Хабарҳо
Дар 5-умин Бозиҳои Осиё 39 нафар варзишгарони вилояти Суғд иштирок доранд - 19.09.2017 15:24
Спитамен. Баргузории мулоқотҳо ҷиҳати шарҳи тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» - 19.09.2017 10:08
23 сентбяр Рӯзи шаҳри Хуҷанд таҷлил мешавад - 19.09.2017 10:05
Суҳбат атрофи танзими анъана ва ҷашну маросимҳо дар ноҳияи Мастчоҳ - 19.09.2017 10:00
Аз санаи 20 то 23 сентябр дар шаҳри Конибодом Фестивали байналмилалии «Шашмақом» баргузор мешавад - 19.09.2017 09:26
Мулоқоти Пешвои миллат Эмомалӣ Раҳмон бо Дабири кулли Созмони Милали Муттаҳид Антониу Гуттериш - 19.09.2017 08:41
Иштироки Пешвои миллат Эмомалӣ Раҳмон дар маросими ифтитоҳи 5-умин Бозиҳои осиёӣ - 18.09.2017 08:38
Баргузории семинари иттилоотӣ дар мавзӯи “Иҷрои тавсияҳои давлатҳои аъзои Шӯрои Созмони Милали Муттаҳид оид ба ҳуқуқи инсон тибқи расмиёти Шарҳи универсалии даврӣ (даври дуюм) барои солҳои 2017 – 2020” - 15.09.2017 13:45
Боздиди намояндагони кишварҳои узви Иттиҳоди Давлатҳои Мустақил аз мавзеъҳои таърихию фарҳангии вилояти Суғд - 15.09.2017 13:14
«Падидаҳои номатлубро маҳкум менамоем!» — ҷаласаи корӣ дар Гулистон - 15.09.2017 13:07

Машварати кории назди Раиси вилояти Суғд

( 3 Овоз )
  • Пешина
  • 1 of 3
  • Минбаъда

Видео :Машварати кории назди Раиси вилояти Суғд Санаи 25 июли соли 2017 дар толори хурди Мақомоти иҷроияи ҳокимияти давлатии вилояти Суғд машварати кории назди Раиси вилоят баргузор шуд.

Дар машварати корӣ масъалаҳои марбут ба соҳаи кишоварзӣ, омодагии муассисаҳои таълимӣ ба соли хониш ва давраи зимистонгузаронӣ мавриди баррасӣ қарор гирифт.

Дар кори ҷаласа муовинони Раиси вилоят, раисони шаҳру ноҳияҳо ва роҳбарони сохтору воҳидҳои дахлдори Мақомоти иҷроияи ҳокимияти давлатии вилояти Суғд иштирок намуданд.

Абдураҳмон Қодирӣ дар оғози машварат таъкид дошт, ки масъулин бояд ҷиҳати амалӣ намудани дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар самти кишти саривақтии зироатҳо ва коркарди маҳсулоти кишоварзӣ тадбирҳои мушаххас андешанд.  Тавре таъкид карда шуд, бо мақсади таъмин намудани шаҳрвандон бо маҳсулоти тару тоза бояд навоҳии кишоварзӣ нақшаи кишти такрориро пурра иҷро намоянд. Аммо, таҳлилҳо нишон медиҳад, ки то ҳол дар як қатор шаҳру навоҳии вилоят, аз ҷумла, Зафаробод, Конибодом, Бобоҷон Ғафуров, Истаравшан, Деваштич, Ашт, Мастчоҳ нақшаи кишти такрорӣ пурра иҷро нагардидааст.

Раиси вилоят ба раисони шаҳру ноҳияҳои зикргардида дастур дод, ки бо истифода аз боду ҳавои мусоид ба кишти зироатҳои гуногуни кишоварзӣ, аз ҷумла мош, ҷуворимаккаи тезпазак ва дигар намуди сабзавот вусъат бахшида, нақшаи хешро саривақт таъмин созанд. Ҳамчунин масъулин вазифадор гардиданд, ки ҳамаи коргоҳҳои пахтатозакуниро аз санҷиш гузаронида, камбудиҳоро дар ин самт баратраф созанд. Зикр гардид, ки нарху навои коркарди аввалияи пахта ва гирифтани фоизи баланди нахи он бояд ба манфиати марди деҳқон ҳал карда шавад.

Раиси вилоят ба масъулин ва раисони шаҳру ноҳияҳо супориш дод, ки  нарху навои маҳсулотро дар бозорҳо ба таври доимӣ назорат намуда, дар бозорҳои вилоят барои деҳқонон шароити мусоид фароҳам оваранд.

Дар идомаи машварат Раиси вилоят таваҷҷуҳи масъулинро ҷиҳати омодагии саривақтии муассисаҳои соҳаи маориф ба соли хониши 2017-2018 ва зимистонгузаронӣ ҷалб намуда, зикр дошт, ки то моҳи август таъмиру таҷдиди ҳамаи муассисаҳои соҳа ба итмом расонида шуда, тамоми хонандагон бо либоси ягонаи мактабӣ таъмин карда шаванд. Иттилоъ дода шуд, ки ба як қатор хонандагон аз оилаҳои ниёзманд либоси ягонаи мактабӣ аз ҳисоби мақомоти иҷроияи ҳокимияти давлатии вилоят тақдим карда хоҳад шуд. Раиси вилоят инчунин дастур дод, ки маоши омӯзгорон дар тамоми шаҳру навоҳии вилоят бояд саривақт пардохт карда шуда, барои онҳо шароити муосиди корӣ фароҳам оварда шавад.

Дар фарҷоми машварат Раиси вилоят ҷиҳати дар сатҳи баланди ташкилӣ таҷлил намудани 26-солагии Истиқлолияти давлатии Ҷумҳурии Тоҷикистон ва 25-солагии Иҷлосияи 16-уми Шӯрои Олии Ҷумҳурии Тоҷикистон дастуру супоришҳои мушаххас дод.

Хадамоти матбуоти
Раиси вилояти Суғд




Шарҳ додан


Защитный код
Нав кардан

ШУМО ДАР: Навид Машварати кории назди Раиси вилояти Суғд