Хабарҳо
Конфронси ҷумҳуриявии “Нақши Иҷлосияи ХVI Шўрои Олии Ҷумҳурии Тоҷикистон дар таҳкими сулҳу субот ва ташаккули рукнҳои давлатдории миллии Ҷумҳурии Тоҷикистон” - 18.11.2017 15:06
Иштироки Пешвои миллат Эмомалӣ Раҳмон дар маҷлиси тантанавӣ ба ифтихори 25 - умин солгарди Иҷлосияи 16-уми Шӯрои Олии Ҷумҳурии Тоҷикистон - 19.11.2017 12:33
Суханронии Пешвои миллат Эмомалӣ Раҳмон ба муносибати 25 – умин солгарди баргузории Иҷлосияи XVI-уми Шӯрои Олӣ - 19.11.2017 11:57
Шоҳиди зиндаи бедодии ҲНИТ - 18.11.2017 21:25
ПАЙВАНДОНИ ҲАЙДАР ҚОСИМОВ: “ҚАТЛИ ҚАҲРАМОНИ СССР ҲАЛҚАЕ ДАР ЗАНҶИРИ КУШТОРҲОИ ЧЕҲРАҲОИ САРШИНОС АЗ ҶОНИБИ НАҲЗАТИҲОСТ” - 18.11.2017 21:23
Машварати кории Пешвои миллат Эмомалӣ Раҳмон бо роҳбарону фаъолони вилояти Суғд - 18.11.2017 17:35
Ифтитоҳи навбати дуюми Корхонаи истеҳсоли халтаҳои полипропилении ҶДММ “Суғд Пак” дар шаҳри Бӯстон - 18.11.2017 12:49
Иштироки Пешвои миллат Эмомалӣ Раҳмон дар маросими татбиқи лоиҳаи барқарорсозӣ ва таҷдиди шабакаи таъминоти 35 ҳазор нафар аҳолии шаҳри Бӯстон бо оби нӯшокӣ - 18.11.2017 11:39
Ифтитоҳи корхонаи дорусозии ҶДММ “Фарм Суғд” дар шаҳри Бӯстон - 18.11.2017 11:35
Боздиди Пешвои миллат Эмомалӣ Раҳмон аз гармхонаи инноватсионии парвариши сабзавот бо усули гидропоникаии ҶДММ «Элегант» - 18.11.2017 10:05

Шиносоии Раиси вилоят бо рафти корҳои бунёдкорӣ дар шаҳри Панҷакент

( 1 Овоз )
  • Пешина
  • 1 of 3
  • Минбаъда

Видео :Шиносоии Раиси вилоят бо рафти корҳои бунёдкорӣ дар шаҳри Панҷакент Зимни сафари корӣ ба шаҳри Панҷакент, ки санаи 29 июн сурат гирифт, Раиси вилоят Абдураҳмон Қодирӣ ҳамчунин бо рафти корҳои ободонӣ шинос гардид.

Ба муносибати Соли ҷавонон Мақомоти иҷроияи ҳокимияти давлатии шаҳри Панҷакент нақша дорад, ки дар хиёбони Рӯдакии маркази шаҳр бинои боҳашамати Маркази ҷавононро бунёд намояд. Зимни сафари корӣ Раиси вилоят ҷараёни корҳои сохтмониро дар ин иншоот мавриди назар қарор дод. Фармоишгари иншоот Идораи сохтмон ва меъмории шаҳри Панҷакент ва пудратчии он ҶДММ “Манора-2014” мебошад. Иншоот бо маблағгузории мақомоти маҳаллӣ дар ҳаҷми наздик 7 миллион сомонӣ сохта шуда, мувофиқи нақша он аз 5 ошёна ва таҳхона иборат мебошад. Дар дохили бино бахши ҷавонони шаҳр, рӯзномаву телевизиони маҳаллӣ ва дигар сохторҳо, толори барҳаво барои гузаронидани чорабиниҳои гуногуни сиёсиву фарҳангӣ ҷойгир карда мешаванд. Инчунин маҳфилҳои мухталиф, аз ҷумла маҳфилҳои рақсиву варзишӣ ва бойгонӣ дар марказ фаъолият хоҳанд кард. Дар марказ тамоми шароитҳои замони муосир фароҳам оварда мешаванд. Аз ҷумла толори калон барои 420 ҷои нишаст, чор толори баргузории мизҳои мудаввар бо технологияҳои мусоири намоиши видеоӣ, маркази иттилоотӣ-интернетӣ барои ҷавонон хизмат хоҳанд расонид. Айни ҳол 70 нафар ба корҳои сохтмонӣ дар ду баст машғул буда, бунёди таҳхона идома доранд. Раиси вилоят зимни боздид аз сусткории пудратчии сохтмон эрод гирифт ва дастур дод, ки бунёди иншоотро вусъат бахшад.

Дар доираи корҳои ободонӣ дар шаҳри Панҷакент ҳамзамон азнавсозии муҷассамаи Шоири халқии Тоҷикистон Лоиқ Шералӣ ва саҳну атрофи он шурӯъ мешавад. Мавзеи мазкур баъди таҷдид аз пайкараи нави шоир ва чор фаввора иборат шуда, атрофи он ба гулкорию кабудизоркунӣ фаро гирифта мешавад. Раиси вилоят таваҷҷӯҳи масъулини сохтмонро ба он ҷалб намуд, ки ин мавзеъ минбаъд бояд ҳамчун макони дӯстдоштаи истироҳатию фароғатӣ ва муҳити маънавӣ барои сокинону меҳмонони шаҳри бостонӣ, бахусус ихлосмандони ин шоири шаҳир хизмат расонад.

Дар ҳамин мавзеъ корҳои ободониву навсозии варзишгоҳи марказии шаҳри Панҷакент низ мавриди таваҷҷӯҳи Раиси вилоят қарор гирифт. Варзишгоҳи мазкур соли 2008 ба муносибати ҷашни 1150 - солагии Устод Рӯдакӣ бунёд гардида, барои 3500 ҷои нишаст пешбинӣ шуда буд. Акнун пас аз бозсозии қисматҳои шимолию ҷанубӣ варзишгоҳ дорои беш аз 6000 ҷои нишаст хоҳад шуд. Фармоишгари сохтмон Идораи сохтмони асосии вилоят буда, корҳои бозсозиро ҶДММ “ПМК- 278” бар ӯҳда гирифтааст. Бунёди нишастгоҳҳои иловагӣ имкон медиҳад, ки минбаъд дар варзишгоҳ мусобиқаҳои сатҳи вилоятиву ҷумҳуриявӣ ва ҳамчунин чорабиниҳои бонуфузи фарҳангӣ баргузор карда шаванд.

Хадамоти матбуоти
Раиси вилояти Суғд













Шарҳ додан


Защитный код
Нав кардан

ШУМО ДАР: Навид Шиносоии Раиси вилоят бо рафти корҳои бунёдкорӣ дар шаҳри Панҷакент