамзамон таъкид дошт, ки дар партави сиёсати  бунёдкоронаи Пешвои миллат муҳтарам Эмомалӣ Раҳмон роҳбарияти мақомоти иҷроияи ҳокимияти давлатии вилоят тасмим гирифтааст, ки корҳои созандагиву бунёдкориро боз ҳам ҷоннок намуда, ба рушди соҳаҳои гуногун аҳмияти аввалиндараҷа диҳад ва дар ин кор саҳми аъзоёни Шӯро бояд доимо эҳосос карда шавад.

Дар поёни ҷаласа аз рӯи масъалаи сеюм ҳозирин нақшаи кории Шӯрои ҷамъиятиро барои соли 2018 тасдиқ намуданд.

Хадамоти матбуоти
Раиси вилояти Суғд





Шарҳ додан


Защитный код
Нав кардан

ШУМО ДАР: Навид Баргузории ҷаласаи навбатии Шӯрои ҷамъиятии вилоят