Хабарҳо
Конфронси ҷумҳуриявии “Нақши Иҷлосияи ХVI Шўрои Олии Ҷумҳурии Тоҷикистон дар таҳкими сулҳу субот ва ташаккули рукнҳои давлатдории миллии Ҷумҳурии Тоҷикистон” - 18.11.2017 15:06
Иштироки Пешвои миллат Эмомалӣ Раҳмон дар маҷлиси тантанавӣ ба ифтихори 25 - умин солгарди Иҷлосияи 16-уми Шӯрои Олии Ҷумҳурии Тоҷикистон - 19.11.2017 12:33
Суханронии Пешвои миллат Эмомалӣ Раҳмон ба муносибати 25 – умин солгарди баргузории Иҷлосияи XVI-уми Шӯрои Олӣ - 19.11.2017 11:57
Шоҳиди зиндаи бедодии ҲНИТ - 18.11.2017 21:25
ПАЙВАНДОНИ ҲАЙДАР ҚОСИМОВ: “ҚАТЛИ ҚАҲРАМОНИ СССР ҲАЛҚАЕ ДАР ЗАНҶИРИ КУШТОРҲОИ ЧЕҲРАҲОИ САРШИНОС АЗ ҶОНИБИ НАҲЗАТИҲОСТ” - 18.11.2017 21:23
Машварати кории Пешвои миллат Эмомалӣ Раҳмон бо роҳбарону фаъолони вилояти Суғд - 18.11.2017 17:35
Ифтитоҳи навбати дуюми Корхонаи истеҳсоли халтаҳои полипропилении ҶДММ “Суғд Пак” дар шаҳри Бӯстон - 18.11.2017 12:49
Иштироки Пешвои миллат Эмомалӣ Раҳмон дар маросими татбиқи лоиҳаи барқарорсозӣ ва таҷдиди шабакаи таъминоти 35 ҳазор нафар аҳолии шаҳри Бӯстон бо оби нӯшокӣ - 18.11.2017 11:39
Ифтитоҳи корхонаи дорусозии ҶДММ “Фарм Суғд” дар шаҳри Бӯстон - 18.11.2017 11:35
Боздиди Пешвои миллат Эмомалӣ Раҳмон аз гармхонаи инноватсионии парвариши сабзавот бо усули гидропоникаии ҶДММ «Элегант» - 18.11.2017 10:05

Боздиди Раиси вилоят аз Ҷамъияти саҳҳомии “Кони намак”-и ноҳияи Ашт

( 0 Овоз )
  • Пешина
  • 1 of 6
  • Минбаъда

Санаи 4 июли соли 2017 Раиси вилояти Суғд Абдураҳмон Қодирӣ ба ноҳияи Ашт сафари корӣ анҷом дод.

Сафари кории Раиси вилоят ба ноҳияи Ашт аз шиносоӣ бо рафти бунёди корхонаи истеҳсоли намак дар Ҷамоати деҳоти Меҳробод оғоз ёфт.  Дар заминаи Ҷамъияти саҳҳомии “Кони намак” соҳибкори маҳаллӣ тасмим гирифтаас, ки бо сохтани коргоҳи муосир хатти наву замонавии истеҳсолиро фаъол намояд. Бояд гуфт, ки маҳсулоти дар ин корхона истеҳсолшаванда ба меъёрҳои байналмилалӣ ҷавобгӯ ва тавассути таҷҳизоти муосири истеҳсолӣ коркард хоҳад шуд. Корхонаи “Кони намак” маҳсулоти хешро асосан бо тамғаи “Экстра”истеҳсол намуда, наздик 80 дарсади он барои содирот пешбинӣ мешавад.

Корхонаи нав  дар ибтидо 50 нафарро бо ҷойи кор таъмин менамояд. Таъкид кардан ба маврид аст, ки мавзеи мазкур таърихан макони намаки хушсифат буда, дар сарчашмаҳо, аз ҷумла китоби “Тоҷикон”-и академик Бобоҷон Ғафуров  истеҳсоли намак дар Хуҷистон, яъне ҳамин мавзеъ ва таъмини аҳолии Шошу Хуҷанд бо он таъкид шудааст. Тибқи иттилои сарчашмаҳои дигар, ҳанӯз дар асрҳои 9-10 дар Хуҷистон кони калони намак маҷуд буда, онро тавассути Роҳи Абрешим ба шаҳрҳои Ахсикату Исфара, Канду Хуҷанд, Истаравшану Оҳангарон ва Чочу Самарқанд мебурдаанд. Пас метавон гуфт, ки кони Хуҷистон яке аз конҳои асосии Осиёи Миёна ба ҳисоб меравад.

Бартарияти асосии корхона ин пеш аз ҳама истеҳсоли маҳсулоти аз ҷиҳати экологӣ тоза, барои саломатӣманфиатовар ва ба роҳ мондани истеҳсолоти бепартов мебошад. Яъне оби шӯри ба коргоҳ воридшаванда дар коркарди аввал барои истеҳсоли намаки босифати ошӣ истифода гардида, дар коркарди дубора аз он навъҳои дигари намак, аз ҷумла намаки техникӣ истеҳсол карда мешавад.

Раиси вилоят зимни боздид ба соҳибкор тавсия дод, ки асосан маҳсулоти намунавии содиротиро истеҳсол намуда, роҳҳои ворид шудан ба бозори  давлатҳои хориҷаи наздикро пайдо намояд ва дар оянда ҳаҷми истеҳсолотро афзун намуда, бо зиёд кардани  шумораи ҷойҳои корӣ дар таъмини сокинони ноҳия бо кори доимӣ саҳмгузор шавад.

Хадамоти матбуоти
Раиси вилояти Суғд










Шарҳ додан


Защитный код
Нав кардан

ШУМО ДАР: Навид Боздиди Раиси вилоят аз Ҷамъияти саҳҳомии “Кони намак”-и ноҳияи Ашт