Хабарҳо
Фармонҳои Президенти Ҷумҳурии Тоҷикистон - 18.09.2018 14:33
Таъиноти кадрӣ - 18.09.2018 14:27
Сокинони Хуҷандшаҳр 23 сентябр Рӯзи шаҳрро таҷлил менамоянд - 18.09.2018 10:02
Баргузории Фестивал-озмуни «Атласу адраси Суғд-2018» дар ноҳияи Спитамен - 18.09.2018 10:01
Нишасти навбатии маҳфили илмиву адабии Ганҷи сухан ба «Рӯзи Рӯдакӣ» ва «Рӯзи забони тоҷикӣ» бахшида шуд - 18.09.2018 09:59
Суғд: Дар 8 моҳи соли равон 57 корхонаи нави саноатӣ бо 812 ҷойи корӣ таъсис дода шуд - 18.09.2018 09:57
«Хуҷанд» ба даври ½- ниҳоии Ҷоми Тоҷикистон баромад - 17.09.2018 13:03
Лоиҳаи «Рушди нақлиёти ҷамъиятии шаҳри Хуҷанд» пурра татбиқ шуд ва шумораи умумии автобусҳо ба 100 адад расид - 17.09.2018 10:20
Ходимони дин ва намозгузорони шаҳри Бӯстон дар мумфаршкунии роҳҳо саҳм мегузоранд - 17.09.2018 09:55
Кормандони мақомоти иҷроияи ҳокимияти давлатии вилоят дар чиниши пахта ба кишоварзон кӯмак расониданд - 17.09.2018 09:50

Ҷаласаи ҷамъбастии Шӯрои вилоятии Ҳаракати ҷамъиятии Ваҳдати миллӣ ва эҳёи Тоҷикистон

( 2 Овоз )
  • Пешина
  • 1 of 4
  • Минбаъда

Видео :Ҷаласаи ҷамъбастии Шӯрои вилоятии Ҳаракати ҷамъиятии Ваҳдати миллӣ ва эҳёи Тоҷикистон Рӯзи 7 феврал дар Кохи Рӯдакии маркази вилоят ҷаласаи ҷамъбастии Шӯрои вилоятии Ҳаракати ҷамъиятии Ваҳдати миллӣ ва эҳёи Тоҷикистон баргузор шуд.

Дар рафти ҷаласа фаъолияти Шӯрои вилоятии Ҳаракати ҷамъиятии Ваҳдати миллӣ ва эҳёи Тоҷикистон дар соли 2017 мавриди баррасӣ қарор дода шуда, вазифаҳо барои соли равон муайян гардиданд.

Дар оғози ҷаласа аъзои Шӯро масъалаи тағйироти кадриро баррасӣ намуда, Абдураҳмон Қодириро аз вазифаи раиси Шӯро озод ва  иҷрокунандаи вазифаи Раиси вилоят Раҷаббой Аҳмадзодаро ба ин мақом интихоб намуданд. Аъзои Шӯро аз фаъолияти босамари Абдураҳмон Қодирӣ ҳамчун собиқ роҳбари Шӯро ёдовар шуда, саҳми ӯро дар  пешбурди фаъолияти он босазо арзёбӣ карданд. Аъзои Шӯро инчунин дар бораи аз вазифаи котиби ҳамоҳангсози Шӯрои вилоятии Ҳаракат озод намудани Мавлуда Шарифова ва аз вазифаи раиси Шӯрои куҳансолони Ҳаракат озод намудани Муҳиддин Хоҷазод бо хоҳиши худашон қарор қабул карда, ба ҷойи онҳо Абдуҳаким Шариповро котиби ҳамоҳангсоз ва Қобилҷон Усмоновро раиси Шӯрои куҳансолон интихоб намуданд. Ба Мавлуда Шарифова ва Муҳиддин Хоҷазод барои фаъолияти самаранокашон Сипосномаҳои раёсати Шӯро супорида шуд. Ҳамзамон, ваколати 11 нафар аъзои нави Шӯрои вилоятӣ дар ҷаласа тасдиқ гардид.

Доир ба фаъолияти Шӯрои вилоятии Ҳаракати ҷамъиятии Ваҳдати миллӣ ва эҳёи Тоҷикистон дар соли 2017 муовини аввали раиси Шӯро Мавҷуда Бобоева ҳисобот дод. Таъкид гардид, ки Ҳаракати Ваҳдати миллӣ ва эҳёи Тоҷикистон аз рӯзи ташкилёбиаш то кунун ҳамчун нерӯи тавоно дар пойдории сулҳу суботи давлати соҳибистиқлол ва ташвиқу тарғиби ғояи асосии пешрафти давлатдории тоҷикон - ваҳдати миллӣ саҳм гузошта, зери роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, раиси Шӯрои марказии Ҳаракати ҷамъиятии Ваҳдати миллӣ ва эҳёи Тоҷикистон муҳтарам Эмомалӣ Раҳмон имрӯз низ барои пойдории ваҳдат талош меварзад.  Имрӯз дар тамоми шаҳру навоҳии вилоят ва ташкилоту муассисаҳо ташкилотҳои ибтидоии он созмон дода шуда, ҳазорон нафарро дар худ муттаҳид кардаанд.

Иҷрокунандаи вазифаи Раиси вилоят, раиси тозаинтихоби Шӯрои вилоятии Ҳаракати ҷамъиятии Ваҳдати миллӣ ва эҳёи Тоҷикистон Раҷаббой Аҳмадзода изҳори умед намуд, ки аъзои Ҳаракат ҳамеша дар сафи пеши ҷомеа қарор мегиранд ва  соли равон бо дарки масъулияти баланд ва эҳсоси бузурги ватандорӣ фаъолияти хешро ба роҳ хоҳанд монд.

Дар соли равон фаъолони Шӯрои вилоятиро зарур аст, ки дар самти дарёфти шаклу усулҳои муосири корбарӣ дар байни ҷомеа, тарғиби ташаббусҳои байналмилалии Тоҷикистон дар мавриди ҳифзу самаранок истифода бурдани захираҳои обӣ, ҳадафмандтар намудани  фаъолияти ташкилотҳои ибтидоӣ дар шаҳру ноҳияҳо ва кӯмаки молӣ расонидан ба онҳо, истифодаи васеи таҷрибаи пешқадами ҳаётии насли калонсол бо мақсади тарбияи ворисони арзанда, тайёр намудани кадрҳои болаёқати ҷамъиятию давлатӣ, мустаҳкам намудаи пояи моддиву маънавии сохтори Ҳаракат, ҷалби ҷавонон ба сафи ташкилот корҳои назаррасро ба иҷро расонанд.

Хадамоти матбуоти
Раиси вилояти Суғд





Шарҳ додан


Защитный код
Нав кардан

ШУМО ДАР: Навид Ҷаласаи ҷамъбастии Шӯрои вилоятии Ҳаракати ҷамъиятии Ваҳдати миллӣ ва эҳёи Тоҷикистон